فحص العربية قبل الاستلام Ex Nissan Sunny

**samo999** · 05-06-2009 06:53 PM

انا الاسبوع الجاى ان شاء اللة هستلم نيسان صنى ex salon عاوز اعرف اية الحاجات اللى اخد بالى منها عند الاستلام - دة موضوع مهم جدا عاوز خبرتكم فية وشكرا جداااااااااااااااااااااا

**amir** · 05-06-2009 08:18 PM

الف مبروك و متخافش من مواضيع عيوب التقفيل مفيش في الصني منها اطمن
انت بس اللي تشيك عليه العربيه من بره بالنسبه للصاج و اللون علشان ساعات و هما بينقلو العربيات من مكان لمكان بتتخبط و بيصلحوها و يرشوها في الحرفيين و بيع يا معلم علي انها زيرو عادي يعني
انما باقي الحاجات ملوش لازمه تشيك عليها من اساسه
الا لو انت قلوق قوي يعني فممكن تراجع كافه الحاجات في العربيه من اول الطفايه و ولاعه السجاير مرورا بالكالاكس و الانوار و الاستبن و العده و غيره و غيره و غيره
ربنا يسهل و تستلم و ترخص علي خير

**samo999** · 06-06-2009 10:55 AM

يبقى اشيك على دول
· تشيك علي العربيه من بره بالنسبه للصاج .
· الطفايه (هية العربية دية بيجى فيها طفاية؟؟؟؟) اول مرة اعرف
· ولاعه السجاير
· الكتالوج
· كتالوج الكاسيت و ضمان الكاسيت
· ضمان البطارية
· ضمان العربية
· الاستيبن
· كوريك و شنطه عدةصغيرة
· كمان جراب حفظ وش الكاسيت
· الجنوطيكون راكب عليها الطاسات
· ورق العربية المبايعه و جواب المرور
لو فى حاجة تانى ياجماعة ياريت تقولولى عليها انا هشترى من المصرية
الاحسن ابظة ولا المصرية؟؟؟؟؟؟؟؟؟وشكرا جداااااااااا