هل يوجد فترة سماح بعد انتهاء ترخيص العربية؟
عرض للطباعة
هل يوجد فترة سماح بعد انتهاء ترخيص العربية؟
شهر
شكرا لردك
يعنى فى خلال الشهر دة مفيش مشكلة لو فى ظابط اطلع على الرخصة؟
no , no problem
على حسب علمى و الله أعلم فيه شهر سماح ذى ما قال الأخ مودكس و لكن ممنوع يكون حد راكب معاك لأن فكرة الشهر السماح ده أنك تظبط العربية علشان الفحص يعنى سمكرة دوكو زجاج مشروخ ......يعنى لو فى حاجة من الحاجات ديه محتاجة تتعمل يكون لسه عندك وقت. يا سيدى ماتقلقش ان شاء الله مش هيحصل حاجة :)
لا توجد مشكلة بس ممكن يغتت الظابط و يقولك المهله ده عشان تجدد الرخصه مش عشان تمشى بالعربية
شكرا لمساعدتكم
هو مفيس حاجة من دي بس الى معطلنى البنك مستنى يدينى جواب تجديد للمرور ,مقدملهم الطلب من 3 اسابيع قلت اامن نفسى قبل مالرخصة تخلص ,بس يظهر مفيش فايدة في الروتين .لازم يزلوا الناس
30 يوم داخل محافظتك على حد علمي
+1اقتباس:
المشاركة الأصلية كتبت بواسطة modux
الرخصة ليها شهر مهلة سماح للتجديد
بس التصريح المؤقت مالوش اي مهلة و يجب توقف العربية من اول يوم ينتهي فية التصريح المؤقت (الكارتون)
فهمت من كلام حضرتك انك مقسط للبنك بحظر بيع و تجديد سنوياقتباس:
المشاركة الأصلية كتبت بواسطة mina
الحال زي عندي و كلمت كونتكت قالوا انهم بيبعتوا الجواب تلقائي بعد سداد القسط الحادي عشر كل سنه
اللي عايز اعرفه هيه ايه اجراءات تجديد الرخصه في حاله عدم وجود فحص فني
يعني حروح المرور و بعدين ايه اللي حعمله ايه الاوراق اللي لازم تكون معايا و المبالغ
الكلام ده منقول طبعا و يارب يفيدك يا هانى فى مهمتك أنت خد برده فلوس زيادة معاك طبعا و صور كل أوراقك قبل ماتروح المعركة قصدى المرور خد صور شخصية و شهادة ميلادك ماحدش ضامن الظروف اليومين دول يا هانى :lol:
استخراج وتجديد رخص المركبات أولا : السيارات الملاكي : إجراءات تجديد الرخصة :
1-قدم نموذج 51 مرور من خزينة المرور.
2-قدم شهادة براءة الذمة المالية من المخالفات.
3-وثيقة التأمين الاجبارية .
4-قدم السيارة للفحص الفني علي النموذج 101 مرور كل ثلاث سنوات.
5-قدم الرخصة المراد تجديدها.
6-استلم الرخصة بعد سداد الرسوم المقررة.
م ن ق و ل
جزاك الله كل خير يا اسلاماقتباس:
المشاركة الأصلية كتبت بواسطة اسلام المصرى
انا حجدد علي شهر واحد ان شاء الله
فعلا انا من تجربتي في المرور بعمل حسابي من دلوقتي
ليك شهر اسمه شهر حكومه
و بعد لشهر لما يخلص ماا ينفعش تمشي بالعربيه علشان كده الرخصه بتبقي منتهيه و لما تروح تجدد قبل الشهر عادي جدا
بعد الشهر بيوم بتدفع تلت الضريبه زياده
...
في حل تاني انه لو عاوز تمشي بالعربيه بعد الرخصه ما تخلص ممكن تروح القسم و تبلغ ان الرخصه ضاعت و تعمل مذكره فقد للرخصه بس المذكره دي بتمشي بيها اسبوع بس و لو عاوز تعملها تاني تروح تعملها عادي جدا من اي قسم تاني :D
العفو يا هانى أنا تحت أمرك و لو كنت بترخص فى القاهرة كنت روحت معاك :) المشاوير ديه عايزه أتنين علشان الأنجاز واحد واقف محشور على الشباك و التانى واقف فى طابور الخزنة :D بس يمكن عندكم فى الأسكندرية العملية منظمة أكتر من عندنا :)اقتباس:
جزاك الله كل خير يا اسلام
لا لا لا يا هانى ماتسمعش كلام حازم فى ديه :) الموضوع مش مستاهل لو عمل كده يا حازم يبقى هيضطر يكدب لانه مش هيقول الحقيقة علشان يعمل المذكرة حرام عليك يا راجل :) - أنا عارف أنك مش قاصد يا راجل يا طيب :)اقتباس:
في حل تاني
انا قصدي اخدم بس اينعم انا عمري ما عملتها بس عارف فكرتها. :) بس كنت عاوز اجيب ليه حلول علشان لو معندوش وقت يرخصاقتباس:
لا لا لا يا هانى ماتسمعش كلام حازم فى ديه الموضوع مش مستاهل لو عمل كده يا حازم يبقى هيضطر يكدب لانه مش هيقول الحقيقة علشان يعمل المذكرة حرام عليك يا راجل - أنا عارف أنك مش قاصد يا راجل يا طيب
قديمة ومبقتش تمشى يا حازم - لازم يكون ليك واسطة فى القسم وغير كدة بيخلوك تروح قسم المروراقتباس:
المشاركة الأصلية كتبت بواسطة hazem_khidr
:x :x :x :x :xاقتباس:
قديمة ومبقتش تمشى يا حازم - لازم يكون ليك واسطة فى القسم وغير كدة بيخلوك تروح قسم المرور
معقول معدوش بيمشوها؟
اصلها حاجه قانوني جدا انكم بتعمل محضر ان المحفظه ضاعت منك و كان فيها بطاقتك و رخصه القياده و رخصه العربيه و تمشي زي ما انت عاوز .
يالا مش مشكله نفكر في حاجه تانيه :D
شكرا ليكم يا جماعة انا كنت بردة هسأل عن اجراءات التجديد بس كده الأمور وضحت :)
على فكرة البنك مبيطلعش جواب للمرور الا لما تكون مجددلوهم بوليصة التامين انا امنت مع الشرق للتأمين ب 1500 و بزايدة 300 عن السنة الى فاتت بيقولوا النسبة زادت
معلش يا جماعة سؤال ساذج كدة ... هوا لازم بيكون فى فحص كل تجديد رخصة؟ اصل الاكصدام بتاعى مكسور ومكسل اروح اعمله .... وشكرا ليكم
الفحص كل 3 سنين و بيكون مكتوب على الرخصة
الفحص كل تلات سنين بالنسبه للملاكي و كل سنه بالنسبه للاجره و النقل.اقتباس:
معلش يا جماعة سؤال ساذج كدة ... هوا لازم بيكون فى فحص كل تجديد رخصة؟ اصل الاكصدام بتاعى مكسور ومكسل اروح اعمله .... وشكرا ليكم
بص في رخصتك حتلاقي مكتوب فيها تاريخ الفحص القادم امتي و لو مش السنادي تقدر تروح من غير العربيه كمان :)
يا ريت لو حد عندة فكرة عن التكلفة تقريبا بتبقى كام؟
بس كدا حاتبهدل في المواصلات :lol: :lol: :lol: :lol: :lol:اقتباس:
المشاركة الأصلية كتبت بواسطة hazem_khidr
شكرا يا جماعة ليكم لنا مكتوب عندى فى الرخصة ان تاريخ الفحص 2008 يعنى ممكن اروح 31/12/2008 افحص؟ :lol:
لا دا معناه ان معاد فحصك في 2008 مع معاد تجديد الرخصهاقتباس:
شكرا يا جماعة ليكم لنا مكتوب عندى فى الرخصة ان تاريخ الفحص 2008 يعنى ممكن اروح 31/12/2008 افحص؟
معاد تجديد الرخصة فى 21/10/2007 ..... مش فاهم :roll: :roll: :roll: :roll:
طب و ميعاد السنه الجايه امتياقتباس:
معاد تجديد الرخصة فى 21/10/2007 ..... مش فاهم
لو كان معاد السنه الجايه 12/10/2008
يبقي دا برضه يوم الفحص بتاعك و مش حتجدد الرخصه غير لما تفحص
+1اقتباس:
المشاركة الأصلية كتبت بواسطة hazem_khidr
طب أنا ماشى بتوكيل والرخصة هتنتهى فى شهر 11 والعربية نمرتها عجبانى ومش عايز أنقل وأنا مش عايز أحول للمرور بتاعى علشان تعاملهم وحش وكمان هيغيروا ليا النمر - فكنت عايز أجدد على نفس مرورها - دة ينفع ولا لآة
حاجه من الاتنيناقتباس:
طب أنا ماشى بتوكيل والرخصة هتنتهى فى شهر 11 والعربية نمرتها عجبانى ومش عايز أنقل وأنا مش عايز أحول للمرور بتاعى علشان تعاملهم وحش وكمان هيغيروا ليا النمر - فكنت عايز أجدد على نفس مرورها - دة ينفع ولا لآة
لو علاقتك كويسه بالبايع تخليه يجي المرور يرخص العربيه باسمه تاني و لو ما عملش كده ما تلموش.
اما لو عاوز تمشي قانوني يبقي تشوف اي محل اقامه في الدايره بتاع المرور اللي انت عاوز تفضل فيه و تغير محل اقامتك عليه .
و دي بتسلتزم منك انك تعمل بدل فاقد للبطاقه و تعين البطاقه اللي فيها عنوانك الاصلي معاك و تشوف حد في السجل المدني او في ناس بتعملها يقومو ينقلولك محل قامتك علي الدايره بتاع المرور و ساعتها بتروح المرور دا عادي جدا و بترخص عربيتك .
بس الاهم تسأل هل لما بتروح تسلم اللوحات بعد ما بتسجل بتستلم نفس الوحات تاني ولا لاء علشان فيه اقسام مرور بتستلم منك اللوحات و تسلمك لوحات تانيه علي حسب مدير المرور الموجود بيفضل الطريقه دي او لاء
يعنى يا حازم - مينفعش أنا أجدد فى المرور من غير المالك الأول - أنا معايا توكيل أدارة وبيع
اقتباس:
المشاركة الأصلية كتبت بواسطة amrrashed
لأ مش لازم
الفحص بيبقى كل 3 سنوات و بيبقى مكتوب تاريخه عالرخصة
شكرا يا حازم على جهدك معايا
انا مكتوب فى الرخصة "تاريخ الفحص 2008" بس كدة من غير ايام ولا شهور فى حين ان تاريخ انتهاء الترخيص 21/7/2007
ايوه يا عمرو باشا ماهو تاريخ الفحص دا بيبقي يوم الترخيص يعني لو مكتوب 2010 برضه تروح يوم اما بترخص تفحص برضهاقتباس:
انا مكتوب فى الرخصة "تاريخ الفحص 2008" بس كدة من غير ايام ولا شهور فى حين ان تاريخ انتهاء الترخيص 21/7/2007
طب لو واحد مييعاد فحصه بعد سنة و و الرخصة هتخلص السنة دى، و عايز اجدد 3 سنين، ايه اللى بيحصل؟ هل بيفحصوها السنة دى ، ولا بيعملوا ايه
و كمان سؤال بالنسبة لو فى خبطة ف الاكصدام، المفروض تتعمل قبل الفحص ولا مالهاش علاقة
ماحدش يعرف يا جماعة