اخواني انا جديد بالمنتدى واحتاج سيارة جديدة بالتقسيط والقسط لا يزيد على 500 جنيه بما تنصحوني
عرض للطباعة
اخواني انا جديد بالمنتدى واحتاج سيارة جديدة بالتقسيط والقسط لا يزيد على 500 جنيه بما تنصحوني
سياره جديده تقسيط = مقدم + اقساط شهريه
انت حددتلنا القسط ,, بس محددتلناش المقدم اللى معاك كام ؟!
اخي العزيز شكرا لردك علي انا بصراحة معايا 15000 ونفسي اركب عربية جديدة تقسيط منتظر ردك وشكرا
تجيب ماروتى ان شاء الله
هى دلوقتى ب 35 و انت لو دفعت 15 مقدم يبقى اعتقد حسبه القسط هتبقى فى حدود خمسميه او اقل على 5 سنين ,, هتبقى حاجه فى الحدود دى
انا قست الكلام عليا لأنى كنت دافع 15 ونص مقدم و قسطت 570 على 5 سنين بس كانت ساعتها ب 38
ارجو انى اكون افدتك ,, والف مبروك مقدما :)
الله يبارك فيك يا اخي العزيز والف شكر لك
انصحك نصيحه خالصه لو جه الله الماروتى متستهلش التقسيط اولا الفايده هتبقى كبيره اوى ثانيا انها متستهلش ولا اوبشن ولا سى سى ولا شكل ولا ولا ولا نصيحتى ليك لاما تزود القسط لالف مثلا وتدفع مقدم الدايهاتسو سيريون عربيه بجد خم الاف وتقريبا هيبقا القسط 1000 لاما تجيب ماروتى مستعمله ب 15 الف
اشكرك اخي العزيز
بلاش تورط نفسك فى اقساط من اصله لا ماروتى ولا غير ماروتى .. مستعمل كويس يتصبر لما تكمل مبلغ كويس بلاش استعجال ده نصيحتى ليك
مبلغ مثل 15 الف بالكاد يشترى سيارة مستعملة من فئة ال 128 عمرها اكثر من عشرين سنة
ولو اتخذت قرار شراء سيارة بمثل هذة العمر فابشر يا صديقى بقضاء بقيه عمرك متجولا بين ورش الميكانيكية والكهربائية والعفشجية وبتوع الشكمانات والسمركية والسروجية والكاربراتير والكاوتش والزوايا والبطاريات
ال15 الف حطهم فى سيارة ماروتى زيرو وال500 جنيه اللى هتصرفها عند الميكانيكى كل شهر حطها قسط للسيارة واشترى راحتك،
لو انت فلوسك كاش كان ممكن يبقى فيه كلام عن سيارة كبيرة كسر زيرو او مستعمل بعمر قليل، لكن فعلا اسوأ شئ ممكن تعمله بالمبلغ اللى معاك انك تشترى سيارة عمرها 25 سنه