باذن الله ناوي اجيب بيجو 406 موديل 2003 ايه نصيحتكوا لاخوكو
واقيم العربية ازاي وابص على ايه بالظبط عشان انا والله مسالت حد وقلت اسال المعلمين :shyy:هنا
عرض للطباعة
باذن الله ناوي اجيب بيجو 406 موديل 2003 ايه نصيحتكوا لاخوكو
واقيم العربية ازاي وابص على ايه بالظبط عشان انا والله مسالت حد وقلت اسال المعلمين :shyy:هنا
حضرتك ممكن تعمل الموضوع ده فى قسم البيجو هتلاقيهم خبرة اكتر وهتلاقى سرعة فى الرد
عندك حق فعلا بس انا كنت قلت ممكن الاقي الكل بيخش هنا فممكن اكبر عدد يساعدني وكده
ايه ده مفيش حد يعرف حاجة ولا ايه؟
البيجو غنيه عن التعريف
المهم تكشف عليها جيدا جدا
والمهم حاله الموتور والفتيس اهم اثنين
وبعدها العفشه والصدأ
قطع الغيار غاليه اتحاد اوربى
لكنها معمرة
لو اوتوماتيك بلاش منها فتيسها غالي جدا لو حصل في عطل هتزعل منو جامد
بس هي عربية جميلة جدا
مش هتندم علة اختيارك ان شاء الله
عربية تحفة فعلا...هتدخل بيها فى منافسة مع الكبار من البى ام و المرسيدس
أهم حاجة تكشف عليها كويس قوى..و كويس قوى يعنى فى التوكيل مش فى حتة تانية
قطع الغيار قد تبدو غالية..خاصة لو نازل من عربية قطع غيارها رخيصة
بس فعليا قطع غيار البيجو معمرة جدا
يعنى اللى هتغيروا فى البيجو مرة هتغيروا فى عربيات تانية تلات مرات فى نفس المدة
يبقى اضرب اسعار قطع غيار العربيات التانية فى تلاتة..
كمان الفئة دى لازم هتبقى قطع غيارها الى حد ما غالية .. يارب حضرتك تكون فاهم قصدى
.
.
استهلاك البنزين بتاعها نقلا عن ناس معاها العربية ( و ليس عن تجربة شخصية) ممتاز جدا لعربية 2000 سىسى
.
.
الثبات و السحب بقى فمش هنقيمهم عشان دى بيجو
انت هتحسه بنفسك و انت مقطع معظم العرييات على الدائرى و الصحراوى
( ملحوظة ال406 العربية الوحيدة اللى لو جه يشد معايا بهدى و أعديه و أمشى وراه أتفرج عليه)
.
.
بالنسبة للفتيس الاتوماتيك...فى كلام كتير انه فى مشاكل ( برده عن سمع و ليس تجربة) ..بس مع صيانة منتظمة عند ناس متخصصين..اعتقد مش هيبقى فى مشاكل ان شاء الله...بس برده اسأل حد معاه العربية فى النقطة دى
.
.
.
.
أخيرا ان شاء الله لو جبت 406 متخليش حد يلعب فيها الا متخصصين بيجو فقط
و الا هيخلوك تكره اليوم اللى ركبت فيه بيجو.
.
.
منتظرين حضرتك عضو جديد فى عصابة البيجو ان شاء الله
كريم قال اللى فيه الفايدة
انا بس عايز أكد على نقطة بتاعة الصيانة
البيجو بشكل عام جديد و قديم مش بيحب اللعب و قطع الغيار المضروبة
لكن فى المقابل لما بتهتم بالعربية و تعملها الصيانة المظبوطة بتاعتها بتبقى عربية ما شاء الله عليها و العربية مش هتبخل عليك بحاجة
و الف مبروك مقدمآ
الله يبارك فيك وان شاء الله ابقى انتظم عند الوكيل بعون الله بدون مقاطعة
ان شاء الله احاول ابقى في القسم بتاع البيجو عشان استفاد اكتر وشكرا على مداخلتك
العربية التوماتيك فعلا فيها مشاكل في الفتيس
فعلا الاتوماتيك فيه مشاكل من بحثي ع النت اكتشفت ده فعلا
أنا فاكر انى قريت هنا ان مشاكل الفتيس موجودة فى موديلات قديمة تقريبا القبل 2003 , لكن البعد كد مفيش شكاوى منه, صح ولا انا هيست
ياجماعة كل المشاكل كانت بتكمن فى الفتيس الاوتوماتيك بتاع الموديلات القديمة لحد مو 2001 لكن كل ال 406 الشكل الجديد
الكرستالة مفيهوش اى عيوب وعربيه ماشاء الله
انا شخصيا لو هعلى عن عزيزة عربيتى ال 405 مش جايب غير 406 وان شاء الله لما أطلع على المعاش هجيب 407 تكون بقت مو قديم
ده ان أتعينت أصلا فئة ال 400 فى بيجو جامدة جدا
ربنا يبارك لك ان شاء الله
باشا, يوم أمس كنت قاعد فى تجمع عمل على الغذاء, و أحد الأفراد معاه ال 406 موديل 2003, و أكدلى على جمال السيارة كرفاهية و موتور و عفشة و لكن... باستثناء الفتيس الحصله فيه مشاكل كتير لدرجة ان التوكيل كان عايز يغيرو ب 30,000 ج, طبعا هو نفض و بيعمل اجراءات تصليح أو صيانة من فترة للتانية و لكن بردو بتكلفو بتاع 2000 ولا 3000 جنيه, و قلى هوا واضح ان البيجو فى الفترة ديه كان عندهم مشاكل فى تصنيع الفتيس الأتوماتيك لمواتير 2000 cc, لأن المشكلة ديه ظهرت بردو فى البيجو 405 برستيج 2000 cc
انا معايا 406 يا جماعه من مو 97 لحد 2004 مش 2003 الفتيس مشكله جامده اهم حاجه ان صاحب الموضوع يتاكد من حاله العفشه ويبص على اعطال الكمبيوتر لان الكمبيوتر بتاعها اعطاله بتخلينى الف حوالين نفسى وكمان سخونه العربيه لازم تشوف ايه نظامها اما مشكله الفتيس حضرتك ممكن تدور على 406 معاقين سواء الكرستاله او القديمه والاتنين جامدين بتنزل مانيوال و 1600 سى سى بس اعتقد ان المعاقين هتبقى اغلى شويه عشان مانيوال ومشكله الفتيس فى العربيه دى مع العلم ان المعاقين مش فول اوبشن وانت تستخير فى الاول والاخر وربنا يوفقك واى استفسار انا موجود
شوف ياباشا خلاصة ال 406 فى انها عربية زى الفل ومحترمة وكرفاهية وثبات وفرامل وعفشة زى الفل
بالنسبة للموتور انا كان معايا 406 2001 اوتوماتيك دى كانت اول الكرستالة الموتور كان بيسخن مع التكييف
بالنسبة للفتيس اعرف ياباشا ان كل موديلات بيجو القديمة من 2001 2005 لحد بعد كدا (انا ماعرفش حاجة عن 207 او 308 او 407 ) الموديلات الجديدة فا الفتيس فى موديلات بيجو دى كلها من 206 ل 307 ل 406 كلها بتشتكى من موضوع الفتيس فى طقم البلوف واول حاجة بتبوظ فى الفتيس هو البلوف والبلف الواحد بيتكلف فى حدود 1000 جنية تزيد ما تقل فا ياباشا انت ربنا يعينك على الى فية الخير ليك
بص من الاخر لو انت هاتجيبها معاقين اتوكل على الله على طول لانك بتشترى عربيه زيرو اما بالنسبه للفتيس هيبقى مانيوال ومفهوش اى مشاكل بس خلى بالك العربيه هتبقى هاف اوبشن مش فول اوبشن ومش هيبقى فيها تكييف و اتنين زجاج كهربا فى الامامى والمرايات مانيوال وااتكييف مانيوال و مفهاش كمبيوتر رحلات بس المهم انها زيرو وبحالتها وابقى اطلع على بورسعيد حط كل اللى ناقص واتوكل على الله ومش هتندم وعلى ضمانتى
upupupupupupupupupup
upupupupupupupup
upupupuuuuupu
طبعا الكلام ده غلط هى كانت اشاعات زى حوار ان المعاقين مهلتها هتبقى 3 سنين و على فكره انا جايبها من بورسعيد معاقين وركبت كل اللى ناقص وهو موجود فى بورسعيد لصاحب الموضوع وحظرها يتفك عادى والعربيه كانت واقفه عليا ب65 وفيها فتحه سقف كهرباء اوريجينال كمان وليا 10 الاف ضريبه مبيعات بيترفع بيهم قضيه وبتاخدهم بسهوله هتصرف عليها 10 عشان تركب اللى ناقصها كله وهى على فكره نفس كماليات الباصات و الاوكتافيا مع انها مو 1998 وهتفك حظرها ب12 الف والله اعلم وربنا يوفقك للى فيه خير ليك العربيه تبقى واقفه عليك ب75 الف بس زيرررررووووووووووووووووو طبعا انا كنت جايبها فى شهر 4 سنه 2006 واكيد الاسعار نزلت جاااااااااااااااااااامد عن كده واسف على الاطاله
اعتمد على الله