مفيش انسان في الدنيا دي كلها مش بيمر عليه اوقات بيكون متضايق فيها ومخنوق ومكتئب لاسباب مختلفة
اكيد كلنا بنمر باوقات زي دي
اوقات بنحتاج نفضفض فيها ونطلع اللي جوانا لحد يقدر يفهمنا ويقدر مشاعرنا وندعي ربنا كلنا ندعي لبعض يفرج همومنا

علشان كدة فكرت اعمل موضوع للفضفضة ... ندخل نفضفض لبعض باللي مضايقنا .. جايز اختلاف الاراء يساعدنا نفهم نفسنا اكتر .. نفهم اللي حوالينا اكتر .. نفهم الدنيا اكتر.. نحاول نستفيد من تجارب الاخرين

صحيح اغلبنا ما يعرفش بعضه على الحقيقه لكن جمعنا حب لله في لله بعيد عن اي مصالح دنيوية
وديما بالرغم من كل المشاكل الموجودة هنا لكن يظل حبنا لبعض هو الغالب