عندي عربيه i10
الاكصدام والكرتيرتين القدام محتاجين يغيرو
شوفيو السخافه شهر ونص راكن العربيه علشان كل مره اتصل بفرع او اروح
يقولو الاسبوع الجاي
خمس ايام
اربع ايام
بجد تغور اي عربيه هونداي مدام حتشتري عربيه جديده مع اول خبطه تترمي لانها من عند غبور
بجد الموضوع اوفر اوي
لان ده نصب وناوي انشاء الله اخد يوم اجازه مخصوص علشان اشتيكهم لحقوق المستهلك
وابعت لهونداي انتر ناشونال لان بجد بجد سخافه فوق حد
اولا حمدلله على السلامه
الله يكون فى عونك معلش كل تاخيره وفيها خيرة
حمد الله على السلامة والله يعينك مش غبور بس ده في معظم التوكيلات مرة واحد كان معاه سيراتو بس ايام التوكيل القديم بيدور على اكصدامين خلفي وامامي ومكنش فيه ودوخييني يا لامونة لاغايت مابعت جابهم استيراد من سوريا شفت بقى موقف زي ده ...........ماتزعلش نفسك وربنا يقرب البعيد
عربيتي بيكانتو في التوكيل حاليا بقالها شهر و 10 أيام...
واقفة علي باب الشنطة...مستنينه يخرج من الجمارك
اولا الف حمدلله على سلامتك ودى اهم حاجه
ثانيا ربنا يكون فى عونك غبور ده اوحش توكيل فى العالم
ربنا يبعدنا عنه كمان وكمان
حمد لله علي سلامتك أنت أهم من أي حاجة تانية كله أن شاء الله يتعوض و أصبر شوية معلش
"عسي أن تكرهوا شيئا و هو خير لكم"
جرب ارسال شكوتك للمهندس عاطف عبد السميع مدير خدمه العملاء
الراجل ده مبيتأخرش عن حد ابدا
بس على فكره بجد عاوزين نكلم حد في حقوق المستهلك لان مش فاهم يعني ايه ينزلو عربيات مللهاش قطع غيار بجد مش فاهم
الحمد لله على كل شي
اصلا الحمد لله محصليش حاجه لان الحادثه كانت خفيفه اوي بس العربيه هيا الي ورق
وشكرا يا جماعه على الردود:)
حمدا لله على سلامتك ربنا ستراقتباس:
المشاركة الأصلية كتبت بواسطة DARKBLUE1
هي ال i10 مش متوفر ليها قطع غيار كماااان يعني مش غاليه وبس؟
ده انا مستنيه الفول اوبشن بتاعتها بقالي اسبوعين تقريبا تنزل في الوكيل علشان اشتريها
لأنها مختفيه بطريقه غريبه او هما بيحاولوا يعملوا تعطيش للسوق مش عارفه
لو ممكن تقولنا عن تجربتك مع العربيه وايه العيوب والمميزات اللي فيها وشكرا لك
حمدالله على سلامتك ومعظم العربيات الجديدة دلوقتى ورق
قدر الله ما شاء فعل وان شاء الله خير
اطلع على الحرفين
بس اسأل على الضمان الأول لا يكون كده تخرج من الضمان....اقتباس:
المشاركة الأصلية كتبت بواسطة ahmed20_08nubira
حمد الله على سلامتك اولا
وكل التوكيلات كده رغم انى بتعامل باستمرار مع غبور كتوكيل ومحصلش اى تاخير عندهم بس يمكن لان عربيك جديده الى حد ما
ربنا يصبرك ومعلش استحمل وصدقنى والله كلهم زى بعض
على ما اعتقد ان الفكرة مش مسالة مفيش قطع غيار او هو مش موفرها انما مسالة بسنزس
مش بيجيبوا كميات من حاجات ممكن تتركن عندهم
فممكن يلطعك لحد اما يبقى عنده طلبيات يجبها مرة واحدة و يدفع جمركها مرة واحدة اوفرله
و كان ممكن ربنا يوفقك و كنت تروح تلاقى عنده منها فعلا
ده متهيقلى و الله اعلم
و اكيد اكيد الحرفيين و كدة هتبقى فيها لعب فى العربية مش مظبوط اصبر و توكل على الله بس ادعى ربنا يكرمك
و على الاقل الناس فى التوكيل لو لخبطوا العربية فى حاجة و هم بيصلحوها هترجع ترميها فى وشهم و تديهم بال ...
انما الحرفين هتعمله ايه بقى؟؟؟
اصبر الصبر مفتاح الفرج و الله المستعان
و سلمتك
1000 حمد لله على سلامتك ..
و نقول إيه هو دة توكيل غبور ..
دلوقتى موسم نزول المدرسين من الخليج.لو تعرف اى حد خليه يجيبهملك اصلى من التوكيل هناك أو تجارى يعنى مش من التوكيل وريح دماغك وهاتكون أرخص من غبور أو تقريباً زيه.عربيات هيونداى بكل الفئات مالية السعودية والخليج. وعلى فكرة دا موضوع سهل جدا وغير معقد فى الجمارك.
اقتباس:
المشاركة الأصلية كتبت بواسطة sara2001
لو على العربيه فهيا للاسف حلوه اوي اوي اوي
سحبها عالي وتكيفها تلاجه
حلوه في الطريق بس بعد ال120 كيلو شكرا حطلاقيها حطير
واسعه من جوا مش فاهم ازاي هههههههههه بس بتكلم جد والله
مشكلتها انها نازله عند غبور واديكي شايفه اول خبطه راحت العربيه في داهيه علشان الوكيل بيهرج
بعدها تيجي البيكانتو وتوكلها احسن ومعامله انضف
عاوزه نصيحت اخ؟ لو ممكن تدفعي اكتر شويه هاتي الديهاتسون
احسن بكتير
شكرا على النصيحهاقتباس:
المشاركة الأصلية كتبت بواسطة morsi
بس انا نويت اخلص منها واشتري عربيه تاني
علشان مش كل لما يحصلهاحاجه اركنها واندب خظي اني تحت رحمت تهريج غبور
متشكره جدا على النصيحهاقتباس:
المشاركة الأصلية كتبت بواسطة DARKBLUE1
وهي فعلا واسعه من جوه مش عارفه ازاااي انا جربتها واحسن من البيكانتو بالنسبه لي او البيكانتو الجديده يمكن القديمه كانت افضل بس كل اللي مخوفني غبور
وبخصوص الديهاتسون هي فعلا عربيه جامده جدا بس غاليه على الفئه بتاعتها سألت علي ال1000 سي سي لقيت المانيوال فول اوبشن ب 73000 الف جنيه تقريبا نفس سعر البيكانتو والi10 الأوتوماتيك
لازم أعمل نضارة.... بقالي ساعة عمال أقراها "غبور كوكتيل" ومش فاهم إيه دي.... لغاية ما أقنعت نفسي أنها تريقة عليه زي أونكل غبور وكدة يعني :36_9_4:اقتباس:
المشاركة الأصلية كتبت بواسطة ash_rsi
رقم جهاز حماية المستهلك
19588
اتصل بيهم و ظبطه
ايه الاستهبال دة !!!!
ومحدش يفضل يقول معلش واصبر ماهو دة الي مودينا ورا
ربنا يعوضك بس ياريت متسكتش علي حقك