أنا أسطورة ..!!

**itsonlyme** · 06-06-2009 01:43 AM

المشاركة الأصلية كتبت بواسطة relentless_mayhem

حد شاف فيلم i am legend؟؟؟؟
أنا كنت بطل الفيلم ده 4 أيام روا بعض ..

أنا خلصت يوم 30 مايو ..
سافرت مع أصحابى الساحل يوم 2 يونيو ... (فى حد عاقل يعمل كده) ..
بعد ماشوارت و مفاوضات مع البشمهندس أبويا رفض يدينى العربية ...
و وحد بس معانا معاه عربيته .. و إحنا كنا 8 . ..
قلت أسأل سوبر جيت ... مالقناش حاجة بتروح الساحل أصلا دلوقتى ..
إسكندرية بس!!
قلنا ماشى .. 5 عربية و 3 سوبر جيت ..
روحنا ..
المهم ..
مافيش صريخ إبن يومين ..
ماحدش على البحر .. و رملة البحر مرتبة كده ماحدش فعلا داس عليها ..
ماكنش موجود ولا عربية فى القرية ..
ماكنش فى أى شاليه أو فيلا منورة!!
نروح البيسين إحنا لوحدنا و الشاليهات إللى على البيسين مقفولة ..
تروح البحر مافيش ولا شمسية ولا أى حد موجود على البحر غيرنا ...
بليل ننزل نتمشى نخاف نسمع أصوات غريبة كده و كل حاجة ضلمة ... البشوات بتوع القرية منورين نور أه نور لأ ...
مافيش تلفيزيون كان موجود معانا ...
معندناش نت ..
مفيش أى سوبر ماركت ولا بتاع فطير فاتح ... كله قافل بالإقفال .. و الدنيا مبهدلة كأنها مهجورة
طبعا عزلة تامة عن العالم الخارجى ...
مافيش جرائد ... ماحدش جاب لابتوب ... ماحدش جاب حاجة ..
الحاجة الوحية كانت مجلة ميكى ... هههه
البحر بتاعنا كله ..
بليل تقعد على البحر فى هدوء تام عمال تبص شايف كل النجوم ...
يعنى فيلم i am legend ... أو فيلم cast away !! ...
يعنى بصراحة كانت أجازة مثالية و تغيير مش طبيعى فعلا ...
و ده كانت أجمد حاجة .. أعدت مع نفسك .. نلعب بس ... مانعرفش أى حاجة عن العالم المقرف ... مالناش دعوة بأى مشاكل ...
يا رب الدنيا تبقى فاضية كدهّ علطول !!!

مش عارف ليه وأنا بقرأ كلامك فكرت في قرية زمردة.

ياما رحت هناك في أوقات مايكنش فيها صريخ ابن يومين.
بس راحة البال والهدوء برضو مايتعوضوش

أوعى تقول لي انك كنت في قرية زمردة!

**SeiffoZ** · 06-06-2009 01:45 AM

المشاركة الأصلية كتبت بواسطة baskota

حلو الهدوء اوى بس ميطولش الزحمة والناس برده مفيش اجمل منهم ونس

بس الهدوء .. و تحس إن البحر بتاعك لوحدك .. و النجوم و السما ملكك ..
شعور لا يقاوم!

**mahmoud_magdy** · 06-06-2009 01:46 AM

يااااااااااه
تعالى العاشر من رمضان هنا وانت تعرف معنى منطقه مهجوره طول السنه ههههههههههههه
بس فيها كل حاجه
والناس في بيوتها وقليل ما تلاقي ناس في الشارع
ما عدا المناطق الشعبيه طبعا
ووسط البلد (على اعتبار انها فيها حياه اكتر من اي منطقه اخرى ) بس طبعا مش زي وسط البلد في القاهره

**SeiffoZ** · 06-06-2009 01:46 AM

المشاركة الأصلية كتبت بواسطة itsonlyme

مش عارف ليه وأنا بقرأ كلامك فكرت في قرية زمردة.

ياما رحت هناك في أوقات مايكنش فيها صريخ ابن يومين.
بس راحة البال والهدوء برضو مايتعوضوش

أوعى تقول لي انك كنت في قرية زمردة!

لأ قرية إسمها بالم بيتش ..

**SeiffoZ** · 06-06-2009 01:48 AM

المشاركة الأصلية كتبت بواسطة motorizer

انا عملتها قبل كدة بس رحت مرة في فبراير و مرة في أبريل
في فبراير كنا هنموت من الجوع لأن ملقيناش ولا أي حتة نجيب منها أكلة .. زهران بكل محلات الأكل اللي فيه كان عبارة عن مدينة أشباح .. و في الأخر رحنا كلنا في إسكندرية !

في أبريل بقي كنت عامل حسابي
بس هي بتبقي جامدة فعلاَ و أحلي من الصيف .

بتبقى خطيرة فعلا ...
إنعزال تام عن العالم ,,, زى الأطفال الصغيرة ...
مالكش دعوه بأى حاجة ... مجرد إنك بتلعب و خلاص

**pharonicking** · 06-06-2009 02:18 AM

الزحمة واللمة حلويين"

**KarimAbulEla** · 06-06-2009 02:55 AM

انا باحب الساحل الشمالى فى شهور ما قبل و ما بعد الصيف - لانها بتبقى مثالية تاخد معاك اكلك من كارفور داندى مول
و تروح هناك تقعد اسبوع تبقى تمام مفيش دوشة و كل حاجة جميلة اى نعم الساحل الشمالى زحمته بتبقى مقبولة نسبيا فى الصيف بس فى الشهور اللى انا ذكرتها بتبقى اجمل - انعزالية تامة عن كل ما يثير الاعصاب
احساس جميل انك تحس انك الكائن الحى الوحيد فى مساحة 1 كيلو م مربع
بس طبعا المدام لا يعجبها هذا الوضع و تعتبر ان حلاوة المكان تكمن بوجود صخب و دوشة حواليك

اما فى الشتا فالساحل الشمالى عبارة عن بيت رعب و يا سلام بأة لو فى عز الشتا - تبقى عامل زى افلام الرعب بتاع زمان شبابيك بتخبط و رياح عاتية و امطار زى ما يكون فيه حد فاتح خرطوم مطافى على المكان اللى انت قاعد فيه و يا سلام بقى لو حد خبط على الباب مثلا من برة و سمعت كلب بينبح يبقى حيجيلك سكتة قلبية - هو ده المصيف بجد -

**magyver** · 06-06-2009 02:59 AM

المشاركة الأصلية كتبت بواسطة karimabulela

انا باحب الساحل الشمالى فى شهور ما قبل و ما بعد الصيف - لانها بتبقى مثالية تاخد معاك اكلك من كارفور داندى مول
و تروح هناك تقعد اسبوع تبقى تمام مفيش دوشة و كل حاجة جميلة اى نعم الساحل الشمالى زحمته بتبقى مقبولة نسبيا فى الصيف بس فى الشهور اللى انا ذكرتها بتبقى اجمل - انعزالية تامة عن كل ما يثير الاعصاب

اما فى الشتا فالساحل الشمالى عبارة عن بيت رعب و يا سلام بأة لو فى عز الشتا - تبقى عامل زى افلام الرعب بتاع زمان شبابيك بتخبط و امطار زى ما يكون فيه حد فاتح خرطوم مطافى على المكان اللى انت قاعد فيه و يا سلام بقى لو حد خبط على الباب مثلا من برة يبقى حيجيلك سكتة قلبية

+111111111111

**msobhy** · 06-06-2009 09:22 AM

انا رحت الساحل قبل كده انا وا تنين اصحابى يوم 15/5
فى حياتى ممرتش بتجربه زى ديه
الخطوات كانت كالتالى
والد صاحبنا صاحب الشاليه كان يعرف مدير القرية ومفتاح الشاليه كان عند ادارة القرية
كلمه وخلاهم ينظفوا الشاليه والمدخل بتاعه
أول لما روجنا كنا فرحانين مووووووووووووت
القرية كلها فيها 5 اشخاص
احنا 3 - وولد وبنت وكان منظرهم فى شهر العسل
تخيلوا اننا كنا بنضايق لما نشوف الولد والبنت
طيب كنا بنعمل ايه؟؟؟؟؟؟؟؟؟
والله العظيم اطفال صغيره بتلعب مع بعضها
عملنا كل حاجه الاطفال بيعملوها
لعبنا فى الرمل - جرينا ورا بعض - لعبنا كوره - ضربنا بعض - ................الخ
الاكل !!!!!!!!
والد صاحبنا كان عارف المأساه اللى هنكون فيها - ربنا يكرمه كان حاطط لنا فى الثلاجة فراخ ولحوم وتوابل وبصل مفروم وثوم مفروم
وجنب الثلاجة كمية فحم محترمة
رحنا زهران مفيش صريخ ابن يومين
عايزين عيش - نروح الحمام (منطقة الحمام طبعا)
عايزين حاجة صاقعة
عصائر - مياه - سجاير لأصحابى المدمنين
انابصراحة استمتعت جدا
وأكلت كويس جدا
ونمت كويس جدا جدا جدا (انا عندى مشكله بشعه بخصوص النوم)
الغريبة اننا فى لحظه قررنا اننا نسيب الساحل ونروح على اننا نرجع بعد شهر
الكلام ده من حوالى 6 سنين ولغاية دلوقتى لسه مروحتش انا واصحابى

الموضوع: أنا أسطورة ..!!

LinkBack

أدوات الموضوع

عرض

-

-

-

-

-

-

-

المواضيع المتشابهه

أسطورة يوسف عسلية !

أسطورة القاموس الصعيدى !

أسطورة الاعلان !

بوغاتي أسطورة في عالم السيارات

سوبارو ليجاسي أسطورة

الكلمات الدلالية لهذا الموضوع

المفضلات

المفضلات

ضوابط المشاركة