الموضوع: القدرة الحصانية للأسيوي ولا الأوربي ؟؟

و الله انا احترت اكتب الموضوع ده فين أنور بيه الناس الحلوين اللي بيتخدعو من الشركات النصابة .. فقلت هنا أحسن مكان
* * *
كثير مننا يعرف ان من أهم المقارنات للسيارة عند شرائك لها و مقارنتها بأخري هو أن تري في الكتالوج و علي موقع الشركة كم القدرة الحصانية لها بال Horse Power
يعني لما تشوف عربية مواصفات موتورها 120 حصان .. يبقي هل هي أقوي من واحدة تانية شركتها قايلة انها 110 مثلا ؟؟؟!!! للأسف لأ !!!!
و السبب مش بس إن فيه عوامل تانية زي العزم و الأيروديناميكية و كده .. لأ
الموضوع أن فيه شركات بتستغل عدم معرفة الناس بفرق ال Net و gross في حساب القدرة الحصانية بالإضافة لظروف القياس نفسها و هي شركات من وجهة نظري .. غير أمينة.
Gross Horse power : هو قدرة الموتور لوحده .. أيوه لوحده .. يعني متوصل بالبنزين و شكرا
Net Horse Power : و دي طريقة القياس الأدق و هي بعد تركيب السيور و الجير بوكس و الباور و المروحة و الشكمان .. يعني القدرة اللي بتوصلك فعلا صافية.
و هناك شركات ما زالت بتتحايل علي العملاء و هي أمام القانون بريئة لأنها كاتبة gross و حتقول انتوا اللي مش عارفين الفرق .. و هي شركات غالبا تتبع الجانب الأيمن من العالم .. كوري .. صيني .. و ياباني أيضا !

.................................................. ..............

نقول أمثلة : ( بس أوعي حد يزعل ) عربيتك ممتازة أحنا بس حنوضح حاجات يمكن تكون كنت مستغرب منها
شركة Toyota. . .بتقيس محترم net( الكورولا مثلا 1600 cc و 105 حصان )
شركة Heundai . . بتقيس محترم net( الالنترا نفس المواصفات تقريبا )
شركة Mitsubishi بتقيس gross ( اللانسر ال 1600 قالت انها 122 حصان و ماكدبتش . . بس هما 105 net)
شركة Honda. . . بتكتب الاثنين بس مش دايما ( السيفيك الجديدة قالت انها 125 و هي 107 net لل1600 و قالت 140 لل 1800 و هي 121 Net)
شركة Mazda. . .الحقيقة كان مرفوع عليها قضايافي أمريكا قبل كدة انها بتزود الأرقام و دفعت تعويضات و احترمت نفسها بس ما زالت سمعتها هناك مشكوك فيها
شركة كيـــا .. للأسف مش الشركة لكن الوكيل في مصر هو اللي بيشتغل الناس اللي مش فاهمة عكس سياسة الشركة( السيراتو مش 124 و لا يحزنون هي برضه 124 gross بس 107 Net )
أي شركة أوربية بتقيس بأمانه أعلي من الجانب الأسيوي لأن احترامهم لأدمية و عقلية بني أدم أعلي بكتير
.................................................. .................................................. .................................................. .................................................. .................................................. ..........
و الحقيقة لا تقف عند ذلك .. فقياس القدرة الحصانية للسيارة يعتمد علي الضغط الجوي فهناك شركات تبحث عن الظروف النادرة التي تعطي أعلي رقم و تقيس ( مستوي سطح البحر .. خضرة تمد بنسبة أكسجين أعلي..) و هناك شركات محترمة بتقيس عند الظروف القياسية الطبيعية للسائق .. و عموما القياسات الأكثر دقة و صرامة هي الأوربية و الشركات التي تحترم عقلية عملائها

المهم انت بس شوف هو ال Horse Power .. ده Net ولا Gross و انت تعرف و عموما ال Net أقل بحوالي 7 %

و اللي عنده إضافة يتفضل و يقول .. أحنا بس حبينا نوضح لحبايبنا
بس أوعي يكون حد زعل .. بس انت أكيد كان عندك شك يعني إزاي في عربيات من أوبل و رينو و فولكس علي السريع بتبهدلك علي الغم من إن الإعلان بيقول إن أعلي في الهورس باور !!!!