-
مياة الريداتير الخضراء
السلام عليكم يا أهل الخبرة :
كنت بس عايز اسأل عن الميه الخضراء بتاعة الريداتير ... هي فعلا مهمة واحسن من المية العادية في التبريد .. ولو فلا كده ايه مميزاتها ... نفسي اعرف مميزاتها خصوصا اني بستعمل ميه عادية في عربيتي الانوس وواحد صاحبي خوفني من استعمال المية العادية لانها ممكن تخلي الريداتير يصدي .
اسف جدا للأطالة وشكرا ليكم جميعا .
-
المية الخضراء هى فعلا مهمة لانها بتمنع تكون الصداء فى دور التبريد وكذلك بتقوم بعمل تزيت لطرمبة المياة بس لو انت بتستخدم مياة عادية من فترة كبيرة ابقى خلى بالك ان ممكن المياة الخضراء تتفاعل مع الصداء الموجود فى دورة التبريد وتعملك مشكلة فالاحسن انك تغسل دورة التبريد كويس بس بدون مواد كيميائية خلى بالك من النقطة دى عشان فى بعض البنزينات بيغسل دورة التبريد بمياة مضاف اليها مواد كيميائية لازالة الصداء فبتعمل بردة مشاكل حاول تغسلها بمياة فقط وبعدين حط مياة مقطرة فى دورة التبريد لان المياة المقطرة لن تتفاعل مع الصداء الموجود وفى نفس الوقت هتمنع تكون الصداء مرة اخرى بس هتخسر عملية التزيت اللى بتعملة المياة الخضراء للطرمبة ولكنك ستتجنب المشاكل اللى ممكن تعملة المياة الخضراء.
-
ضروريه خالص خالص المياة الخضراء هترتاح فى كل شئ
-
خالى بالك من موضوع الصدأ اللى بتسببه المياة العادية علشان مهم جداً
-
فية جراكن بتتباع نظيفة جدا فى محطات موبيل الجركن اسمة موبيل بتركيز 33% ب40 جنية بس ممتاز انا بحط منة لما بروح التوكيل
-
فيه جراكن مستورده امريكى واسبانى فى محطات امارات مصر
-
خلى بالك في أنواع المياه الخضراء
أنا جبيت قبل كده جركن من كارفور ماركة نمبر وان وكانت الميه إلي فيه مركزه جداً. وعملت مشاكل في الريداتير وإضطريت أغيره
-
انا جبت الاسبانى وكانت 50/50 يبقى كده التركيز عالى انا سألت فى المحطه بتاعه امارات مصر قالولى كويسه والاقبال عليها كتير
-
Content Relevant URLs by
vBSEO 3.6.0 PL2