الموضوع: بلطجة من الدرجة الاولى

ولا بنت مدير أمن ولا ديولو دى أخرها رقاصه بنت رقاصه كنت عايز أقول حجاه تانيه بس مانفعش عشان ماأخدش مخالفه وتلاقيها كانت بتكلم حد من اللى بقضو ليله فى الفرجه على00000000رقصها وهى بترقص حسبى الله ونعم الوكيل هو المنتقم الجبار

مفيش مدير امن محافظه برتبه عميد لازم يكون لواء ,لما يكون عميد فده احتمال انه يكون مساعد مدير امن للأمن العام , مع ملحوظه ان اغلب مساعدي مدير الأمن و خاصه للمحافظات الكبيره زي القاهره او الجيزه بيكونوا برتبه لواء ايضا , لأن مدير الأمن في المحافظات الكبري بيبقي مساعد اول وزير الداخليه و ده منصب كبير .

مما يدل ان البنت دي لا تقول الحقيقه , اما التطاول علي الذات الاهيه بهذه الصوره البشعه فده يوضح انها محصلتش بنت عسكري لان العسكري ممكن يكون مربي اولاده و معرفهم ربنا , و في النهايه لا تعليق .

المشاركة الأصلية كتبت بواسطة ahmed.omar

انا شايف الفيديو من زمان وزهلت بجد لما لقيتها بتشتم بالسفاله والحرمانيه الشدييييييده دى
وعلى فكره هى قالت انها بنت مدير امن الجيزه لو حد كان ركز

على فكره , هي لا تمت بصلة قرابه لمدير أمن الجيزه ولا القاهره و لا حتى الوادي الجديد . صاحبتنا صاحبة محل كوافير وعملت الشويتين دول علشان تمسمر بيهم صاحبنا إلي كان معاها في الموقف , ولما إنتشر الفيديو وتم الإستعلام عن لوحات العربية الموقره جابوها وكل الإتهام إلى وجه ليها هو حمل الساعق " الأمريكاني " لأن ده ممنوع دخوله مصر أصلا غير للجهات الأمنيه " وإنتوا عارفين ليه طبعا " , والحقيقه معرفش هم جابوا الراجل التاني وعمل فيها محضر سب وقذف ولا لأ .

بس من الأخر المواضيع دي لما بتكون في الدرا بتتظبط وكفا المؤمنين شر القتال , لكن في حالة زي دي مصر كلها شافتها ... حتي لو ليها قريب رتبه هيتبرى منها علشان منظره في الوزاره .