عرض للطباعة
انا يا جماعه ان شاء الله مقبل على اقامه مشروع انا وواحد صحبى فالاجازه دى وهو عباره عن سنتر كمبيوتر وبلاى ستيشن . ودا حاجه مؤقته لحد ما نخلص دراسه . فبما انى ماليش سابقه فالموضوع فقولت لو اى حد له تعليق او ملحوظه اكيد هايهمنى جدا اسمعه حتى لو كانت ملحوظه بسيطه لانى بثق فعلا فارائكو
شكرا
مبدئيا انا لا احبز الشراكة مع احد مهما كانت العلاقه لان فى معظم الاوقات بتنتهى نهايه سيئه وده من خلال عدة تجارب ومن خلال تجارب الاخرين ثم خلى بالك المشروع ده ليه اسس معينه لازم تتبعها
زى التراخيص ( سجل وخلافه ونسخ برامج اصليه مرخصه ) علشان المشروع ميتقفلش بدرى
وكمان خلى بالك من الشبهات زى لو هتاجر انترنت يبقى لازم يكون عندك ويب فلتر يمنع المواقع الجنسيه
وكمان هتلاقى الى جايلك يقولك سجل فى دفتر عندك اسم ورقم بطاقه كل واحد ياجر نت والتوقيت كمان جميل
وفى النهايه هو مشروع جميل ومبربح بس عايز صبر وربنا يوفقكم
فعلا الشراكه مشاكلها كتييييييييييييييييييييييي يييييييييييير انصحك بلاش شراكه وابدا فى حدود امكانياتك
اولا اعمل راسه جدوى للمشروع
هتبدأ بكم جهاز
الجهاز بحوالى 1300 جنيه كامل
ايجار المحل
خط الانترنت
التليفون
برينتر واسكانر
بعض اكسسوارات الكومبيوتر
كهرباء اهم حاجه فى الموضوع الان لان الكيلو وات ب اكثر من 25 قرش والاجهزة ما شاء الله بتسحب كهرباء لانها طوال اليوم شغاله
الساعه بكم ستسعرها
ومن هنا تستطيع ان تعرف اين تقف وما موقفك من هذه التكاليف وما العائد المتوقع
ولو ناوى على جيمز تقيله خلى عندك جهاز او اتنين مواصفاتهم عاليه والباقى عادى
يا جماعه ايه مشكله الشراكه لو الشركا متفاهمين جدا وميولهم واهدافهم واحده انا اعرف ناس كتير شركا والعمليه ماشيه
وشكرا على اهتمامكو
كل الكلام دة جميل جدا ..
بس فيه حاجة مهمة برضه .. هتفتحوا فين .. ييعني لو في منطقة تانية أو منطقتك .. و سواء كدة أو كدة خلي بالك من الناس أو الشباب اللي ممكن يترددوا عليك علشان ميكنش فيه حد شبهة او حد يسبب لك أي مشاكل ..
الل انت هتكسبه فى خلال سنتين المشروع هتلاقى نفسك خسرته من تمن الاجهزة عشان ساعتها هتلاقى سعر الاجهزة بقى برخص التراب
لو انت مقتنع تماما بالموضوع وكده كده هتنفذه هنصحك نصيحه
اولا : بلاش تشترى ترابيزات كمبيوتر او بلاى استيشن اعمل استنتاد حديد فى الحيطه وحط عليها رف بطول المحل الل انت واخده وحط عليه الاجهزة
دى بتكون امتن الف مرة من الترابيزات او الديسكات المنفصله ومش هتكلفك كتير اوى (انا كنت عاملها عندى )
وحتى لو حبيت تبيع الواح الخشب الل انت عملت بيها الرف او حتى هتستفيد منهم فى اى حاجه والحديد انشلا تبيعو بالكيلو مش هتخسر فيه كتير
السبب فى كده انت ترابيزت الكمبيوتر الل عندك فى البيت دى مينفعش تبقى فى محل لانها مش بتستحمل أكتر من سنه وتلاقيها خلعت علشان طبعا اغلب الل بيكونو عندك اطفال وشباب ولا يخلو الامر ابدا من الهزار مهما حاولت انك تمنعه
ثانيا : لو هيبقى عندك نت متحولش ابدا انك تطلع وصلات برة عشان هتلاقى الناس الل بره شغالين داونلود وهيبهدلولك النت ورك عندك وده طبعا على المدى البعيد مش هيخلى حد يجيلك نت ابدا
ممكن تمسك العصايه من النص وتشترك بخطين على رقمين مختلفين واحد 512 مثلا عندك للنت ورك بتعتك جوا
والتانى خليه خاص للمشتركين الل بره ويبقو مع نفسهم يعملو داونلود يقطعو على بعض مش مهم طالما هما بعيد عن شغلك
ثالثا : انصحك بلاش تجيب اجهزة جديدة خليك فى الاجهزة الاوريجنال p4 مثلا لاكتر من سبب
1- الاجهزه الجديده خامتها او الماتريا بتاعتها بتكون اقل كتير من الاجهزة الاوريجنال
2- الاجهزة العاديه بتكون سريعه فى بداية التشغيل لكن بعد مرور أكتر من 5 او 6 سعات بتلاق انخفاض ملحوظ فى الاداء
3- الاجهزة الاوريجنال اجهزة خدمة شاقة عكس الاجهزة الجديدة الل بتكون فى الغالب للاستخدام المنزلى
طبعا الكلام ده مش علمى 100% ولكن ده من التجربة الفعلية
ونصيحه حاول تفكر فى مشروع اريح عشان ده وشه ومشاكله كتير اوى
وربنا يوفقك للخير
طب يا جماعه محدش علق على موضوع البلاى ستيشن خالص ... دا البلاى ستيشن دا هو الاساس
بص ياريس
انا الحمد لله دلوقتي عامل مشروع زي الى انت عايز تعمله ( بس من غير البلاي ستيشن)
كنت في الاول مشارك واحد صاحبي و مكونتش مخونه
عادي خالص
بس هو الدنيا لعبت معاه و حب انه يفض
يا نهار ازرق بعد ماكتبت و شرحت كل حاجة بيقولي ان ليا 10 دقايق بس عشان اعدل الموضوع:Copy of majd(4):
و ضاعت كل حاجة كتبتها
حرااااااااااااااااااااااا ااااااااااااااااااااااااا ام:_Alshmokh11:
هكملك الموضوع
شوية بس افوق من الصدمة
معلشى ياابو حميد هاتتعب معايا شويه ..هههههه
بص يا ريس
زي ما قلت لك انا عامل الموضوع ده
المهم الاجهزة الجديدة احسن مليون مرة
على الاقل ليها ضمان
و الماذر بورد الجديد عليعا كارت فيجا 512 داخلي و بيشغل اي لعبة ( و هتوفر معاك تمن كارت خارجي )
الجهاز هيقف عليك من غير الشاشة بحوالي 900 جنيه بالكيبور و الماوس و السماعات
الحاجت دي هتلاقيها في روكسي في شارع الخليفة المأمون مول اسمه سوق الكمبيوتر
المحل اللى بجيب منه اسمه تقريبا كمبيو لاين او نت لاين ( مش متأكد بس صاحبه اسمه زكريا) اسأل عليه
لأنه يعتبر ارخص و اضمن واحد هيديك بضاعة محترمة
ممكن تجيب شاشات استعمال خارج ال17 بوصة العادية هتعمل حوالي 220 جنيه
و لازم تجرب الشاشات كويس ( او تاخد حد بيفهم كويس فيهم ) لأن الناس هناك نصابين في موضوع الشاشات
بالنسبة للاكسسوارات فيه مول تاني بيبيع الحاجات دي جملة
المول اسمه الجبرتي و الشركة اسمه البارون و اللى واقف هناك اسمه احمد ( هتقوله انا عايز اخد منك بضاعة بسعر الديلر عشان ناوي افتح محل ) و هو ان شاء الله هيساعدك
بالنسبة للبلاي ستيشن انا كنت سامع انه عامل 1000
و يا سلام بقى لو تعرف حد بره يبعتلك بلاي ستيشن 3 هيعمل معاك شغل جامد قوي
التليفزيونات طبعا اي حاجة و السلام ( الصيني دلوقتي رخيص تقريبا سعر ال21 بوصة يبدأ من 700 جنيه )
و فيه فكرة تانية ممكن تجيب شاشات كمبيوتر 21 بوصة و توفر شوية في المصاريف و بشوية ديكورات كده هتبقى العملية تمام
اهم حاجة في الموضوع كله اختيار المكان الصح
عشان تلاقي حاجة اخر الشهر
و خلي بالك اول 3 شهور العملية مش هتبقى قد كده و يادوب المحل هيبدأ يعمل زبون
و اهم حاجة المعاملة الكويسة مع الناس
و حاول تعمل شوية عروض تغري بيها الناس عشان رجلها تتعود على المحل
و ربنا يوفقك انت و صاحبك
و افتكر لازم كل حاجة بينك انت و شريك تكون على ورق ( مثبتة ) و ان شاء الله ربنا ما يجيب مشاكل
نسيت
مواصفات الاجهزة اللى انا جايبها
1- ماذر بورد MSI كارت شاشة 512 Nividia chips بالكامل البوردة دي روعة
2- برسسور 3/512
3- رام 1 جيجا و ممكن ( الاحسن ) انك تجيب 2 جيجا افضل عشان الالعاب
4- هارد 160 جيجا
بس لازم التهوية تكون كويسة لأن الصيف مقرف
10000000000 شكر يا استاذ محمد على اهتمام حضرتك
يا باشا على ايه
ربنا يكرمك باذن الله
باشا انا انصحك عن تجربية شخصية وعن تجربة قدام عيني بلااااااااااااش
انا عن نفسي واحد عمل في بلاغ في مباحث التليفونات وقعدت شهرين ونص اجري ورا القصية
وعمل في قضية مصنفات بس طلعت فاشوش لاني كان معايا تراخيص
والحي قلب الدنيا علي بس خلصت بالفلوس
وقفلت قبل ما اكمل 4 شهور
وواحد صاحبي اتعملو قضيتين مصنفات وخد حكم مخفف ب 5000 ج غرامة
وفي التانية دفع فلوس في القسم قبل ما يعملوا المحضر وخرج منها بس صادرو منه 3 أجهزة
طبعا للباشوات بتوع القسم
اولا شكرا لاهتمامك يا أ/ ابو صلاح
بس اللى مطمنى فمواضيع التراخيص والبلاغات والحاجات اللى ساعات بشوفها دى برضه ان صاحبى دا كان باباه لواء ومعارفه بجد كتيير فالمجال دا
بص يا حبيبي
انا والد شريكي حاجة تبع مباحث المطار
مش عارف ايه وظيفته
ومنكرش انه حللنا المشكلة بسهولة شوية
لكن كفاية تعبه لمدة شهرين على المحكمة وسنترال الماظة عند مباحث التليفونات
دي حاجة
تاني حاجة
تعالى نحسبها مع بعض
اولا انت متفرغ في الصيف بس
احسب دخلك
لو هتجيب 10 أجهزة
وهتفتح 18 ساعة
اوك
والساعة دلوقتي متوسطها 1.25 جنيه
والجهاز هيشتغل تقريبا 10 ساعات في اليوم (بحد أقصى لان كله بقى عنده اجهزة ونت في بيته)
يبقى الحسبة
10 أجهزة * 10 ساعات * 1.25 جنيه
يبقى 125 ج يوميا (وده مستحيل يحصل على فكرة في الوقت الحالي)
وتكلفة الشهر تقريبا من صينات ونظافة وفواتير تقريبا 1200 ج (على فكرة مش كتير)
يعني تقريبا صافي دخلك حوالي 2500 ج
يعني علشان ترجع تمن عشرة أجهزة (متوسط سعر الجهاز الكويس 1500)
محتاج حوالي 6 شهور على أقل تقدير
مستعد تكمل ؟
على فكرة انا بفترض انك في مكان حيوي جدااااااااااااااااااااااا اااا
آه على فكرة انا نسيت اقولك على تكلفة تجهيز المكان والدعايا والذي منه
يا أ / ابو صلاح انا بجد متشكر جداااا على اهتمام حضرتك
بس الموضوع كله انى هاخش تجربه نفعت وربنا كرم هانكمل منفعتش هاننغطى التكاليف اللى اتدفعت وهانصفى
وبشكرك مره اخرى
العفو يا حبيبياقتباس:
المشاركة الأصلية كتبت بواسطة ahmed.omar
بس مع احترامي تفكيرك مش صح
يعني ايه تجربة تنفع او متنفعش
لازم تعقلها وبعدين تتوكل
انت هتدفع فلوس كتير فكر كويس
وقلنا عملت ايه اول باول
الموضوع دا خلاص مبقاش بيجيب همه
غير انه مليان شبهات و كل واحد مش عارف يعمل حاجة على جهاز البيت بيروح السايبر عشان يعملها هناك
الجديد بأه............في اجهزة أمنية بتطلب منك تقارير دورية عن الناس اللي بتيجي عندك