السادة الزملاء
معروض عليا أوبل كورسا موديل 98
حالتها جيدة
لكن الموتور تعبان
ومحتاج تسعير لها منكم
والطلب الثاني
لو إشتريتها وفكرت أشتريلها موتور بملحقاته . الموتور هيبقى بكام؟؟
وهيكلفني كام بتركيبه وتظبيطه ؟؟
السادة الزملاء
معروض عليا أوبل كورسا موديل 98
حالتها جيدة
لكن الموتور تعبان
ومحتاج تسعير لها منكم
والطلب الثاني
لو إشتريتها وفكرت أشتريلها موتور بملحقاته . الموتور هيبقى بكام؟؟
وهيكلفني كام بتركيبه وتظبيطه ؟؟
رد يا عم احمد يا علاوى على الراجل انت فين يا استاذ الكورسا
سمعا و طاعة يا سيدي الدوق طناني باشا. :) :)
شوف يا باشا..
بيتهيألي هي تعمل سعر في حدود 30 الف او تقل شوية..حسب حالة العربية نفسها..
يعني دواخل و شاسيه و كماليات و خوارج برضه و كاوتش و تكييف و حاجات كتير..
يعنيمن الاخر تشوف العربية متهانة و لا لأ..
لو نضيفة و بنت ناس كده.. ممكن توصل 30.. بس طبعا حاول تنزل بالسعر عن ال30..
اما فيما يخص الموتور ف افضل موتور تركبه 1200 سي سي كامة واحدة و يعمل بكل حاجتة في حدود 4500-5000..
بالتركيب و كل حاجة..
و افضل ناس تشوف عندها هاني العايدي في الحرفيين.. و الشيخ محمد قشطة في الحي السادس.. دول اللي بنتعامل معاهم..و دول تشتري منهم بس.. لكن التركيب.. ممكن نبقي نرشح ليك ناس كويسة برضه ان شاء الله..
مش انا قلت ان احمد بك علاوى هو اللى هيجيب الأخر جعلك الله زخراً للأوبل كورسا
السلام عليكم ورحمة الله وبركاته
إزيك يا أبو حميد عامل ايه وإيه الأخبار
تعقيب بسيط فقط
العربية ال 98 دى ماتور 1000 ولا 1200 عشان ال 98 فى منها دة و دة , على فكرة لو العربية موتورها واقع قوى سعرها مش حايعمل ال 30 دول يا أبو حميد متهيألى حاتقل شوية علشان أساسا العربية سعرها ريح شوية فى السوق على ما بشوف و بسمع لدرجة إن كان فى واحدة مالهاش حل موديل 95 عندنا فى إسكندرية تقدر تقول بحالة جيدة جدا وصاحبها كان طالب 35 جابت له 32 بس وبعد مدة يعنى لو كان مستعجل على البيع كان باع أرخص من كدة. والله أعلم
وبارك الله فيكم إخوانى فىالمنتدى ووفقنا الله و إياكم لما فيه الخير
بارك الله فيكم
وجزاكم الله خيراً
وجعله الله في ميزان حسناكم
بص يا باشمهندس لو 1000 سي سي ابعد عنها
احنا لسه بايعين 99 1000 سي سي مفيهاش غلطه اتباعت علي 27 الف
ال 1000 سي سي موتورها في حساسات غاليه
يعني بمتنهي البساطه ممكن تصرفلك 1500 جنيه علي تغير شويه حسسات والعربيه متغيرش في قيمتها حاجه
اهلا بيك يا باشا..
والله بص.. علي حسب حالة العربية من جوة وبرة..
ده اللي بيفرق.. حتي لو محسبناش حالة الموتور.. في عفشة.. و اساسيات..
اكيد كل ده بيفرق.. و العربيات اللي بتتباع بسعر قليل.. اكيد اكيد و انا متأكد بتكون فيها حاجة مش صح..
اصلي شوفت عربيات من اللي بتتباع بعشرينات.. و شوفت كمان حاجات بتتباع بتلاتينات..
و زمان من اللي كانت بتتباع ب اربعينات كمان... و الفرق كبير..
لما تركب العربية كده و تقعد فيها ولا تفتح الكبوت بتاعها.. تحس ان كان في بني ادم بيسوقها و بيعمل فيها الشغل.. ولا كان كائن تاني.. مهمل و مبهدلها.. جوة و برة..
عموما.. اللي عارف قيمة عربيته.. مش هيبيعها بسعر بخس.. حتي لو اضطر انه يتأني شوية..
و اللي بيقدر قيمة العربية.. هيدفع فيها.. و اصل في حاجة كمان..
طالما سوق الاوبل واقع كده.. يبقي مش هيفكر حد انه يشتري.. غير لو كان فاهم.. و يقدر قيمتها.. او هيكون بيشتري عشان رخيصة و خلاص.. و ده للأسف اللي بيلبس ف الحيط.. يا فرحتي رخيصة.. و بيدفع بقي مبالغ طائلة.. عشان العربية تتظبط و ترجع شوية زي الاول..