منتج شبيه للOmega بالتجربة(فيديو-أوتوماك)
السلام عليكم..
أولا عايز أتأسف على رداءة التصوير لأني كنت باصور بموبايل وواقف في حتة قد كدة وواحد رخم كوعه في جنبي ولا كإنه راكن صف تاني!
المهم..المنتج إسمه EZI ودة شبيه بالأوميجا اللي أشرف حبيبي عامل موضوع كامل عنه
ولما كلمت الراجل اللي يبدو إنه فاهم وسألته إيه الفرق بين المنتج دة والأوميجا قال لي الأوميجا طبعا منتجات معروفة بس Oil treatment إنما منتجاتنا Engine treatment
المهم دة نازل منه كذا منتج اللي يهمنا منهم 4
1-منتج للسيارات الزيرو ودة ب 55 جنيه في صورة CAN 320 مللي
2-منتج للسيارات اللي عدت 50 ألف كيلو ب65 جنيه وبرضه نفس الحجم
3-منتج للسيارات الغاز ودة برضه 55 ونفس الحجم
4-حاجة صغنططة كدة ييجي 30 مللي ولا حاجة ودي للفتيس أيا كان نوعه
المهم جبنا الغاز لصديقي والمواتير القديمة والفتيس لي بعد ماشفنا بيعمل إيه
قبل ماتشوفوا الفيديو عايز أقول إني جربت المنتج بالفعل!
كنت عند الميكانيكي باغير طلمبة البنزين عشان صاحب النصيب وزودتها مع الزيت
بجد فرق كتير في الصوت!
بقى صوت الفتيس أعلى من صوت الموتور :ma:
بكرة بقى هاحط بتاع الفتيس إن شاء الله
وسحب العربية بقى أنعم كمان ولسة مش ظبطت تاكيهات!
عايز أقول لكم كمان إني إتكلمت مع الراجل المسؤؤل هناك وكلمته على المنتدى والخصم وكدة وقاللي مافيش مانع وسألته حل في حد من NileMotors إتكلم معاك قال لي تقريبا بس مش فاكر وساب لي إيميله ورقم موبايله..الشخص دة يطلع بالذوق كدة بدل مانجيب البوليس!:B4_237:
أسيبكم بقى مع الفيديو الرديء ولو حد عايز إستفسار يقول(بس أصبروا على الفيديو لبكرة لحد مايتصنف)أنا بس قلت أرفعه قبل ما أنام عشان أقول لكم على تجربتي معاه
السلام عليكم
http://www.youtube.com/watch?v=mpX7cFhi874