ميكانيكي دايو محترم

**sherifnagy** · 03-06-2009 04:48 PM

اولا احب اشكر المنتدي الرائع دة واشكر كل اعضاؤة و مساهمية و باركولي علشان طلعت شاطر و عملت بنصيحتكوا و الحمد لله جبت لانوس 2005
المهم دلوقتي اني رحت توكيل العباسية علشان اغير سير الكاتينة قام قاللي المهندس هناك اسيب العربية و ارجع الساعة 4 عصرا و التكلفة 600 جند لتغيير السيور
بصراحة معجبنيش الكلام و روحت و سؤالي هو
هل انا لازم اغير السير عند التوكيل و هل دة سعر عادي وهل ممكن حد يدلني علي ميكانيكي محترم في حدود مدينة نصر
و شكرا لاول الاسئلة يا اخوتي في الدايو

**samirayad** · 03-06-2009 09:30 PM

سيبك منهم يا أستاذ: شريف .....وان شاء الله الأخوه يدلوك على ميكانيكى كويس بعيد عن الجماعه الجزارين دول .............ومبروك طبعا على العربيه...............على الأقل كل حاجه حتتعمل قدامك وأنت عندى الميكانيكى ( وبلاش شغل الدكاتره ده ) ......دا زى ماتكون موديله عينة تحليل ........وبيقولك تعالى خد النتيجه بعد خمس ساعات مثلا..............

**MMamdouh** · 03-06-2009 09:39 PM

التوكيل غالى جدا... شوف ميكانيكى كويس

اسعار قطع الغيار فى الموضوع المثبت... و المصنعية اخرها اخرها 150 جنية لو الميكانيكى راجع على كل مسمار فى العربية اضافة لتغيير السيور و الفلاتر و تربيط العفشة و نضافة الايدل الخ الخ

MMamdouh

**nasroo** · 07-06-2009 02:06 PM

المشاركة الأصلية كتبت بواسطة ahmedhilmy

اولا مبروك علي العربية ثانيا ده كتير جدا انت ساكن فين لو قريب من المعادي اقولك الميكانيكي بتاعي راجل محترم و مصنعيته حنينة

طب فين الراجل ده في المعادي

**ahmedhilmy** · 08-06-2009 02:57 AM

بس يا سيدي اولا يا ريت لو اتشرفت بحضرتك و اوديك بنقسي كفاية الواحد يتعرف علي حد من رجالة الدايو احسن منتدي ثانيا الميكانيكي اسمه رمضان ضاحي و هو في شارع 14 مكرر لو حضرتك جي من الاتوستراد تدخل النصر و تفضل مكمل لغاية مستشفي الريان من هناك تكمل لغاية الميدان اللي بيطلع علي الكورنيش مش فاكر اسمه طبعا في شارعين واحد يطلع الكورنيش و ده كوبري و التاني يدخل علي شارع 9 تدخل من التاني تمشي لحد متقابل تاني يمين ادخل منه هتلاقي مدرسة هو و راها اسال عنه عند المدرسة معروف ارجو اني اكون وصفت بدقة و برده يسعدني اني اقابل حضرتك و اروح معاك لو حابب

**nasroo** · 08-06-2009 12:30 PM

الله يكرمك يا احمد باشا انشاء الله لما انوي هكلمك وانا اللي ليا الشرف ياباشا

**sherifnagy** · 08-06-2009 11:18 PM

المشاركة الأصلية كتبت بواسطة ahmedhilmy

اولا مبروك علي العربية ثانيا ده كتير جدا انت ساكن فين لو قريب من المعادي اقولك الميكانيكي بتاعي راجل محترم و مصنعيته حنينة

انا اشكر حضرتك جدا علي ذوقك و بصراحة انا لما شفت العنوان تهت لوحدي هههه
انا بصراحة الميكانيكي الوحيد اللي سمعت عنة في المنتدي هو اللي كان رشحة الاستاذ ممدوح وفي الهرم و دة بعيد برضة فيا ريت لو اي عضو يعرف ميكانيكي في حدود مدينة نصر ( مكان سكني)
و اشكر حضراتكوا جدا علي تعاونكوا

**acounter011** · 09-06-2009 08:54 AM

بص يا باشا
انا معايا دايو موديل 2000
بتعامل مع ميكانيكي ممتاز في عين الصيرة
اسمة محمد فيصل لو عاوز توصله ممكن اتشرف بمعرفة حضرتك ونروح مع بعض
عموما هو اما نادي الابطال الـ في عين الصيرة