ثروة من السماء.. لغز يحاول رجال المباحث فك طلاسمه!!

كتب رشاد كامل وبهاء الدين محمد:
ثروة من السماء تتحول إلي لغز.. الواقعة بدأت بمكالمة تليفونية لعامل في مؤسسة ادوات كهربائية خلف قسم شرطة الموسكي بوجود كيس امام المؤسسة.. توجه العامل فوجد الكيس وعندما فتحه وجد بداخله 'رزمات' من الأوراق المالية.. فأسرع بالكيس إلي مالك المحل فأمره بالتوجه الي القسم لتسليم النقود والابلاغ عن الحادث.
في مكتب الرائد عبد الفتاح القصاص رئيس مباحث قسم الموسكي قال العامل سامي محمود المعداوي '51 سنة' أن أحد الاشخاص حضر الي مالك المؤسسة ومعه كيس بلاستيك كبير الحجم وطلب منه استثمار نقوده التي في الكيس في مشروع للأدوات الكهربائية وطلب مني صاحب الشركة الجلوس مع هذا المجهول لمناقشته لكنه رفض الافصاح عن اسمه وهويته وقال أن معه 7 آلاف جنيه يريد استثمارها فنصحته بالبحث عن مشروع فانصرف ومعه الكيس وكان ذلك حوالي الساعة السابعة والنصف مساءا وفي تمام الساعة الثامنة تلقي المكالمة الغامضة علي تليفون المؤسسة بوجود حقيبة امام الباب وأنهي المكالمة فأسرعت إلي الخارج ووجدت نفس الكيس الذي حضر به الشخص المجهول الي المؤسسة تبين ان المبلغ 300 الف جنيه.فتم تحرير المبلغ وتحريز محضر بما حدث.
التقت الأخبار مع العامل الذي عثر علي النقود فقال أنه متزوج ويقيم بشبرا الخيمة ولديه 4 من الأبناء أكبرهم أحمد (20 سنة) حاصل علي دبلوم صنايع ولا يعمل وبنت بالثانوية العامة وولدان توأم بالإعدادي وأنه عندما وجد النقود شعر بالخوف الشديد ولا يعلم مصدرها ورجح أن يكون الشخص المجهول الذي حضر الي المؤسسة هو صاحبها لكنه لا يعلم لماذ ترك مبلغ كبيرا كهذا ولماذا اختار هذه المؤسسة بالذات مؤكدا أن ما حدث.

------------------------------------------------------------

تفتكروا كام واحد هيفكر انه يبلغ عن الفلوس دى؟

واحد من كل 1000 واحد

no one

والله ولاد الحلال كتير ومالين البلد انما دايما الوحش هو اللي بيظهر انما الكويس بيكون في حاله ومحدش بيتكلم عنه

رغم كل اللي بيحصل حوالينا الدنيا لسه بخير والمصريين لازم يبان معدنهم الاصيل

على فكره ده ممكن يكون فلوس حق لصاحب المؤسسة أخذت منه في معاملاته بدون علمه او نصب يعني
واللي اخدها منه عاوز يردهاله بدون ما يعلم بأي طريقه علشان لو عرف اي شئ كهذا ممكن يكون فيها مفسده اكبر من المصلحه
فراح عمل كده ..............ز ولكن ممكن تكون الطريقه مش كويسه ولكن ده ممكن يكون حل للغز
لأن مشايخنا لما حد بيسألهم عن أنه اخد حاجه مش حقه بدون علم صاحبها وهو ميقدرشي يواجهه بها لأسباب قويه بيقوله انه يعطيهاله بطريقه غير مباشره بدون ما يحس كأنه لو حاجه بسيطه يعطيهاله بشكل هديه او انها مكسب حاجه معينه او اي شئ مثل هذا

بصراحه دي رؤيتي لأن مين اللي هيسيب 300 الف جنيه كده ويمشي علشان ايه
ده لو مضروبين مليون واحد هيأخذهم ويدفع فيهم برضه فلوس ........ مش كده ولا ايه

الناس الى بدور اكل عيشها من مصدر حلال ولا حرام دول موجودين كتير بس السوال الى بيطرح نفسة مين الراجل الى ساب الفلوس وعمل كدة لية واعتقد لو كان تعبان ف الفلوس دى مكانش عمل كدة

الخير في البلد كتير و الحمد لله بس المفروض اللي سلم الفلوس ياخد 10% من اصل المبلغ دا قانوني اللي يلاقي حاجه بياخد 10% منها.
ربنا يحميه و يبارك ليه في عياله

طب ما هو سابهولى بمزاجة أروح أسلمة لية - حد يقلى

اقتباس:

---

المشاركة الأصلية كتبت بواسطة eng_mkhalaf

طب ما هو سابهولى بمزاجة أروح أسلمة لية - حد يقلى

---

تعرف منين انه بمزاجه؟ مش يمكن حصلتله حادثة و ليه ورثة؟ أو يمكن مسروقين و ليهم صاحب؟

لما هما مسروقين ما كان يحرقهم مثلا بدل ما يوزعهم

اقتباس:

---

المشاركة الأصلية كتبت بواسطة eng_mkhalaf

لما هما مسروقين ما كان يحرقهم مثلا بدل ما يوزعهم

---

أحتمال يكونوا حلال و صاحبهم تعبان فيهم

اقتباس:

---

تفتكروا كام واحد هيفكر انه يبلغ عن الفلوس دى؟

---

واحد من كل 10.000 الاف

لسه الدنيا فيها ناس كده؟
المال الحلال مبيضيعش

من شروط التوبة لكى تقبل , رد المظالم الى اهلها .., اللى حط الفلوس ادام المحل ثم ضرب تلفون يعرفهم و يقول للعامل : اديهم لصااحب المحل شخص يتوب الى اللة وقرا فى دينة شروط التوبة . وواضح انة كانت بينة و بين صاحب المحل شغل على مدى سنين كان يخدع فية صاحب المحل دون ان يدرى....و اللة اعلم بعبيدة سبحانة و تعالى