حوار مع مدير المبيعات والتسويق لتويوتا ايجيبت حول الكورولا
النهاردة وانا فى المعرض جت فرصة أقعد مع أ. مصطفى حسين مدير المبيعات والتسويق لتويوتا ايجيبت وسألته شوية أسئلة :-
1- لية الكورولا نزلت اتوماتيك عادى وهل يعنى ذلك فشل mmt فى مصر ؟
لا خالص الموضوع ان عايزين نرضى كل الاذواق خصوصاً فى ظروف الاقتصادية وانخفاض مبيعات السيارات
اللى يقدر يسوق mmt واللى متعود على الاتوماتيك عادى الاثنين موجودين
2- لكن فيه كلام انه سيتم التوقف عن تنزيل mmt بمجرد الانتهاء من الاستوك الموجود وسيكون اتوماتيك عادى فقط ؟
غير صحيح الاثنين موجودين
ولو احنا قررنا نلغى mmt كونا بعتنا الاستوك اللى موجود عندنا للأوروبا بالترتيب مع الشركة الأم بدون الانتظار لانتهائه ولاحظ اننا عرضيين العربيتين فى المعرض هنا
أكيد مش هنعرض عربية هنتوقف عن بيعها
3- يعنى الكورولا 2010 هتكون الاثنين ؟
ايوة
4- أمال اية تفسيرك ان موقع جنوب أفريقيا مش عارض mmt على الموقع بتاعه ؟
كل وكيل فى اى دولة هو ادرى بظروفها واية اللى ممكن يناسبها
5- يعنى مصنع جنوب أفريقيا مش هيتوقف عن انتاج mmt ؟
لا خالص ، المصنع بينتجها امال أوروبا هتجيبها منين
6- ما هو تقييمك للفتيس mmt ؟
الفتيس كويس جداً لكن ممكن ميكنش مناسب لبعض الاشخاص خاصة من ليس لديهم قابلية للتغير
وسألنى انت أخبار العربية معاك اية ؟
اقولته كويسة الحمد لله قالى معندكش اى مشكلة فيها قولته لا
7- أخر سؤال تتوقع مين يحقق مبيعات اكثر الاتوماتيك العادى ولا mmt ؟
الراجل ابتسم وقالى هتعرف كمان سنة ان شاء الله
وعامة ان شاء الله السنة اللى جاية لو جيت المعرض هتلقى الفتسين موجودين
جدير بالذكر ان الفتيس الاتوماتيك العادى نزل 145 الف جنيه للبروفشينال والادفانسيد 160 الف جنيه
