استفسار عن حاجات في متور ميرا اتوماتيك 99

صباح الخير يا جماعة..
أختكم واقعه في حيرة محتاجه فيها مساعدة الإخوة اللي بيفهموا..
أنا عربيتي ميرا اتوماتيك 99..
من يومين غيرتلها زيت وحطيت موبيل 3 آلاف كيلو في بنزينة موبيل اللي عند شيراتون الدقي..
لما الراجل غير الفلتر حطلي فلتر تويوتا وحاسبني عليه بـ 45 جنيه والزيت بـ 100 جنيه..
هنا فيه 3 أسئلة: هل فلتر التويوتا يمشي مع الميرا ولا يضرها؟
الأسعار دي صحيحة ولا ايه؟ ولو لأ أجيب منين الحاجه بأسعارها الصح؟
انا عايزه اغير لزيت شل اتش اكس 5 ، هل ده ممكن يضر الموتور لاني كنت بحط موبيل؟ وبكام الشل؟

المهم الراجل قالي زيت الفرامل عايز يتغير.. ولما سألت أخويه قالي ده باكم يعني بيتزود بس لكن ما بيحتاجش يتغير.. الراجل قالي سعر زيت الفرامل 63 جنيه.. فهل زيت الفرامل بيتغير فعلا؟ وهل السعر ده كويس؟

أرجوكم أنا محتاجة الرد في أسرع وقت ممكن.

عندي سؤال على الإكسسوارات.. فين ألاقي وبكام الأيادي اللي بتبقى في سقف العربية من جوه عشان اللي قاعد يمسك فيها بس يكون فيها مكان للشماعات.

شكرا جزيلا

- فلتر زيت التويوتا مسألة انه ينفع ولا لأ
بصراحه لا اعلم
هو قطع غيار دايهاتسو غالبا بتبقى زي تويوتا ولكن ده مش معناه انه يعطي المطلوب منه بالظبط
- موضوع السعر اظن ان فلتر زيت تويوتا ارخص من كده تقريبا 30 جنيه خصوصا كمان ان احنا مش عارفين الفلتر لموديل كام كمان
- تغيير الزيت مفيهوش مشكلة ولكن المهم يكون كله تخليقي وليس التغيير يكون من معدني لتخليقي او العكس اكتر من مره
يعني عودي العربيه على نوع واحد ده الأفضل

- هو زيت الفرامل المفروض الصح بتاعه انه يتغير كله
ده الصح فعلا
ولكن الصنايعيه اتعودت انها تزوده على اساس ان هو بينقص
والمشكلة مبتبقاش انه ينقص ولكن ان كفائتة وخصائصه بتقل بعد فترة زمنية من استخدامه
فبيبقى الأفضل انه ينزل كله ويتغير تماما

وياريت متروحيش لصنايعيه لوحدك ده الأفضل لأن من المعروف انهم بيستعبطوا شويه لما يلاقوا اللي امامهم مش عارف او مش فاهم وخصوصا لو بنت او امرأة

موضوع الأيادي دي
ده متهيألي مش هتلاقيه في الأكسسوارات
ولكن هتلاقيه في استعمال الخارج يعني في الحرفيين مثلا

شكراااااااااااااااااااااا اااااااااااااا جزيلااااااااااااااااااااا اااااااااا
أنا فعلا استفدت من الإجابة دي..
وانا هشوف الاول موبيل اللي حطيته ده تخليقي ولا معدني..
وبعد كده هبقى أغير زيت الفرامل..
وأشتري الفلتر بتاع الميرا من عند بتاع قطع الغيار..
وشكرا جزيلا..

بصي حضرتك ممكن تبقي تروحي المركز ده لن اخوانا هنا بيشكروا في صاحبه وشغله كويس جدا
هو بيشتغل في دايهاتسو بس

اقتباس:

---

المشاركة الأصلية كتبت بواسطة معاذ الشرباصى

ده يا جماعة ايميل مهندس سيد الفراش اللى موجود فى الحرفيين:

sayedfarash@gmail.com

الراجل انا كنت عنده من اسبوع تقريبا و هو قال هيحاول يبقى متواجد هنا فى الموقع, و لو حد احتاج يسأل عن اى حاجة سواء بخصوص الدايهاتسو او البرودوا فهو بيرد بالايميل عادى جدا.

و على فكرة هو بدأ يشتغل فى الدايهاتسو الجديد كمان.

ده برضه عنوانه و تليفوناته:

مركز الفيروز لاصلاح السيارات اليابانية

مهندس السيد الفراش

بلوك e محل 21, الحرفيين

ت: 26978080

موبايل: 0101003520

---

اقتباس:

---

المشاركة الأصلية كتبت بواسطة boki_shomakhar

الراجل قالي سعر زيت الفرامل 63 جنيه..

---

متهيألى كتير شويتين السعر ده، أمس أنا اشتريت علبة البندكس الفرنساوى المعدنية الصغيرة من ماركت محطة وطنية جامع السلام ب11 جنيه وكان الأكبر منها ب19 جنيه.

اولا الفلاتر بالمقاس
يعني في ماركات معينه زي فاك مثلا ممكن فلتر عريتك يكون مثلا بيركب علي 20 عربيه غير عربيتك
ومفيش مشكله انه يكون تويوتا او حتي اي ماركه

لانه ببساطه عباره عن مصافي للرواسب

اما موضوع سائل الفرامل

فأحسن نوعيه هي البندكس الفرنساوي وده العلبه الكبيره ب 17 جنيه

مساله تغير الزيت اعتقد ان شل هيليكس افضل من موبيل علي حسب تجاربي من الشاريد موديل 90

الزيت اللي حضرتك اشترتيه ده معدني لان التخليقي بيبقي 10.000 كم

وده انا لا انصح بيه في سيارات موديلات قديمة

الاجو ان اكون افدت

ا

[quote=mohamed_rhem;890857]

اقتباس:

---

اولا الفلاتر بالمقاس
يعني في ماركات معينه زي فاك مثلا ممكن فلتر عريتك يكون مثلا بيركب علي 20 عربيه غير عربيتك
ومفيش مشكله انه يكون تويوتا او حتي اي ماركه

لانه ببساطه عباره عن مصافي للرواسبا

---

ده طلع صحيح ومقاس الفلتر اللي ركبه قد الي فكه

اقتباس:

---

اما موضوع سائل الفرامل

فأحسن نوعيه هي البندكس الفرنساوي وده العلبه الكبيره ب 17 جنيها

---

معقوله يكون كل ده فرق؟!! طيب ممكن اعرف اجراءات تغيير زيت الفرامل "هو زيت ولا سائل؟ "

اقتباس:

---

مساله تغير الزيت اعتقد ان شل هيليكس افضل من موبيل علي حسب تجاربي من الشاريد موديل 90

---

فعلا هيليكس احسن والناس بتشكر فيه، المعدني هوه 5000 ك وقالولي سعره 98 جنيه، ايه رأيك؟

اقتباس:

---

الزيت اللي حضرتك اشترتيه ده معدني لان التخليقي بيبقي 10.000 كم

وده انا لا انصح بيه في سيارات موديلات قديمة

الاجو ان اكون افدت

---

معلومتين صحيحتين تماماً، وحضرتك أفدتني جداً، شكرا جزيلا ليك ولكل اللي ردوا عليا

وعلى فكره الشاريد والميرا اخوات، بس كنت عايزه اعرف عربيتك مانيوال ولا اتوماتيك؟

بالنسبة للفلتر انا صراحة بغير فلتر الزيت ب 13 جنيه فقط بغيره كل 3000 كيلو معرفش هوا فلتر ايه بس هوا صناعة مصري ! وبغيره من واحد بتاع زيوت كده في عين شمس عادي يعني !

زيت الباكم طبعآ مش ب 63 جنيه ولا حاجة انا افتكر اني اشتريته قبل كده والله ما فاكر بكام بس كان سعره رخيص قوي قوي وبعيد عن السعر ده خاااالص وهوا بيتزود وتقدري تزوديه بأيدك علي فكرة افتحي الكابوت هتلاقي حاجة عاملة زي البرطمان بغطاء اسود كبير جدآ افتحي الغطا وزودي الزيت اللي هتشتريه عادي جدآ اخوكي ممكن يعمل كده ببساطة !

سعر زيت الموبيل 3000 كيلو ب 102 جنيه تقريبآ فكده هوا بنفس السعر تقريبآ

اتمني اكون افدت وشكرآ

اضيف نقطة بالنسبة للزيت هوا سعره 102 للجركن والجركن 4 لتر والميرا بتاخد 2.5 لتر زيت لو هتغيري الفلتير يبقوا 3 لتر عشان ميكونش غيرلك الزيت ومدكيش باقي الجركن اللي بتستفيدي منه المرة التانية وهكذا وشكرآ

اختي الفاضلة
اولا فلتر الزيت بتاع التيوتا هو نفسه بتاع الميرا الياباني منه سعره تقرييا 45 فعلا
ثانيا زيت الفرامل لما التيل يتاكل طبيعي ينقص ويرجع لمستواه مرة تانية بعد تغير التيل
ثالثا مقابض السقف موجودة عند د علاء محل دايهاتسولاند وجميع قطع الغيار وتليفونه 0122329489 وفي ميكانيكي اسمه عادل متخصص دايهاتسو تليفونه 0121894422 وربنا يوفقك