اختبار كبس الموتور ياترى بيتعمل فين فى المنصورة ؟ و فين افضل الاماكن ؟؟؟
اختبار كبس الموتور ياترى بيتعمل فين فى المنصورة ؟ و فين افضل الاماكن ؟؟؟
و يا ترى هوه ممكن يظبط الموةور لو فيه حاجة ؟؟
فين شباب المنصورة ؟؟!!!
موضوع الكبس بيكون يا اما بنزينة كبيرة و غالبا بتوع كالتكس عندهم
او بيكون ميكانيكي في البلد عامل فيها شيخ الصنايعية و جايب الجهاز
او لو مركز فاتح جديد و عاملين شغل نظيف
ده بالنسبة لاي محافظة
اما موضوع لو فيه حاجة يظبطة ده موضوع تاني انت عندك العربية كربراتير يعني ممكن اي صنايعي بيفهم يظبطها و كمان عندك الاسبرايتر ببلاطة يعني برده ليه ظبطة يدوية
و عموما بجد بجد ليك وحشة
الموضوع اطمئنان مش أكتر و كمان من باب العلم بالشىء و معرفة الاماكن اللى اخوانا فى المنتدى اتعاملوا معاها و بيثقوا فيها ,اقتباس:
المشاركة الأصلية كتبت بواسطة ayabooy
و شكرا على ذوقك و معلش الظروف هيه اللى بتحكم فى البعد عن المنتدى و التواصل مع الاخوة المحترمين اللى زى حضرتك .
طيب لو عاوز تطمن بس يبقي انت تسخن عربيتك و تخليها في درجة حرارة عادية مش سخنة اوي و مش بارده زي المركونة
و تفك غطى الزيت لو لقيت في دخان مستمر طالع منها او من خرطوم الفايس الي داخل في العمة يبقي الموتور في اول مراحل الخففان
و لو انشاء الله ملقتش حاجو خارجة يبقي تحمد ربك و تنسي موضوع الكبس و اعرف ان موتورك كويس
شكرا لك , ولاهتمامك .
كنت قبل كده بأتكلم مع سائق بيشتغل معانا فى الشغل ,
فقالى ممكن تعرف حالة الموتور بأنك تدور العربية و تفك غطاء الزيت و لو حطيت ايدك و سديت مكان الغطا و لو حسيت بان ايدك كأنها بتتشفط فاطمن الموتور ده كويس انا قلت اسألكم الكلام ده مظبوط ؟؟
على فكرة السواق ده كان بيعمل ميكانيكى للنقل الثقيل بأحد التوكيلا ت بالسعودية .