لو هتشترى عربيه هتجيب لانسر كريستاله 99-2000 و لا لانوس 2004-2005 و ليه و انهى اوفر فى البنزين؟
عرض للطباعة
لو هتشترى عربيه هتجيب لانسر كريستاله 99-2000 و لا لانوس 2004-2005 و ليه و انهى اوفر فى البنزين؟
اشتري لانسر كريستالة مع ان الانوس اوفر في البنزين
هو اللانوس بتعمل كام فى الصفيحه و اللانسر الكريستاله بتعمل كام؟
انا دايما كنت متخيل ان اللانسر اوفر عشان 1300 انما اللانوس 1500 سى سى
ولا ايه يا جماعه؟ يا ريت حد يفيدنا فى الموضوع ده
بس يا سيدى من الآخر لانسر كريستالة أنا معايا واحدة ماشية تمام التمام صوتها واطى مكنتها فوق الرائة بالمقارنة بالانسر الجديدمريحة جدا شكل رائع عيبها إنها واطيه مع العلم أن اللانسر كريستالة 99 2000 مصفحة من تحت وعلى فكر أنا معايا لانوس سيئة للغاية وعايز أبيعها وبتاخد بنزين كتير جدااااااااااااااااااااااا بس أداؤها حلو شوية بس اللانسر يكسب بفرق كبير كعدد النجوم روح يلا عدهم شكرا
ربنا يطمنك يا استاذ اسلام ، انا مرتاح للكريستاله بس خايف من استهلاكها للبنزيناقتباس:
المشاركة الأصلية كتبت بواسطة eslamvip2008
عندك فكره بتعمل كام كيلومتر فى الصفيحه جوه المدينه و على الطريق السريع و بالتكييف و بدونه ؟
و شكرا على الرد الجميل ده
شوف مع ان الانوس 1500 لكنها انجيكشن اما الكريستالة كاربراتير الكريستالة يتعمل من 200-220 كيلو في وسط البلد اما الانوس لو الرشاشات سليمة و مضبوطة بتعمل 240-250 الناس بتشتكي منها في البنزين لان الرشاشات بتبوظ علطول
كريستاله طبعا
يا ريت يا جماعه متنسوش التصويت لان هو ده الى هيحدد فى النهايه انتو بتنصحو ب ايه
لانسر طبعا أنا أبن خالتى معا واحدة بصراحة عربية جمييلة جدااااااااااا من حيث الثبات وسحب بصراحة سحبها أحلى من الاكسيل بتاعتى رغم أن عربيتى 1500ccو الانسر 1300cc
على فكرة عربية أبن خالتى موديل 97
الكريستاله يا باشا و بمراحل
طبعا لانسر افضل من لانوس
لكن حالة العربية اللى حضرتك بتتكلم عليها هى اللى هتفرق
انا افضل العربية الاحدث 99 غير 2005
اللانسر طبعا
اللانوس جميله بس مش متل اللانسر
Lanos
لانوس
:10D5C8w1107:لانسر لانسر حتى الموت ، و الله لانسرتى حبيبتى 98 بسم الله ما شاء الله ، برقبة أى دايو
بمعنى ان اللانسر بالذات الموديل اللى انته اختارته احسن بمراحل من اللانوس من حيث الثبات والنعومة والاتزان والصوت والتكييف واستهلاك البنزين متقارب نسبيا بس يعيبها انخافضها الشديد وقربها من الارض لازم تاخد كل مطبات البلد وانت مايل وبتعمل اكروبات وبعدين قطع غيارها اغلى من اللانوس وماحدش يقول اصل قطع الغيار اليبانى معمره لانك لما تعرف سعر قطع غيارها اليبانى الاصلى هتلاقيه عالى فاهتشترليها قطع غير مش اصلية ودى فى المتناول لكن فيها بعض قطع الغيار الغالية وعلى سبيل المثال علبة الدركسيون استيراد داخله على 1500 جنيه المهم العربية دى جميلة جدا بس شرط الحالة ياعنى لو وقعت فى واحدة حالتها ممتازة خش عليها وانته مغمض الصراحة ياعنى لو لقيت واحدة حالة المتور والعفشة كويسين ودواخلها كويسة هاتبقى من حظك مش مشكلة لو فيها شوية حاجات فى السمكرة او الدوكو دى اسهل حاجة انا باحكى عن تجرة كان معايا لانوس 2012 ولانسر 97 اللانسر احسن بمراحل لكن نظرا لان اللانسر بدات زى مابيقولوا تفتح بقها يبقى العربية السليمة تكسب ياعنى لو لانسر تعبانة وعاوزة مصاريف يبقى اللانوس تكسب لكن لو الاتنين نفس الحالة يبقى لانسر وانته قافل عنيك طوالى لانها عربية يعتمد عليها لو سليمة واللانوس كذلك
نصيحة اخرى اكشف على عفشتها كويس جدا مساعدين وعلبة دركسيون ومقصات وبارات لان عفشتها مكلفة نسبيا ياعنى لاتتهاون فى الكشف على العفشة والمتور والدواخل والشاسيه
انا رائى الكريستاله ولكن فرق الموديل لصالح الدايو لانوس ولو حاله الكريستاله كويسه يبقى اكييييييييييييييد الكريستاله
كريستالة طبعاً..انا معايا كريستالة موديل 2000 glx ما شاء الله عليها .. كل حاجة فيها مريحانى .. و افضل من الدايو بكتير
طيب مفيش حد ناوي يبيع كريستاله فبريقه
الكريستالة افضل بس موديلها قديم جدا و هتصرف عليها يعنى 99 اكيد محتاجة مصاريف
عكس الانوس مصروفها قليل جدا قطع غيار عند البقال اى ميكانيكى كفائة انه يشتغل فيها استهلاك بنزين اقل موتور اقوى و كمان كموديل و شكل افضل .
اللى هيحدد هو حالة العربية ومتنساش العمر الافتراضى يعنى ممكن تكون اللانوس موديل 2004 ومتهانة واللانسر 99 وزى الفل .
انا ارشح الكريستالة طبعا بس شرط الحالة عشان متقرفكش . ولو ملقيتش حاجة محترمة اللانوس برضه مش وحشة والعبرة فى العربية انها تريح صاحبها حتى لو 128
والله يا رجاله انا كان عندی نغس الحيره . ما بين لانسر كريستاله 1998 و لانوس 2008
بس الحمد لله بعد ما قريت تعليقاتكم عن العربيه دی
ان شاء الله مش هغيرها .. لانها بنت حلال
وربنا يستر طريقكم ويحافظلكم عليها
الاتنين اسوأ من بعض..اللانوس اعطالها كتير اشتريت 3 عربيات لانوس وصبرت عليهم وعقدوني في في الاعطال بدون سبب ..الكريستاله شكل قديم وقطع غيار قليله واطيه ع الارض واساسا انا عن نفسي محبهاش خااااالص..
اجمل ملاحظه ان معظم اللي قال لانسر طبعا بعدها على طول يقول اصل انا معايا لانسر و......
حضرتك انا معايا لانوس ٢٠١٣ وركبت مجرد سواقه للانسر ٩٩ من صاحبي؛
اللانسر تتفوق على اللانوس بمراحل في السحب
وكمان الفرامل لان اللانوس فراملها ضايعه بس للامانه اللانوس تقيله واللانسر تحس انها خفيفه مش ثبات لأ تحس اللانسر لو قرصت ع الفرامل هتطير مش تقيله كده وماسكه في الارض والاحساس ده حسيته بصوره اكبر في السوزوكي سويفت ٩٤
بالنسبه لموضوع الاحدث طبعا كلامنا لازم يكون على عربيتين حالتهم متقاربه في المحافظه عليهم طبعا اللانسر تكسب هاتقولي طيب مافيه عمر افتراضي لمكونات السياره هاقولك طيب ماهو الياباني عمره اطول من الكوري بكتيير يعني الاربع سنين دول لو العربيتين نفس الحاله مس هيفرقوا
طبعا بالنسبه للشكل اللانسر اشيك بكتير
قطع الغيار اللانوس ارخص ومتوفر اكتر بس اللانسر معمره اكتر
اعادة البيع طبعا مش هانتكلم في اللانوس بس برضوا اللانسر هتتباع ف هبابه
وياسلام لو لانسر كامله اوتو فتحة سقف يبأى ما فيش لانوس ولو هيدوك منصور عليها هديه
والاهم تصلي صلاة الاستخاره
وبالتوفيق معلش صدعتكم من كتر الكلام