الموضوع: fear factor xtreme ارض الخوف

طبعا كله يعرف برنامج ارض الخوف

انا شابف انه برنامج مالوش اى هدف ومش لذيذ خالص ومفيش اى اثارة غير ان شوية ناس نفسها تقلد برنامج اجنبى وخلاص

بالصدفة بقلب فى القنوات ولقيت البرنامج شغال ولقيت المسابقة عبارة عن واحد نايم على الارض ومربوط ويحطوا عليه زيت وفوق الزيت ده شوية اكل فراخ درة وحاجات من دى ويجيبوا شوية فراخ تقعد تاكل من عليه وتنقر فيه

طيب ايه الجمال والاثارة اللى هنا معرفش ........ غير شوية حاجات مقرفة

تانى حاجة مسابقة عبارة عن صندوق فيه دود وصراصير وحاجات وحشة وبيطلع من وسطها رجل فرخة طيب ايه الحلاوة اللى هنا والاثارة والمتعه مفيش .....

غير كل ده ده شوية الناس اللى فى البرنامج عبارة عن بنات شكلها غلط بجد طبعا دى خلقة ربنا بس الاسلوب بتاعهم شوية بنات متعرفش جايين منين

ومين اللى يسيب اخته ولا بنته تقعد بره البيت اكتر من شهر ومع ناس غريبة فى مكان بعيد خلاص للدرجة دى بقي دمنا بارد واكيد فى حاجات بتحصل مالهاش لازمة والهزار مالوش حدود

بصراحة حاجة فى قمة الاستفذاذ والمشكلة ان فى ناس اكيد عاجبهم جدا البرنامج ده ومتسمتعين جدا بيه

ياريت كل واحد يقول رايه فى البرنامج ممكن انا غلطان وفى حاجة انا مشايفها

وعلى فكرة انا شاب عادى مش مقفل ولا حاجة بس فى حاجات رخمة اوى مالهاش لازمة