الموضوع: رأي الأعضاء في معرض أوتوماك 2009

برا في المعارض الدولية (ديترويت - ألمانيا - شنجهاي- ألخ)بيعتمدوا على الموديلز الجميلات علشان يجذبوا المستهلك للعربية بس بيكون هناك فية المسئول عن المواصفات الفنية للعربية ممكن يجاوب على أي حاجة مش زي عندنا

انا رأيي إن المعرض مش بشع يعني يا جماعة يتراح و يتشاف بصراحة .

بما إن كل الناس قالت سلبيات فا انا هقول برضه إيجابيات شفتها في المعرض عشان يبقي تقييمنا معتدل للي مراحش .

1- محلات الكماليات و منتجات العناية أكتر من السنة اللي فاتت و شباب تمام

2- تقريباَ أول مرة سواء في أوتوماك أو الأهرام أقابل عارضة محجبة ! و كانت في قسم فيات تحديداَ عند الفيات 500 .. و المفاجأة إنها بتفهم جداَ في العربيات انا إتكمت معاها عن العربية كتير و لقيتها عارفة كل حاجة ما شاء الله حتي الجوايز اللي خدتها العربية، تحية كبيرة أوي .

3- فيه شركات جايبة عارضين رجال .. و رجال فاهمين كل حاجة و عارفين كل فسفوسة في العربية .. مثال للشركات اللي عملت كدة جاجوار و سوبارو، و بيناقشوك في كل حاجة من أول الشكل و الإمكانيات لحد التكنولوجيا اللي في الموتور و الفتيس و التعليق و عروض الصيانة و خدمات ما بعد البيع .

4- عربيات تنطلق لأول مرة في مصر من المعرض .. فورد كا .. فورد فييستا .. ال frv السيدان .. سوزوكي سيليرو اللي أعتقد هتنجح جداَ ... و الفيات 500 بموتور 1300 سي سي، كيا سول .

5- العربيات كلها كانت مفتوحة ... كلها كلها .. مقابلتش عربية مقفولة غير الأودي tt كانوا قافلنها و فاتحين نص الشباك ! كنت بفكر أفتحها و الله عشان انا بعشق العربية دي بس قلت يا واد خليك محترم .

زيارتي كانت يوم الخميس (يوم زيارة أوباما) الساعة 2 ظهراَ .. يمكن عشان مكنش فيه حد تقريباَ كانوا فاتحين كل العربيات و بيرغوا مع العميل بضمير .

المعرض مستواه مقبول إذا حاطينا في بالنا الأزمة اللي بيمر بيها سوق السيارات .

شو هاد يا جماعة

انتو كنتوا رايحين تتعذبوا و لا ايه؟

المشاركة الأصلية كتبت بواسطة OlaOsman

برضه وسيلة رخيصة لجذب المشترين

بعتقد انو هيك اصلا يا علا مش هيبقوا رايحين يتفرجوا علي العربيات