الموضوع: أصدقائي الوهميين..عندك زيهم؟؟؟

السلام عليكم أهالي المنتدي الكرام

كتير مننا بيسمع عن الاصدقاء الوهميين دول بتوع الطفولة

إيه فاكرينهم؟؟؟؟


انا لحد فترة قريبة كنت فاكرة اني انا المجنونة الوحيدة في العالم لحد مكتشفت ان معظم الأطفال كدا

بيكون ليهم اشخاص من نسج خيالهم غير موجودين في الطبيعة هم الوحيدين القادرين علي التواصل معهم


من ضمن اصدقائي مثلا كانا ايام الاسبوع...

بجد بجد..كنت متخيلة كل يوم في شخص له ملامحه الخاصة...كنت مثلا لما حد يسالني بكرة ايه


افتكر دبما اليوم بالشخص الل رسماه لليوم دا واتكلم معاه

جنان بجنان بقي

كنت متخيلة أن اليس_ايوا هي بتاعت بلاد العجائب_ عايشة معايا هنا في البيت وبتكلم معاها كتير


دا غير الطلبة اللي كنت بقف ادرسلهم قدام المراية
وتوتي وزعلوتي

ولا الورق اللي كنت مسمياه باسماء جنود واحارب بيها

أىىىىىىىىىىىى..........ذكريات


الغريب بقي اني سمعت ان الاطفال اللي بيكون ليهم اصدقاء وهميين بيكون ليهم قدرة أعلي علي الابداع


حد فيكم كان عنده الظاهرة دي وهو ضغنن؟؟؟


طب ولو حد فوجئ بطفله جي يحكيله عن اصدقائه دول في مواقف حقيقية عارف ازاي يقدر يتعامل مع الموقف

ولا هيسخر منه؟؟