كنا فى اليمن عشان ندعم ثورة الضباط الاحرار اليمنين !!!!!!!!!! لان عبد الناصر كان زارع فى كل مملكة عربية او اى نظام حكم مش عاجبه خلية باسم الضباط الاحرار نجحت فى بعض الدول زى العراق على ايد عبد الكريم قاسم وعبد السلام عارف ونجحت فى اليمن على ايد السلال .......
لكن فشلت فى السعودية ( كان عامل تنظيم الامراء الاحرار ) وبكده كسب بجدارة عداوة دولة عربية كبيرة زى السعودية وده جعل الملك سعود بن عبد العزيز ثانى ملوك المملكة وبعده اخوه الملك فيصل يجندوا الجنود المرتزقة من امريكا اللاتينية وافريقا واسيا ضد النظام الجمهورى الجديد فى اليمن سنة 1962 والمدعوم من ناصر الجمهوريات العربية عبد الناصر وقامت حرب رهيبة بين فريقين استمرت من 1962 الى 1967 ولم نستيقظ منها الا بالنكسة اللى اعادت الوحدة نوعا ما ( ورب ضارة نافعة )
الاول ؛- جيوش الجمهورية اليمنية الجديدة وبعض القبائل اليمنية+ جيش مصر ( اللى مفروض يكون فى سيناء يحارب اسرائيل )
الثانى :- جيوش من المرتزقة( مدعومة ماليا وتسليحيا من الممالك العربية المعادية لناصر ) + قبائل يمنية موالية للامام احمد بن يحيى بن حميد الدين اللى كان لاجئ فى السعودية وكانت السعودية بتدفع ليهم مبالغ خيالية لافشال الثورة
فى معركة زى دى مين بقى الخسران ومين المنتصر تخيل ؟؟؟؟؟؟؟؟ بسبب الفرقة والتشتت وضياع المجهود الحربى فى حروب اهلية دمرت جيش مصر واموال السعودية وابناء اليمن
اكيد كل العرب خسرانين ......... واكيد اليهود كسبانين ( والدليل انهم استغلوا الفرصة بعدوان 5 يونيو )
واى خدمة يا دكتور امير ويارب اكون قدرت افيدك زى ما استفدت كتير من خبراتك فى منتدى اسكودا