خطاب أوباما لسه خلصان حالاً....51 دقيقة و 26 ثانية...
للناس اللي إتفرجت عليه....إيه رأيكم في الكلام اللي قاله؟
و ما تعليقكم علي الخطاب...
عرض للطباعة
خطاب أوباما لسه خلصان حالاً....51 دقيقة و 26 ثانية...
للناس اللي إتفرجت عليه....إيه رأيكم في الكلام اللي قاله؟
و ما تعليقكم علي الخطاب...
أنا في حالة ذهووووووووووووووووول
الخطاب تحفة .. كله مصداقية .. وإيمان .. وإحساس
راجل مش معقول
أنا مش مصدقة
دخل قلبي جدا
بصو هو خطاب الباحث عن يوتوبيا
لعله يجدها نتمني هذا
هو ده المسيحي المؤمن بحق
هو ده المفروض بين الأديان
الكل يحترم الكل
واضح إنه رجل متدين .. وده الجميل في أخلاقه
التدين يا نادر .... بيخلق روح السلام والطمأنينة
ويهذب الأخلاق
حتى لو كانت العقيدة ليست سماوية ... كما هو الحال
في أخلاق اليبانيين
والله هو الراجل عظيم و يحترم كمان علي اساس الكلام اللي قالوا
و الدليل في اخر حته اللي عجبتني اوي اوي انه استشهد بايه قرانيه ثم بحته من الانجيل و دا يدل علي حاجات كتير منها انه راجل يدعو للسلام و احترام الديانات السماويه كلها
بس دا لايتفق مع ناس تانيه منها اسرئيل في حكاية المستوطنات الاسرائيليه
و انتابني شعور كده ان الراجل ده مش حيطول في الحكم كتير او حيغتال قريب يعني
ربنا يستر
النهاردة بس عرفت ليه اوباما كسب الانتخابات الامريكية برغم كل التحديات المرعبة اللى كانت امامه للوصول لهذا المنصب
امريكا المحظوظة من يومها ، محظوظة اكتر بالراجل ده
يارب بس مايكونش كلام وبس!
الواحد بيسمع السلام دة من زمان ياترى هلحق اشوف السلام دة بيتحقق ولا ايه النظام!
ياريت تكون المصداقية فى الحوار يماثلها مصداقية فى الفعل!
هو فعلا قال كلام زى الفل
ولكــــــــن!!!!
كلام عام ومحتاج ان العالم يتغير علشان يتطبق!!!!
علشان كده لازم المسلمين يستغلوا الفرصة دى ويبدأوا فى التغيير
وأول خطوة فى التغيير هى ان كل واحد يبدأ يغير نفسه
يعنى كل واحد يركز على عيوبه ويغيرها - وزى ما قال فى خطابه "ان الحروب طريق سهل لكن الاصعب هو اختيار الطريق السليم
زى من السهل النظر لعيوب الناس"
يا جماعة الكلام ده كلام واحد مسلم وده احساسي الشخصي!!!!
أنا عاوز أشوف الخطاب دة يا جماعة مفيش لينك ؟
مش موجود حاجة يا نور.
يمكن يا جماعة دي انطباعتكم عشان أول مرة تسمعوا الراجل بيخطب.
أنا كنت متابع لكل خطبه القاها اثناء حملته الانتخابية وبعد كل خطاب له كان بيخطف العقول والقلوب وكنت بحس انه منقذ العالم رغم انه كان في معظم بيتكلم عن أمور داخليه تهم الأمريكان وحدهم. الرجل له كارزما طاغية بلا شك.
النهارده ابتدى كلامه بتحية الاسلام واتكلم عن عظمة الاسلام وعظمة اسهامات المسلمين للحضارة الانسانية واستشهد بالقرآن أكثر من مرة. اتكلم عن الخوف وعدم الثقة المتبادلة بين المسلمين و الغرب وأنه علينا تخطي الماضي. دي كانت مقدمه تمهيدية للحديث عن نقاط بعينها
لما اتكلم عن القضية الفلسطينية ذكر معاناة الفلسطينين اليومية (يقصد هنا ظروف المعيشة) وقال انه لن يدير ظهره للفلسطينين وانه يجب وقف انشاء المستوطنات. كلام جميل، لكنه لم يذكر المجازر التي ترتكبها اسرائيل حق الفلسطينين واكتفى بالحديث عن مجرد "معاناة". طلب من الفلسطينين نبذ العنف ولم يطلبه من الاسرائلين وكأن العنف الفلسطيني ليس رد فعل للعنف الاسرائيلي.
اتكلم عن محاربة "الارهاب" في افغانستان وباكستان. على فكرة أوباما من يوم ما تولى الحكم وهو بيقصف منطقة القبائل في باكستان وأفغانستان وبيموت فيها أبرياء كتير. أهمل فكرة انه القبائل المتشددة في افغانسان وباكستان وحتى طالبان ليسو من خطتو ونفذوا 11 سبتمبر. القاعدة هي من فعلت ذلك. رغم تشدد وتعصب أهل القبائل وطالبان في هذه المنطقة، لكن التعامل معهم لا يكون بالقصف بالصواريخ لرجالهم ونسائهم ليصبحوا أكثر تعصباً وعنفاً.
لما اتكلم عن الديموقراطية في الشرق الأوسط قال انه "ملوش دعوة". كل بلد وهي حرة. أمريكا مش حتفرض رايها على حد. معنى ذلك انه مفيش ضغط على الحكومات لاتاحة المزيد من للحريات و مطالبة بالتغيير. نصطفي احنا مع نفسنا.
عزمي بشارة كان له رأي جميل في الموضوع ده. قال انه أوباما آتى من أجل تغيير في المعايير الأخلاقية في الولايات المتحده ولكنه بالنسبة للسياسة الخارجية، سوف يغض النظر عن نفس تلك المعايير الأخلاقية التي وصل الى الحكم بها ومن أجلها. وانه سينافق الحكومات حتى غير الديمقراطية منها. الكلام ده كان قبل الخطاب! لاحظو انه قال على الريس "عنده خبرة عقود" وانه يتطلع الى التعاون معه "في الشهور والسنوات المقبلة".
لسه في سنوااااااااااااات مقبله:_Alshmokh11:
الكبير كبير
مش لازم بالعصاية يكبر نفسه
يما كان نفسى ابقى امريكانى