غيرت التيل الامامى انبارح

السلام عليكم

كنت كتبت موضوع عن صوت من العجلة الشمال قدام زى صفيحة بتحك فى حاجة
والباش مهندس سمير مشكور رد عاليا وقالى دى الصفيحة الى ورا الدسك
المهم فكيت العجلة عشان ابص عليها لقيتها مفهاش حاجة وبردو رحلتها ورا شوية ولاكن مفيش تغيير فى الصوت بردو
روحت للميكانيكى فك العجلة وفك التيل لقاة متبهدل لية؟
اتارى الجهاز كان معلق عشان الدراعين الى عملين زى السوستة الى بيتحكموا فى حركة الجهاز محجرين ومش راضين ولا يتفكوا ولا يتغيروا المهم قام الميكانيكى فاكك الحديدة الى فيها السوستتين وقالى روح سخن عليهم وجيب تيل روحت سخنت السوست فكت متتخيلوش كانت محجرة ازاى واشتريت تيل كورى مش فاكر نوعة اية كدة كلمة قريبة من سامسونج بس اختلاف فى بعض الحروف الاخيرة عمل 70 جنية وظبتنا الحديدة دى وركبنا التيل وقفلنا الجهاز وروحنا على العجلة اليمين مفهاش اى حاجة زى الشمال كدة وغيرنا التيل بردة والفرامل بقت تمام التمام

بس متتخيلوش التيل كان طالع عامل ازاى بسبب التحجيرة بتاعت الجهاز ياريت الناس تستفاد من الموضوع دة بالكش ديما على حركة الجهاز تمام ولا فى اى اعاقة عشان مش تدمر التيل زى عندى كدة
واسف للأطالة بس قولت اوضحلكم ممكن الموضوع يفيد حد فى حاجة وشكرا

شكرآ علي الافاده.
وربنا يديمها عليك نعمة " الفرامل "

شكرا عالتوضيح

لا شكر على واجب احنا مفروض كلنا نفيد بعض بأى تجربة حصلت لأى حد
ودى فكرة المنتدى كلة يستفاد من كلة
مش معقول هفضل استفاد من غير ما احاول افيد حد

اقتباس:

---

المشاركة الأصلية كتبت بواسطة zocor742

واشتريت تيل كورى مش فاكر نوعة اية كدة كلمة قريبة من سامسونج بس اختلاف فى بعض الحروف الاخيرة

---

SANGSIN

www.sangsin.com

MMamdouh

ايوة يا محمد باشا sang sin وكورى بالظبت كدة
اية راى حضرتك فية نظيف ولا اية

طيب الحمد لله ..............وعلى كده العربيه كان سحبها مش قد كده فى الأيام الأخيره .....لأن كده مجموعة الدشم والكالبر كانوا قافشين مع بعض على الطنبوره

شغال... و ان كنت افضل علية الجولد

MMamdouh

http://dc05.arabsh.com/i/00190/j5br681uju29.jpg
ودى صورة التيل الى جبتة كمان من موقع الشركة

يالا هياخد وقتة وهيتغير برضوا

يعنى مش مقصر اوى ممكن على السرعات الصغيرة بدليل انة كان بيحك
متتخيلش يا باش مهندس منظر التيل كان عامل ازاى
تصدق ياريت كنت صورتة وورتكم المنظر بنفسكم بس ياخصارة

كويس الحمد لله انك كشفت وشكرا على الافادة والمعلومات

اقتباس:

---

المشاركة الأصلية كتبت بواسطة zocor742

يعنى مش مقصر اوى ممكن على السرعات الصغيرة بدليل انة كان بيحك
متتخيلش يا باش مهندس منظر التيل كان عامل ازاى
تصدق ياريت كنت صورتة وورتكم المنظر بنفسكم بس ياخصارة

---

عموما الحمد لله .....وربنا بيحبك فعلا .....أنك أكتشفت الموضوع ده ......قبل ماتساقر مشوار طويل بالعربيه.....................

_ دا غير أن الطنابير كانت ممكن تبوظ لو ملحقتش تغيير التيل .....والصفاره دى جات فى مصلحتك........زى أما الكبلن بيطقطق .......علشان نعرف أنه خلاص قرب يقول..........

الحمد لله فعلا بس اظاهر انة كان بقالة فترة كدة عشان السوستتين كانوا محجرين بطريقة غريبة ولا جاز ولا دق حلها غير لما اتسخن عاليها بس انا كنت سافرت القاهرة من فترة حوالى 3اسابيع كدة وكنت زمان بسمع صوت حك نفس صوت الحكة دى بس واطية قوى ومكنتش شاغل دماغى اوى ومكنش الصوت باين طالع منين
يالا الحمد لله اهو الواحد بيتعلم من الى بيحصل

اقتباس:

---

المشاركة الأصلية كتبت بواسطة zocor742

http://dc05.arabsh.com/i/00190/j5br681uju29.jpg
ودى صورة التيل الى جبتة كمان من موقع الشركة

يالا هياخد وقتة وهيتغير برضوا

---

هو ده التيل اللي جايبه لعربيتي النوبيرا ولسه ماركبتوش ....وكنت جايبه ب 45 جنيه من التوفيقيه

هو الموضوع كلة بالتيل بالمصنعية عمل 70 جنية
تقريبا جبتة ب 50 جنية
بس عايز اسئلك على حاجة هو لون ضهر التيل عندك لونة اخضر ولا ازرقوهل هو كورى بردو

اقتباس:

---

المشاركة الأصلية كتبت بواسطة zocor742

هو الموضوع كلة بالتيل بالمصنعية عمل 70 جنية
تقريبا جبتة ب 50 جنية
بس عايز اسئلك على حاجة هو لون ضهر التيل عندك لونة اخضر ولا ازرقوهل هو كورى بردو

---

هو تقريبا بني ( اعذرني اصلى عندي مشكله في الالوان ) ومكتوب عليه made in korea , for leganza dohc ,for nubira dohc

تمام كدة هو الى معايا هو اخضر مش بنى
بس همتا ظبتوا الفرامل جامد الحمد لله
عقبال متركبهم انت كمان