فيلم ابراهيم الابيض

**مؤمنة** · 03-06-2009 08:29 PM

فيلم ابراهيم الابيض للمخرج مروان حامد وده ال اخرج فيلم عماره يعقوبيان
بطوله احمد السقا وهند صبرى وعمرو واكد ومحمود عبدالعزيز وحنان ترك طالعه ضيفه شرف
الفيلم دموى قوى زياده عن اللزوم وتحس بعدم ترابط بين اجزاء الفيلم تحس ان الجزء التانى من الفيلم غير الجزء الاول خالص
احمد السقا كان غير متالق خالص فى الفيلم محمود عبدالعزيز وعمرو واكد تالقوا بشكل ملحوظ
حنان ترك بالرغم انها كانت ضيفه شرف الا انها اديت دورها على اكمل وجهه هند صبرى لم تضف على الدور اى شى
سوسن بدر كل ال بتعملوا انها تبرء بعنيها وخلاص قال يعنى ست شريره قوى
مشهد النهايه المخرج طول فيه قوى بشكل يزهق
بصراحه انا كنت متوقعه فيلم اقوى من كده بكتيييير قوى.
يا ترى ال شافوا الفيلم رائيهم ايه

**Nile_Storm** · 03-06-2009 09:39 PM

فيلم متوسط المستوي
و الي يخليني اقول عليه متوسط
الاداء الغير عادي لمحمود عبد العزيز و عمرو واكد
بجد اداء تحففففففففففففففه
لانه من غير دول يبقي فيلم سوري ملوش لازمه اساسا
اما احمد السقا فكنت حاسس انه مش قدهم خالص " كلوه بمعني اصح " فخرج كل همه في كام نطه و كام حركه
هند صبري تقليديه جدا و لم تفيد لنفسها اي شئ
الاخراج و التصوير تحفففففففففففففه
القصه تعبانه جدا و غير مترابطه تمام

الملخص فيلم اخر ينضم لهوجه افلام العشوائيات لم يبرع فيه العمل الجماعي المطلو ب في اي فيلم بل كان فيلم المهارات الفرديه ل2 ممثلي ن و مخرج و الباقي بما فيهم البطله و البطل ديكور

**mohmd76** · 03-06-2009 09:44 PM

من غير ما اشاهد الفيلم
احب اقول ان الفن رساله
والفيلم يحتوى على رساله
بغض النظر على ان الفيلم ومحتواه جيد او ضعيف

**ecybrarian** · 03-06-2009 10:32 PM

حد فيكم شاف بلطجية بجد وخناقات في العشوائيات؟؟؟ ما عتقدش..انا ماحصليش الشرف بس ليا زميل في الشغل كان ساكن في الحتة إللى منها إبراهيم الأبيض الحقيقي في مصر القديمة والجيارة وشاف الخناقات دي..وكان بيحكي لي عن الموضوعات دي وآساليب وأخلاقيات البلطجة وعن إبراهيم الأبيض نفسه...وده مخلليني عايز اشوف الفيلم بس معاه... لما شوفه هاقول لكم رأي إن شاء الله

**itsonlyme** · 03-06-2009 10:54 PM

الاخراج والتصوير والموسيقى على أعلى مستوى فني.
القصة ضعيفة. بلطجي ودموي وبعدين؟ المفروض اتعاطف معاه؟
التمثيل مش بطال. محمود عبد العزيز اداءه جميل. عمر واكد اداء جيد من حيث الانفعلات وكان له مساحة للتمثيل مش بطالة بس لم يقنعني كبلطجي من حيث الشكل وطريقة كلام.
أحمد السقا أقنعني كشكل وطريقة كلام. بس مفيش انفعلات. التمثيل الحقيفي انفعلات مش شكل وطريقة كلام وخلاص.

**Mzeid** · 03-06-2009 11:11 PM

معلش يا حماعة أنا لي رأي في الأفلام دي ..
إحنا كل فيلم نقعد نقول دة فيه رسالة .. فيه رسالة .. كلمة بتتكرر كثير من ناس كثير مننا أو من المخرجين أو العاملين في مجال التمثيل .. و كلمة ثانية كمان بيقولوها و هي ( دة الفيلم دة بيتناول مشكلة كذا أو كذا ) .. معلش يعني إيه بيتناولها .. يعني بياكلها على العشاء و لا إيه .. لأن دي بقت حجة عند العاملين في مجال السينما و أيضا الكثير مننا بيقولوها ..
و كمثال بسيط فيلم خالد يوسف اللي كان فيه تقريبا عمرو سعد و هالة فاخر و سمية الخشاب و غادة عبد الرازق اللي كان من سنة مش فاكر اسمه بصراحة .. الفيلم دة لما طلع خالد قال دة بيتناول مشكلة العشوائيات و مشكلة كذا و كذا .... يا فرحتي و يا هنايا و منايا أعمل بيه إيه ما الشعب كله عارف إن المشكلات دي موجودة في البلد .. أضاف إيه بقى الفيلم .. لو كان عرض حلول مقترحة للمشكلات دي ماشي تمام أو حتى إسهامات في حلها أهلا و سهلا غير كدة يبقى اسمه في الأول و الآخر فيلم بيعرض في السينما ..
أما موضوع رسالة و مش رسالة فدة كله في رأيي اسمه كلام فاضي .. نتيجة لنفس الكلام السابق ..
أما لو عملت فيلم بتوضح فيه أخطار الإدمان و علاجه ففي الحالة دي الفيلم بيكون له رسالة مثلاَ موجهة للشباب أو على حسب موضوع الفيلم ..

و آسف على الإطالة بس حبيت أقول رأيي ..

**Abo.Omar** · 03-06-2009 11:58 PM

إحنا كل فيلم نقعد نقول دة فيه رسالة .. فيه رسالة .. كلمة بتتكرر كثير من ناس كثير مننا أو من المخرجين أو العاملين في مجال التمثيل .. و كلمة ثانية كمان بيقولوها و هي ( دة الفيلم دة بيتناول مشكلة كذا أو كذا ) .. معلش يعني إيه بيتناولها .. يعني بياكلها على العشاء و لا إيه .. لأن دي بقت حجة عند العاملين في مجال السينما و أيضا الكثير مننا بيقولوها ..
و كمثال بسيط فيلم خالد يوسف اللي كان فيه تقريبا عمرو سعد و هالة فاخر و سمية الخشاب و غادة عبد الرازق اللي كان من سنة مش فاكر اسمه بصراحة .. الفيلم دة لما طلع خالد قال دة بيتناول مشكلة العشوائيات و مشكلة كذا و كذا .... يا فرحتي و يا هنايا و منايا أعمل بيه إيه ما الشعب كله عارف إن المشكلات دي موجودة في البلد .. أضاف إيه بقى الفيلم .. لو كان عرض حلول مقترحة للمشكلات دي ماشي تمام أو حتى إسهامات في حلها أهلا و سهلا غير كدة يبقى اسمه في الأول و الآخر فيلم بيعرض في السينما ..
أما موضوع رسالة و مش رسالة فدة كله في رأيي اسمه كلام فاضي .. نتيجة لنفس الكلام السابق ..
أما لو عملت فيلم بتوضح فيه أخطار الإدمان و علاجه ففي الحالة دي الفيلم بيكون له رسالة مثلاَ موجهة للشباب أو على حسب موضوع الفيلم ..

مش عارف اقول ايه تانى
+111111111111111111111