الموضوع: خطاب أوباما ..

المشاركة الأصلية كتبت بواسطة freeefair

ياريت بس حضرتك توضحى الذهبى الامريكى
كان فى اى حقبه تاريخيه
لمل المريكان دبحو 5 مليون هندى عشان يعملو امريكا
ولا لما كانو اصحاب السبق فى استعمال القنابل الذريه فى تركيع الحكومات واباده الشعوب
ولا نتكلم عن الدعم المستمر لليهود على حساب المصريين ( ومش هاقول العرب)
من ايام 67 مرورا ب73
اويمكن لما دخلو افغانستان والعراق
او يجوز لما اعدمو صدام مع الخرفان

حضرتك عندك ألف حق

المقصود بالعصر الذهبي ... عصر حاكم أمريكي يكون قائد يحظى باحترام العالم جميعا

حضرتك...
( قريت تاريخ تكوين دولة السعودية والإمارات ) ( قريت تاريخ نزاع الخلفاء الراشدين على الحكم ) (عرفت سيدنا الحسين اتقتل ليه وإزاي ومن مين... ) مش بس الأمريكان صنعو دولتهم على مدابح .. المسلمين كمان وقعوا في نفس الغلط ... والتاريخ يشهد ...
وكتيير الدولة وشعبها بيشيلو ذنب قرار حاكم متعسف ... والأمريكان سلميين بطبعهم ... وإللي عاش هناك يعرف ده كويس.
دعمهم لليهود مش عشان إيمانهم بيهم .. وإنما عشان أهم الرجال الاقتصادية والسياسية هناك .. يهودية ... فلازم يكون لاسرائيل نصيب الأسد في الرعاية والاهتمام

ولو سافرت وعشت وسطهم ... وشوفت الاعلام إللي هما بيشفوه ... حتعرف إن الناس دي شايفة اليهود غلابة ومقهورين .. والفلسطنييين قتالين قتلة ... وحتفهم ليه بيدعمو إسرائيل. نتيجة إعلام مذيف كاذب واصل إليهم سنيين وسنين
وأنا مع مقولة أوباما ( بلاش نعيش سجناء الماضي )
الماضي المرير لا يصنع مستقبل مشرق ...
وده نفس النهج .. إللي تبناه اليابانيين .. وهم يعيدون بناء دولتهم بعد خسائر الحرب العالمية التانية.. وقفلوا صفحة القنبلة النووية وعلاقتهم بالأمريكان فوق الوصف ... أكتر من كدة إيه....

وكلنا عارفين إن بوش المجنون هو سبب بلاوي العالم كله
ومخدش غير ضرب الجزمة ... كان طبعا لازم ياخد بحاجات تانية....

نبدأ نحاسب أوباما ... وننتقده ... من سياساته وقراراته الشخصية ... مش من أفعال من حكمو قبله هو ده الحق

والسادات عاش نفس المعاناه
من العرب والمسلمين
وأدعوه بالخائن والمجنون
عشان دعى للسلام

رحمك الله يا سادات

الحقبقه انا مش شايف وجه للمقارنه بين
اباده الهنود
و تاسيس السعوديه او الامارات
او الفتنه الكبرى فى صدر الاسلام(ياريت حضرتك توضحى اكتر)

وعلى فرض امكانيه المقارنه
لا يصح ابدا تبرير اباده شعب كامل
عشان احنا عندنا حالات مماثله

النقطه التانيه انا مش من انصار نظريه
سجناء الماضى
انا كل فكرتى
اننا نصبر شويه لحد ما اوباما يقدم حاجه حقيقه على ارض الواقع
ولما ده يحصل
انا اول واحد هيهلل


وتفضلى بقبول احترامى

http://www.alnassrah.com/showthread.php?t=20811

ده رابط فيه قصة سيدنا الحسين .. قتل على يد مسلم اسماً

الخلفاء .. مش مقصود منهم الخلفاء الخمسة الراشدين ...
المقصود سلسلة الخلافة الذي كثر عليها النزاعات من هو الأولى ومن هو الأجدر .. حتى سقوط الدولة العثمانية

المسلمين لم يبيدو شعوبا .. وإنما أبادو انظمة بداخلهم طمعا في الحكم

حروب طويلة بين العراق وإيران ... وحرب الكويت والعراق .. كانو بين مسلمين وبين بعض .. الحروب دي راح ضحيتها ناس كتييير جدا

كل قصدي من الحوار .. إن فيه ناس دموية بطبعها ... بتكون دسيسة وسط الشعوب ... أفتكر ايام حرب العراق والكويت سنة 90 كنت بسمع العجب ... لدرجة كنت بقوول مش ممكن دوول يكونو مسلمين إللي بيعملو كدة

والشعب الأمريكي عبارة عن أجناس مختلفة من كل مكان ... مش كل الأجناس دموية ولا كلها ساهمت في الإبادة.

بالنسبة لدولة السعودية
شوفت عنها فيلم تسجيلي كله صراعات وحروب حتى استطاع آل سعوود مسك زمام الأمور .. واعلان المملكة

أنا مش بدافع عن أمريكا أو حد بعينه
ما لم نحيا فيه .. لا نستطيع الحكم الكامل عليه
وكله في علم الله

اشكركم .. وأرجو إن كان هناك معلومة تحتاج لتصحيح ... أحب أتعلم الصح دايما ... وشكرا