عايز اعرف الطريق من طنطا إلى العريش

**ehabshaker** · 03-06-2009 01:36 PM

السلام عليكم
إلى الأخوة الأفاضل
أنا مسافر من طنطا الى العريش بعربيتى
ممكن اعرف اسهل الطرق للوصول الى العريش من طنطا؟
مع جزيل الشكر للجميع

**limo** · 03-06-2009 02:35 PM

انت ممكن تنزل القاهره وتاخد طريق مصر الاسماعليه بورسعيد هتمشى فيه حوالى 142 كليو متر لغايه لما تعدى على كوبرى اسمه كوبرى السلام الدولى هتاخد اول يو ترن شمال وترجع مع الطريق الى راجع القاهره وبعدين تدخل الكارته بتاعت الكوبرى وتطلع الكوبرى وبعد ما تنزل من الكوبرى هتاخد اول يو ترن شمال وبعد كده تكمل طريق العريش الطريق حوالى 170 كليو يفضل تسافر الصبح علشان الطريق بليل جزء صغير جدا منه الى فيه اضائه ويفضل انك تكون نايم كويس علشان الطريق من طنطا الى العريش حوالى 6 او7 ساعات ولو محتاج بنزين حط من البنزينه الى بعد الكوبرى علطول
على فكره فيه كذا طريق تانى بس ده الى انا عارفه دلوقتى

**Samir Elshahawy** · 07-06-2009 03:33 PM

ممكن تاخد الطريق الدولي الساحلي حتي بورسعيد و قبل بورسعيد تأخد الطريق الدائري (من خارج بورسعيد) و تطلع علي طريق بورسعيد/الاسماعيلية و هنا عندك اختيارين:
- يأما تدخل القنطرة و تعدي القناة من معدية القنطرة و بعدين تكمل علي العريش
- ياأما تكمل بعد القنطرة بشوية صغيرين و تطلع كوبري السلام و منه تنزل علي طريق العريش

**Dr Zezo** · 07-06-2009 05:40 PM

انا اصلا من زفتي وساكن في العريش من زمان

الطريق اللي بنمشي فيه كالتالي

زفتي ميت غمر الزقازيق و بعدين العباسة و التل الكبير و القصاصين لحد ما نوصل الاسماعلية و منها علي القنطرة غرب كأنك رايح بورسعيد و من هناك تأخد الكوبري و انصحك بلاش المعدية الكوبري افضل و بعد كده الطريق لغاية العريش ما يتوهش ابدا