الموضوع: رأي الأعضاء في معرض أوتوماك 2009

بصراحة المعرض ملوش اي لزمه كل العربيات الجديده ملهاش سعر و مش معروف هتنزل امتي
الصيني بالهبل و ربنا يستر
مفيش ايب خصومات (خالد اباظة بيأكد انه اكبر عدو و كذاب للمستهلك المصري)
الخدمات سيئه جدا


الحاجده الوحيدة الكويسه شويه الكماليات انواع كتير و خصومات كويسه

واخبار قطع الغيار ايه ؟ هو ما كنش فيه صالة لقطع الغيار والأختراعات الجديدة ؟

المعرض مش زى السنة الى فاتت وحش اوى والناس الى واقفة على العربيات مش عرفة حاجة ف العربيات ولا حتى عن العربية الى بيعرضوها كنت بسال على حاجة وكنت مستنى الاجابات تنهال عليا طلع العكس انا الى كنت بجاوب على نفسى غير كدة المعرض كانك ماشى ف الشارع كل العربيات الى هناك عادية جدا جدا جدا نفس العربيات الى بنشوفها ف الشارع والتنظيم سيئ جدا

المشاركة الأصلية كتبت بواسطة waleed_home

واخبار قطع الغيار ايه ؟ هو ما كنش فيه صالة لقطع الغيار والأختراعات الجديدة ؟

لا فى بس مش حلوة اوى تحس ان الناس الى جاية من الصين جاية تقعد تتكلم وبس

ومبعرفوش يتكملوا انجليزى كمان

المشاركة الأصلية كتبت بواسطة semsem kane

ياجماعة العارضين مش عارفين حاجة بجد نهائى ودة لان اغلبيتهم بنات وشكلهم مالهومش فى العربيات اصلا انا روحت صلة تويوتا البنت قالتلى ممكن تفتح الكبوت عشان مش عارفة هو بيتفتح منين ولا عارفة تفتحة من جوة ولا من برة وتحس انة صغير جدا وكلة صينى
بس بجد انا روحت فى وقت كانوا فاتحيين كل العربيات حتى البى ام دبليو والجاجوار بس xk واتفتحت دقايق واتقفلت تانى والبى ام كله ماعدا ال316 coupe حتى الناس بوظوا شنطة البى ام الفئة الخامسة وماكنتش عايزة تقفل وفضلوا حوالى ربع ساعة مش عارفين يقفلوها
وعلى فكرة انا روحت امبارح من الساعة 7.15
عيب المعرض:
1:صغير
2:لازم تكون انت عارف المعلومات مش حد تانى
3:انتشار الصينى بشكل فظييييييييييييع وياريتها عربيات حلوة لا تعبانة جدا

هما اصلن معتمديا على شكل البنات عشان تجذب الناس بس

البنت بتاعت داهيهاتسو : كان ف نوعين من الدايهتسو التيريوس واحد 4*4 وواحد 2*4 عمالة تغلط فيهم وتقول ان هيا مش عرفة ليه ال4*4 اغلى من العادى

كمان كل عربيات بى ام كانت مفتوحة حتى الكوبيه كله كان مفتوح معادا الجاكور والاودى