ليه
واضح ان معلومات حضرتك كويسه
وبعدين عمرنا ما هنتفق فى السياسه
لابد من الخلاف
كل فكره او حاكم
لابد لهم من مويد ومعارض
المهم ان كل واحد يعرض وجهه نظره
بدون تجريح او اهانه للاخرين
عرض للطباعة
واضح ان الموضوع تحول الى نقاش سياسى
طيب ممكن استكمالا للنقاش نحدد نقاط رئيسية ونتناقش فيه
ولا تحبوا الموضوع يمشى عشوائى وفى اكثر من اتجاه
انا موافق علي المناقشه
مع اني اعتقد ان فيه ناس كتير مش حتقبل النقاش معايا بس احنا قولنا اننا ناس كبيره ومش حنوقف موضوع او نغير اتجاهه تبعا لاهوائنا او نفتح مشاركات فرعيه
يا ريت لو نتناقش في النقط الجايه
1:ايه اسباب الهزيمه في 67 والغلطه كانت فين
2:كان ممكن ايه يتغير وويخلينا نكسب الحرب
وليه كسبنا في 73 مع ان مفاجئه الحرب بتكون في اول ساعات بس وان الجيشين كانو متحفزين للقتال
3:ودي الاهم استعدادنا الشخصي ايه اننا نحارب دلوقتي الكلام ده علي المستوي الشخصي لينا مش علي مستوي البلد ولا الحكام (هل عندك استعداد تسيب بيتك وعيالك وتروح تحارب)
4:لو حد زعلان مني يديني عنوانه ابعتله بوكيه ورد ومتطمعوش في اكتر من كده (يحولي 25 جنيه رصيد بس لجرحي الحرب)
على فكرة قفل الموضوع بدون مبرر زعلنى جدا عشان كده انا اسف مش هاقدر اكمل حوار فيه
رغم انى مدرس تاريخ..... لان زمن حجب الاراء اعتقد انه انتهى بعد ناصر لكن واضح ان مجرد سيرته بتستدعى سيرته
( حد فاهم قصدى ) اتمنى لكم مناقشة سعيدة
استاذ زياد
انا كمان زعلت ان الموضوع اتقفل
بس من خلال خبره وجودي في المنتدي صدقني ساعات كتير كلمه من هنا علي كلمه من هنا و مره واحده تلاقي ناس بتشتم بعض بالفاظ سافله
انا زي ما قلت زعلت ان الموضوع اتقفل خصوصا ان السبب بتاع قفله متقلش
ياريت بس الاداره او مشرف القسم يكتب لنا السبب علشان الاعضاء يبقو علي بينه
بس كده
و مستني النقاش يطول و نتكلم
احنا مش منتخانق ولا حاجة. الحوار رغم التناقض الحاد في الآراء كان ثري.
بعدين احنا مش عمالين نتكلم عن ناس ماتت لأننا عايشين في الماضي. احنا عايزين نفهم أسباب المصيبة دي ايه عشان ماتتكررش.
وواضح ان الأسباب اتكررت، الحاكم المحاط بحاشية من مرضى النفوس. الحاكم مهما صلحت نواياه لو وثق في أصحاب النوايا الخبيثة، خربت الدنيا.
يا ريت نقرا الفاتحة على ارواح شهدائنا فى هذه الحرب
كويس ان فى حد حدد نقاط محددة ممكن نتناقش فيها
بالنسبة لاسباب الهزيمة والغلطة كانت فين ففى راى عنصر المفاجأة والحرب على اكثر من جبهة هو من احد اهم اسباب الهزيمة
التسلح مكنش فى صالحنا نهائى شتان فى التسليح المصرى فى مواجهته نظيره الاسرائيلى
التحالف الامريكى الاسرائيلى وغيرها كتير مش هنصدر احكام عالحكام عن فترة احنا اصلا معيشنهاش وكل معلومتنا عنها من اراء سمعنها منهم المؤيد والمعارض لجمال عبدالناصر وكل يحلل اسباب الهزيمة من وجهة نظره
اللى كان ممكن يتغير ونخلينا نكسب هو نفس سبب انتصارنا فى 73
النقطة الاهم واللى عجبتنى اوى فى اختيار حضرتك هى سؤالك عن استعدادنا الشخصى للحرب
قبل ما اجاوب لازم اعرف ايه الداعى للحرب عشان اوفق اشارك فيه اولا
احارب لو مصر فى حالة دفاع عن نفسها فى مواجهة عدو بيهدد ارضيها
لكن ابدا مش هحارب عشان شعوب تانية
هم اولى ببلادهم يعنى هو مين كان حاربلنا
كلنا فاكرين ازمة الكويت والعراق وشبابنا اللى راحوا يحاربولهم ليه لحد دلوقتى مش فاهمة
مين كان مبسوط وموافق على انهم يخدوا اخوه ولا صاحبه ولا قريبه ولا ابنه ولا زوجها ولا ابنها
وكأننا لم نتعلم مما حدث فى السابق من حروب دخلناها من اجل الاخرين
سهل الكلام عن الحرب مننا لاننا معيشناش الفترة دى ولا نقدر مهما سمعنا المعاناة اللى عاشها الناس فى الوقت ده
الحرب بالنسبة لاغلنبنا اتفرجنا عليها فى التليفزيون والافلام او نشرة الاخبار
حرب يعنى دمار و استنزاف شباب واقتصاد وبنية اساسية تدهور لكل شئ
يعنى انا بكل صراحةووضوح ضد قرار الحرب لمجاملة اى حد
ممكن نساعد بمعونات.. بسلاح ويحاربوا هم بقا
معلش عايز اوضح نقطه
في حاله الحرب الواحد مبيكونش تحت تصرف نفسه و هواها
في حاله الحرب اذا تم استدعائك و مرحتش بيكون في عواقب وخيمه جدا جدا جدا و الاعدام شنقا او رميا بالرصاص بيكون العقاب او سجن حربي لمدد طويله
اكيد وجود اكتر من جبهه كان له دور فى النكسه
بالنسبه لنقطه التسليح الفرق مكانش كبير للدرجه
والاهم ان فى حاله وجود فرق ممكن يتعوض بوسايل تانيه ( حرب رمضان اوضح مثال )
المؤامرة الامريكيه اليهوديه من ابرز الاسباب الدولتين وغيرهم كان يهمهم جدا
يستريحو من صداع عبد الناصر
الجزء الخاص بالحروب من اجل الاخرين
انا مش متفق مع حضرتك فيه
دينيا ................. ده بيعتبر نصره للمسلمين
بس دى مش حرب لنشر الاسلام
دى حرب لتحرير ارض اولى بيها اهلها وسكانها