موتور زيتك

**ahassanazzam** · 06-06-2009 01:16 AM

عندى اسكورت 1600 زيتك
الموتور تعب
اعمل عمرة موتور و لا اغيره بواحد استيراد ايهما افضل؟
لو عمره هتكلف كام وعند مين؟
ولو اشترى موتور منيين وبكام ؟
افيدونى........شكرا

**ahmad--ezzat** · 07-06-2009 06:44 AM

هو حضرتك ازاى محتاج تعمر الموتور...انا كان معايا لادا موديل 85 بتاعت والدى.. متعملهاش عمرة لحد 2008

ومواتير الفورد بتعيش جامد

**m_s_h_a** · 07-06-2009 08:53 AM

انا اللى اعرفه انك تجيب واحد استيراد من بورسعيد اما لو طقم شنبر يبفى عادى يتغير بس وبعدين تعب ماله خف يعنى ؟

**aYaBooY** · 07-06-2009 09:58 AM

طبعا زي العضو الي قبلي ما قال
ابل ما تقول تغير ممكن تقولنا حالتة ايه بالظبط دلوقتي
و تقولنا انت منين و بتصلح دلوقتي عند مين

**ahassanazzam** · 08-06-2009 07:58 PM

العربيه عندى من 5 سنوات
الموتور زيتك 1.6 اورجنال نفس رقم الشاسيه
من 3 سنوات حبيت انظف دورة التبريد و الريداتير بماده معروفه وبعد ما حطها بربع ساعه العربيه سخنت بصوره غريبه
وجابت جوان
غيرت الجوان ثلاث مرات فى خلال سنه فى الحرفيين
كان السبب وجود تقفيع صغير لم يلاحظوه فى اول مرتيين واكتشفوه فى ثالث مره
وعرفت ده من تفويت الجوان من نفس الموضع فى كل مره
كشطت الوش وعملنا جوان
العربيه بقت كويسه ولكن بالتدريج الموتور بدأ يتعب
الان
العربيه بتستهلك زيت كتير
العادم لونه ازرق عند بدايه التشغيل يخف تدريجيا مع التسخين
صوت الموتور فيه نقر خفيف
العزم اقل من الاول
الميكانيكى رأيه ان الشنبر سبب العادم وعمود الكرنك محتاج خراطه وهو سبب النقر ده اذا مكنش فيه بستم وشمايز كمان
المهم رأيه اغير مكنه افضل

**aYaBooY** · 09-06-2009 10:00 AM

صح انت كدة بتكلم في موتور خف
عموما انت بتصلح عند مين ؟؟
الموتور الزيتيك اعتقد بيتكلم في حدود ال3 بواكي بس بتكون المشكلة انك لما بتشتري موتور استيراد
بيكون زي البطيخة ممكن يطلع زي الفل و يعيش و يبقي رزقك كويس و ممكن يحتاج نص عمرة او عمرة في خلال سنتين
ديه المشكلة طيب انت لو هاتعمر حد قالك تتكلف كام ؟

**m_s_h_a** · 09-06-2009 10:18 AM

انا عايز اسال سؤال انت كشطت وش السلندر يعنى قللت مساحة غرفة الاحتراق كان المفروض يتحط 2 جوان علشان المسافات ومساحة الغرفه تبقى صح ميكانيكيا تغيظ بجد

**aYaBooY** · 09-06-2009 11:57 AM

خلاص هدي اعصابك يا كنج الي حصل حصل و واضح انه الجماعة بتوع تكنوبوش او تكنوفورد دول في البطاطس على الاخر

**gklhso** · 12-06-2009 12:16 PM

ana 3andy motor saleem, 1.6 zetec sa2atto lel mondeo w now hasa2at 2000 law 3ayzo tell me

**max_ziro** · 07-07-2009 10:08 PM

اشترى جديد و ريح دماغك و عموما المتور مبيبقاش زى البطيخة ولا حاجة
لا دة بيتاخد على تجربة و اول مبيسقط و السيور تركب و يتنضف و كل الحركات بيتقاس كبسة و لو وحش بيرجع تانى و دة نظام تركيب المكن اى حد يقولك غير كدة يأ/ا مش فاهم ينصاب و عموما لو قالك غير كدة روح لغيرة و طبعا متبعش متورك القديم لانة هيتباع ب 100 200 كدة يعنى حرام اكيد فية حجات سليمة كتير انت اولى بيها و لما تشترى اشتريه فاضى يعنى منغير دينامو و مكبريسور تكيف و طرمبة بور و دة اوفرلك الا لو عايز تجيبة بحجاتة
و ربنا معاك ...

الموضوع: موتور زيتك

LinkBack

أدوات الموضوع

عرض

-

-

-

-

-

المواضيع المتشابهه

موضوع للمناقشه اعدل موتور الفيرنا ولا اسقط مكنه mivec 1600 ولا موتور هيونداي2000

تسقيط موتور 1600 زيتك للاسكورت مو 98 ذات سعة 1300 سي سي

فورد اسكورت-1600-زيتك-97 للبيع

الشيفرولية بليزر s10 موديل 1997 6 سلندر هل يمكن تسقيط موتور مرسيدس أو أي موتور أخر

زيتك ايه في كريستالتك

الكلمات الدلالية لهذا الموضوع

المفضلات

المفضلات

ضوابط المشاركة