رحت غيرت الرشاشات

**mmedali1978** · 06-06-2009 02:16 PM

رحت مركز الصفا اللى عند سوق القنال اللى وصفهولى الميكانيكى حطو العربيه على الجهاز وطلع عيب التاخير فى الدواره من الرشاشات فعلا وفك الرشاشات وحطهم على جهاز وقاللى الرشاشات بتسيل المهم قاللى احنا بنغيرهم برشاشات هيونداى اكسنت قولتو معنكوش بتوع بى ام اللى محمد ممدوح باشا مركبهم قاللى لا المهم ركبهم والعربيه بقت تدور من اول لمسه وجينا للحساب 450 جنيه تمن الرشاشات هما استيراد مش جداد و70 جنيه تمن الكشف على العربيه بالجهاز ومعاهم ضمان سنه لو فيهم حاجه بيغيرهم مجانا انا كده انضحك عليا ولا ايه النظام يا احلى منتدى

**tutankhamoun** · 07-06-2009 08:33 AM

طيب ما تكتب الموضوع في قسم الدايو أحسن ؟؟ علشان تلاقي تفاعل أكتر .

**Sherif Khalifa** · 24-10-2009 06:43 PM

كشف السكانر من 30 الى 40 جم
طقم هيونداى استيراد حوالى 300 جم و ال منbmw 180 الى 200

**x_gomgom** · 24-10-2009 08:41 PM

الصراحه هو انضف حاجه في المركز اللي رحته دا الضمان و الصراحه بتشتري دماغك من اللف و الدوران. هو الصراحه غالي حبتين انا جربتهم في ظبط كربراتير البولونيز عندي و الصراحه بسم الله ما شاء الله..

**ahmedsalam77** · 19-05-2010 11:07 AM

والله حرام السعر ده ىمبالغ فيه جدا أنا لسه مغيرهم برشاشات أكسنت عند واحد فى شارع العشرينى بفيصل وشغالين 10 /10 وكلفونى 200 جنيه بس وكمان نضفلى الأيديل ليرن بأسبرى من عنده