الموضوع: الخامس من يونيه...

المشاركة الأصلية كتبت بواسطة shnory

طبعا التاريخ دا بيفكرنا كلنا بالنكسه
وحضرتك بتقولي انه عدا علينا مرور الكرام علي اساس اننا لازن نروح نزور المقام في سينا مثلا ؟؟
زياره اوباما والسياسات اللي بتحصل الفتره دي لعدم تكرار النكسه ولاحلال السلام علي مصر والعرب
ابويا وابوكي والناس اللي استشهدوا في النكسه اخدنا حقهم في 6 اكتوبر
ولا كان من المفروض اننا نعمل هجمات انتقاميه في كل ذكري للنكسه علشان ناخد حقهم
واظن انهم اخدوا اكبر واعظم حقوق الاخره وهو نيل الشهاده

أنا مش عارف ليه الأسلوب التهكمي ده.
الأخت iceheartedgirl بتقول ان النكسة مرت علينا مرور الكرام لأننا لم نهتم (على الأقل السنة دي) بتذكرها وأخذ العبر منها. ومن العبر دي اننا ماندخلش حروب بدون داعي أو استعداد زي ما حضرتك بتقول. ماحدش قال نعمل مقام أو نعمل هجمات انتقامية في كل سنة.

المشاركة الأصلية كتبت بواسطة shnory

حضرتك وناس كتير جدا الي بيتكلموا عن الحرب لما بيسمعوا صاروخ من صواريخ الاعياد بيملواالدنيا صريخ
يا تري حضرتك سمعتي صوت رصاصه قبل قبل كده؟؟؟؟؟؟؟؟؟
او قنبله او سيبك من اللي ماتو شوفتي حد محروق بالنابالم ؟؟؟؟؟؟؟؟
او مضروب باي سلاح حربي في الدنيا ؟؟؟؟؟؟؟؟؟

مرة تانية اسلوب تهكي لا داعي له. لسببين: لأنه مسئ لها و لأنها لم تنادي بالحرب في الأساس

المشاركة الأصلية كتبت بواسطة shnory

انا حقول لحضرتك ايه الي اتغير في اخر 30 سنه علي حسب معلوماتي الشخصيه ويا ريت لو حد ياكدهالي
دول اول 30 سنه من قرون مصر تعيش في سلام فيهم من غير حروب ولا مجاعات ولا اوبئه
30 سنه مصر اتعمرت فيها وشوفنا شوارعها منوره ومتسفلته وركبنا عربيات وحضرتك واختي وامي واهلي كلهم بينزلوا الشارع واحنا متطمنين عليهم مش خايفين من قنبله ولا صاروخ ممكن يخلينا منشوفهمش تاني

ثلاثين سنة كافية للنهوض بدولة دمرت تماماً من الحرب أو دولة فقيرة وغير نامية لتصبح دولة صناعية كبرى.
وده حصل فعلا في اليابان والمانيا وكوريا وسنغافورة وماليزيا ودول تانية كتير.
مش عارف حضرتك بتتكلم عن أي شوارع منورة ومتسفلته.
حضرتك مش شايف البلد عامله ازاي؟
ايوة، السلام (أو بالأحرى الهدنه) فرصة للتعمير والبناء واحسن من الدمار بتاع الحرب. فرصة لازم تستغل. اللي حصل انها لم تستغل احسن استغلال.

المشاركة الأصلية كتبت بواسطة shnory

بالنسبه لنظريه المحارب الي مش بيتشد من قفاه دا مش حيبان غير ساعه الحرب فقط لا غير وحتلاقي بطولات من ناس لا تتخيلي انهم ممكن يعملوا حاجه
ساعه الحرب الحرامي بيبطل يسرق والجبان بيبقي شجاع والناس بتترابط ودا برضه مش حنشوفه غير لما الحرب تقوم

متفق معاك الى حد ما. ولو ان في كثير من الأحيان الحرب بتأدي الى فوضى ونهمب وسلب واستغلال تجاري وظهور اغنياء الحرب.
بس مصر مرت بحروب كتير محصلش تقريبا الكلام ده بالعكس ظهر التكاتف والرجولة والمجدعة. مش مختلف معاك في النقطة دي.

المشاركة الأصلية كتبت بواسطة shnory

انا شايف ان بلدنا اتصلحت ولسه حتتصلح اكتر واحسن

فين العمار ده؟ المفروض مصر تكون دولة متقدمة بعد الثلاثيييييين سنة دول.
مش فقر وعشوائيات ومرور فوضوي وجرائم بتحصل في الشارع في وسط النهار!

المشاركة الأصلية كتبت بواسطة shnory

بس نبدا بنفسنا بدل ما كل واحد عمال يقول نحارب ونقتل وندفن ونحرق وهو اول واحد حيخاف يبعت حد من اهله يحارب
تخيلوا كلكم اخواتكم واصحابهم وهما رايحين يحاربوا وربنا يكرمني واكون اولهم
حتيقوا قاعدين مرتاحين اننا بنحارب؟؟؟؟؟؟؟؟؟؟؟؟؟؟؟؟؟؟؟ ؟
مبسوطين علشان بناخد حق شهداء النكسه
كل الحروب ليها خساير حتي لو انتصرنا فيها
الحاكم حيصدر امر الحرب انما احنا اللي حنحارب
وساعتها بقي انسوا اي متعه من متع الحياه تكون موجوده
حنرجع للبدائيه
في اول برج محمول حيتضرب ولا اول كابل نت حيتقطع كله حيقول ان دي نهايه العالم وان الحياه ملهاش طعم
الحرب مش مجرد كلمه
استراتيجيه الحرب مش بتاثر علي الجيش وبس ولا ميزانيه الجيش وبس
لا
دي بتاثر علي كل جوانب اقتصاد البلد

لو كتب علينا القتال لازم نقاتل. لو على التضحيات الاقتصادية ورفاهيات الحياة تهون.
بس برضو متفق معاك انه مش لازم نرمي بنفسنا للتهلكة.
الحرب لازم تكون محسوبة.

المشاركة الأصلية كتبت بواسطة shnory

وبيتهيالي ان بدل ما ندور علي مين حيحارب
ندور الاول علي مين حيعمر البلد بعد الحرب خصوصا انها لسه محتاجه تتعمر ومش ناقصه حروب

لو اتفرضت علينا الحرب يبقى نحارب الأول بعدين نشوف مين يعمر.
الانجليز ساندو تشرتشل اثناء الحرب لكنه خسر الانتخبات بعد الحرب لأنه دوروا علي غيره يعمر البلد

المشاركة الأصلية كتبت بواسطة shnory

نسمع اراء الاعضاء ونكمل كلام ومناقشه

منتظر ردك