الكلام ده فعلا مظبوط لان انا من حوالى شهر شوفت عربيه 128 موديل 98 وكانت العربيه حالتها زى الزيرو بالظبط و لما فاصلت معاه على 18000 من 25000 لاقيته وافق وقاللى هات عربون دلوقتى ونروح الصبح الساعة 8 نسجل فى الشهر العقارى و نخلص انا استغربت بصراحه لان اللى معاه عربيه حالتها زيزو زى ديه موديل 98 لا يمكن بكل الاحوال انه ينزل عن 20 وان كان فى ناس ما بينزلوش عن 23 كمان قلتله ورينى الرخصه لاقيت لون العربيه فى الرخصه ذهبى و هى فضى ضحك وقاللى اكمنها بتصفر شويه فى الشمس كاتبنها فى المرور ذهبى فطبعا قلقت قلتله تجيبلى شهادة بيانات من المرور قاللى علشان الوقت بس انا هجيبلك شهادة مخالفات و اسجلك فى الشهر العقارى معليش علشان انا مسافر اسبوع فى شغل قلتله خلاص تروح بالسلامه و انا مستنيك قاللى خلاص ادينى عربون علشان ما ابيعهاش قلتله لو جالك حد قبل ما نتقابل حلال عليه ده نصيب كلمنى وقاللى فى واحد عايز يشوفها ويخلص فيها وانا قلت اقولك علشان انا اتفقت معاك قلتله تروح لصاحب نصيبها وبعديها بعشرين يوم كلمته وقلتله معليش انشغلت فى الشغل ايه اخبار العربيه اتباعت قاللى لا موجوده و تحت امرك قلتله خلاص ياباشا اكلمك تانى علشان اقابلك وطبعا نفضتله