الموضوع: ارجو المشورة بسرعة من فضلكم

المفروض ان الاتفاق ده يكون قبل البيع لان كل حاجة في العربية بتفرق في سعرها طبعا لو هيشيله يبقى تمن العربية ينزل شوية

اولا مبروك عليك العربية وربنا يديك خيرها ويبعد عنك شرها
ثانيا بالنسبة لموضوع في حاجات عاوز تظبط دى كان المفروض تتكلم معاة فيها قبل ما تدفع فلوس العربية وتسجلها
علي أساس تخصم تكلفة التصليح من التمن الكلي . وعامتا انتا من حقك الكاسيت الاصلي للعربية
بس أتكلم مع الراجل الاول في موضوع الحاجات ال محتاجة تصليح , لو لقيت الراجل معندوش مانع انة يصلحها علي حسابة او حتي يدفع النص, يبقي حلال علية الكاسيت, غير كدا انتا المفروض متفق علي سعر العربية بكل حاجة فيها يعني جنوط و التزويدات مثلا يعني الا لو كان هو متفق معاك من الاول ان السعر ال حضرتك دافعتو ميشملش الكاست, غير كدا الكاست من حقك من حقك

شكرا لمجهودكم يا اخواني
بس احب اوضح ان الكاست سوني والسماعتين بيونير اتفقنا طبعا دول من حقي اما الزيادة في جهاز جي ام راكب في الشنطة وقالي ده انا هاخده لأن احنا مش متفقين عليه
فانا عايز افاوضه عليه مع الحاجات اللي عايزة تتظبط اللي اهم حاجة فيها عصاية الفتيس ممكن تحتاج تتغير
فهل ده كده من حقي ولا ايه؟؟؟؟؟؟؟؟؟؟؟؟؟؟؟؟