-
أخيرا تم رفع صور مواسير التكيف بعد العزل
-
جامد يا باشا بس المهم النتيجة
-
انا متهيئلي من الصورة انك عازل السخن والبارد
السخن ملوش لازمة يتعزل حتي لو جنب الفرن
-
-
تسلم الايادي يا هندسة..
في انتظار النتيجة بعد التجربة..
-
الصور غير وضحة مش موجودة يريت ترفعهم تانى
-
تسلم ايدك يا فادي والله
تم تحميل الصور وجار التنفيذ
بس انا ملاحظ ان بلوف التكييف مكانهم عنك غير عندي تماما
انا عندي موجودين بين خزنة الباور وفلتر الهواء وهحاول ان شاء الله اصورهملك قبل ما اعمل العازل
-
اقتباس:
المشاركة الأصلية كتبت بواسطة tananybasha
جامد يا باشا بس المهم النتيجة
اقتباس:
المشاركة الأصلية كتبت بواسطة ahmad allawy
تسلم الايادي يا هندسة..
في انتظار النتيجة بعد التجربة..
هو فادي كان ذكر ان كفاءة التبريد زادت بنسبة 20%
-
الف مبروك
بس
المفروض كنت تشغل العربية ووتفتح التكييف 5 دقايق وتقيس درجة الحرارة جوة
وبعد العازل ده تقيس درجة الحرارة تانى بردو بعد 5 دقايق
علشان تعرف اذا كان فرق معاك ولا مفرقش
وتكلفتهم كانت كام ؟؟
-
تسلم ايديك يا باشا جري التجربه بس ربنا يستر ومش تطلع قماش
-
السلام عليكم ورحمه الله ... الف شكر ليكم يا جماعه علي مروركم الكريم ..بالنسبه لمكان البلوف يا وليد با شا في فعلا عندي 2 بلف بين خزنه الباور وفلتر الهوا غير الاتنين اللي باينين في الصور -بالنسبه للفرق في التبريد قبل وبعد فانا اعتمدت علي احساسي في الحكم لاني كثير السفر والتنقل ومابستغناش عن المكيف والتكلفه 18 ج ثمن فرخ الصوف الزجاجي فقط .
-
-
مش عارف يا تامر بس هي باينه للكل .. جرب ادخل علي موضوع فكره لعلاج سخونه الاوبل هل يمكن تطبيقها ؟ انا سايب لنك الصور هناك برده جرب كده وشوف .
-
الف شكر يا فادى باشااا بس انت جيبت الفرخ دة منين واسمه اية ؟
وهل انت عملته على المواسير اللى قدام الفرن بس اللى هى ورا المروحة ولا اية
-
الصور مش باينه عندي انا كمان
-
الفرخ ده من عند بتوع قطع غيار البوتاجازات وبيستخدم في عزل الافران وانا لفيته علي المواسير اللي قدام الفرن وامام المروحه .
-
انا عندى سؤال هو العازل دى لونة اسود ولا دى شريط لحام ملفوف علية
علشان انا سألت على العازل لايت فى نوعين واحد لة وش سلفر و وش عامل زى الفوم
والتانى وش سلفر و التانى سوف لونة اصفر كدى
وياريت تقولى عملتة ازاى
وشكرا
-
العازل المستخدم له وش سلفر والتاني عباره عن شعر زجاجي لونه اصفر - بتقطع منه جزء وتلفه حوالين الماسوره المراد عزلها وتشد عليه من بره سلك رباط علشان هو ده اللي ممكن يستحمل الحراره معاك شريط اللحام ما ينفعش.
-
طب هو لونة اسود لية مش من المفروض يكون سلفر:shyy:
ان عمل الختراع دى عندى بصراحة فكرة جامدة thanks
-
اقتباس:
المشاركة الأصلية كتبت بواسطة hellboy
العازل المستخدم له وش سلفر والتاني عباره عن شعر زجاجي لونه اصفر - بتقطع منه جزء وتلفه حوالين الماسوره المراد عزلها وتشد عليه من بره سلك رباط علشان هو ده اللي ممكن يستحمل الحراره معاك شريط اللحام ما ينفعش.
من جوه سيلفر زي ورق الألوميتال الرقيق بتاع الأفران ؟؟
ومن بره شعر !! زجاجي !!!! يعني ايه شعر زجاجي ؟؟؟
-
انت اللي عملت كده بنفسك ولا رحت لحد عمله ؟
-
انا شفت الصور على كمبيوتر الشغل طول عمرك عبقرى يا فادى ربنا يخليك للعصابة انا هعملها عندى بس عيزك تسعدنى
-
السلام عليكم .. اسف ع التاخير . بس الواحد مزاجه ( تيييييت ) من الماتش بتاع امبارح - بالنسبه للصوف الزجاجي يا superkenwood انا معرفش تركيبه الكيميائي ايه ؟ بس اللي اعرفه انه شكله زي شعر عرائس البنات وبيستحمل درجات حراره عاليه وهو ده بودره العفريت اللي كنا بنلعب بيها واحنا صغيرين وعلشان كده خليك حذر ماتقربهاش من جسمك وانا عملتها بنفسي لاني اعشق العمل اليدوي والدعبسه في العربيات
ماتحرمش من زوقك يا تامر باشا احنا بنتعلم منك ياباشا ولي الشرف اني اساعدك واحط ايدي في عربيتك . ده احنا لون واحد يا راجل لون الباشوات :star1:
-
اقتباس:
المشاركة الأصلية كتبت بواسطة superkenwood
من جوه سيلفر زي ورق الألوميتال الرقيق بتاع الأفران ؟؟
ومن بره شعر !! زجاجي !!!! يعني ايه شعر زجاجي ؟؟؟
أسمه صوف زجاجى و بيبقى عامل زى الشعر يمكن دى نسخه مصغرة منه بس انا شوفت مبنى كان بيتهد و كان عليه صوف زجاجى كعازل كان عى عامل زى الشعر طويل جدا و بيشوك جدا رمناه على واحد صاحبنا فى هدومه الواد بقى لونه أحمر فإحذر منه جدا
-
انا عمل العازل دى عندى بكرة وحاقولكم على النتيجة
بس انا هاستخدم نوع العازل الفوم علشان الصوف الزجاجى ممكن يتبل و ياثر فى العزل
-
اقتباس:
المشاركة الأصلية كتبت بواسطة jojooo
طب هو لونة اسود لية مش من المفروض يكون سلفر:shyy:
ان عمل الختراع دى عندى بصراحة فكرة جامدة thanks
اه صحيح .. ازاي وش سيلفر ووش به صوف أو شعر زجاجي .. والصور المرفوعة اللون الخارجي أسود عامل زي الكيس البلاستيك ؟
-
هو انا لية مفيش صور بتظهر عندى :U_thin1[1]::U_thin1[1]: