-
حسدت نفسي في الحرارة
انا للأسف حسدت نفسي في الحرارة بتاعة العربية امبارح و انا ماشي في جسر السويس لقيت الحرارة عليت بليل الساعة 10 نزلت و بصيت لقيت في خرطوم عمال ينقط مية روحت مزود المية و طالع علي الحرفين عند واحد اسمو الشاطر قولتلو عاوز اغير الخرطوم دا جابلي واحد كدة فاكو من علي مكنة عندو ب 20 جنية المهم من امبارح و العربية مش مظبوطة خالص و الحرارة عالية مش بتنزل عن ال 94 حتي الصبح اللي عندي و انا ماشي علي اكتوبر كنت بتبقا 88 و 87 كمان فا مش عارف اعمل اية حد عندو فكرة انا حاولت افتح الغطاء بعد ما اقف بحيث اني اخرج الهواء علشان لو واخدة هوا مش عارف بردوا اية النظام مش نافع فا رأيكو اية؟
-
اعتقد إن العربية واخده هوا!. ده لو كل حاجة مظبوطة ومفيش تسريب. خللى حد ياخدلك هوا من القربة.
تحياتي.
-
صح إفتح القربة بس بالراحة عشان تتهوي حبة بحبة وتعملها بفوطة تخينة عشان البخار بيبقي شديد. والكلام ده عن تجربة لأن عربيتي الردياتير بتاعها إتخرم فى الاسكندرية فى العيد ومالقيتش حد ورجعت بيها من هناك بالمنظر ده وأفتكر إني مليتها حوالى 40 - 50 لتر مياه طول السكة وكل شوية طبعا أقف وأزود وآخد الهوا. كانت رحلة لطيفة إستغرقت 6 ساعات بالتمام والكمال.
تحياتي.
-
ان شالله بسيطه بس هل صوت العربيه عالي ولا طبيعي
-
قدر الله وماشاء فعل .. افضل طريقه لاخراج الهوا من الدوره . والعربيه بارده خالص فك الخرطوم اللي جايب ميه من الرادياتير وداخل ع القربه ودور الموتور ورخي الخرطوم لتحت وزود ميه في القربه هتلاقي ميه نازله من الخرطوم بتبخ كده لان معاها هوا . استمر لغايه ماالميه تحس انها منسابه من غير هوا . ركب الخرطوم وانت مدور واقفل القربه بعد ما تظبط مستوي الميه وبزياده شويه لانها هترجع تنزل شويه بعد الموضوع ده . وربنا يوفقك
-
طيب الحرارة الطبيعية فى الجو ده تبقى كام انا عندى العربية حاسس انها بتسخن بطريقة مش طبيعية
-
الاوبل عموما 95 لو دا الطبيعي
-
-
90
95 دا الطبيعي بتاع اوبل بس في عربيات بتختلف شويه بس عموما دا الطبيعي
-
انا عندي المراوح بتشتغل عند 92 وتفصل عند 87 وهكذا
بس اكيد زي ما قالك الخبراء هي مجرد هواء في دورة التبريد
انا كنت بشوفهم بيخرجو الهوا ده عن طريق انك تفتح القربة والعربية دايرة شوية لغاية ما تحس ان المياة بتزيد في القربة تقفلها تاني لغاية ما المياه تنزل وتفتح وتقفل القربة كدة كذا مرة لغاية ما يفرغ الهواء من الدورة تماما
Content Relevant URLs by
vBSEO 3.6.0 PL2