السلام عليكم...اخوانى الكرام انا محتار بين السيفيا والنوبيرا...ومعايا 44الف....اختار ايه وموديل كام...نرجو مقارنه من كل الوجوه بعد اذنكم يا احبابى..ولكم الشكر والتحيه..............ولو حد قدامه حاجه حلوه يقولنا يا اخوانى
عرض للطباعة
السلام عليكم...اخوانى الكرام انا محتار بين السيفيا والنوبيرا...ومعايا 44الف....اختار ايه وموديل كام...نرجو مقارنه من كل الوجوه بعد اذنكم يا احبابى..ولكم الشكر والتحيه..............ولو حد قدامه حاجه حلوه يقولنا يا اخوانى
عن تجربة السيفيا سيارة محترمة جدااا و يفضل الكورى و كان اخر الكورى 1999 بخلاف بعض الشحنات التى تمت عام 2001 يعنى يوجد كمية قليلة جداا موديل 2001 كورى ودى كانت معايا 5 سنوات
بجد ثبات على الطريق و قطع غيار باسعار معقولة و اه حاجة تكون بحالة كويسة
وللعلم اساس مصنع كيا اسمة كيا موتورز لانة كانت شركة مواتير سيارات فقط و بعد كده اتجهت للتصنيع
علشان كده انا بحترم ماتورها جدااااااا
انا بحترم السيارتين مع العلم انا معايه سيفسا 2001 كورى والحمد لله مبسوط منها وثبات وقطع غيار وماتور قوى
بالنسبه للنوبيرا اكمل ليها كامل الاحترام ولكنى افضل السيفيا وانا اسمع النوبيرا عافشه مش كويسه وفرامل بجانب بتاكل بنزين
مع احترامى للسيفيا افضل النوبيرا
العربية كويسة ثبات وقطع غيار متوفرة وموتور والعفشة تمام مفيهاش اى مشاكل
مع احترامى للنوبيرا طبعا بس السيفيا افضل ب كتير سواء جرى و طلعة و فرامل و نظام تعليق
و بص يا سيدى كل حاجة هنا تنظيمها اية
المتور تصميم شركة مازدا و تطوير شركة كيا و مستخدم ف موديل 323 و طبعا كيا طورتة و المتور سعاتة من 1500 ل 1800 و طبعا الى موجود ف ف مصر من 1500 ل 1600 و نادر جدا ال1800 و قدرة ال1500 98 حصان و 143 نيوتن تقريبا و ال 1600 102 حصان و 145 نيوتن و ال 1800 120 حصان و 150 نيوتن يعنى فوق الجبار
و عشان اثبتلق اد اية جبار ادخل على اليوتيوب و شوف العربية طلعة من اية ؟؟ اكتشف بقى
المهم يعنى التصميم ل مصمم انجليزى سواء السيفيا او الشوما (هم الاتنين واحد اصلا)
اما نظام التعليق ف هو لشركة لوتس و طبعا غنية عن التعريف و مستخدم فيها نظام التعليق ثلاثى الازرع و ز طبعا غنى عن التعريف
نتكلم بقى عن العربية ب النسبة لينا
هى معايا بقالها سنة و شوية و بسم الله ماشاء الله مش عايز اقولك الحمد لله محدش طلع منى
الثبات ماشاء الله خرافى التعديل الوحيد ف العفشة هو مساعدين kypيبانى و علايات عشان اضغط الياى و تكون انشف و تخيل انت بقى الحمد لله 180 و ثبات بجد (الحمد لله ربنا هدانى مبقتش بجرى كدة )
استهلاك البنزين تقريبا 6 لتر ف ال 100 كيلو و قطع الغيار الحمد لله محتجتش اى حاجة قوية كل الى غيرتة الى هو العادى الحجات الى بتستهلك
و اى استفسار انا ف الخدمة
اة نسيت صحيح اقولك ان الفرامل بتاعتها قمة ف الروعة
و فى تعديل عملة هنا هارد (عصام )
جامد جدا و انشاء الله انا حاطة ف الخطة الخمسية الجاية هههههه
غير الطنابير ورا ب طنابير سكينة و دة خلى الفرامل احسن و احسن عن مهى جميلة
انا مش بئر خالص يا عص هههه
...
انا ف الخدمة ف اى استفسار تانى ..
شكرا يا باشا على معلوماتك الجامده..........الواضح ان سعادتك سيفياوى جامد ماشاء الله........هل كما يقولون قطع الغيار مش متوفره........وتقيله فى البيع...نرجو التوضيح ولو فى حاجه حلوة قدامك عشان اخوك الغلبان وتسلم يا لوردhttp://www.nilemotors.net/Nile/image...1_1%5B1%5D.gif
قطع الغيار متوفرة بشكل كبير و فى كمان بلاد تصنيع مختلفة لقطع الغيار دة غير ان حجات الالنترا ال2003 فى حجات بتركب على السيفيا يعنى لما هتشترى اى قطعة غيار كورى اصلى هتلاقى الكيس مكتوب علية هيونداى و كيا بس منصحكش تركب حجات غير حجاتها دة الا لو كا الى مركبهالك فاهم و طبعا ف لاغلب مبيبقاش فاهم ف بلاش احسن
و لو تقيلة ف البيع كان زمانك هتلاقيها مرطرطة انما اراهنك لو لقيت نضيف منها ب سهولة
و انشاء الله ربنا يوفقك و تلاقى واحدة علطول و انشاء الله لو لقيت حاجة هقولك علطول
و انا ف الخدممة يا باشا ف اى حاجة ..
طبعا يا باشا النوبيرا ليها احترامها بس المتور بتاعها بحسة ممل او استجابتة مش سريعة زى بتاع السيفيا ناهيك عن صوتة العالى و سحبة المهول للبنزين كدة بردو ولا اية ؟؟ ...
تمام يا باشا بس النوبيرا استجابة الموتور والتسارع بيظهر معاك مع السرعات العالية وطبعا لو عايز استجابة سريعة يبقى من الاول في حرق على الغيارات وطبعا كترة الموضوع ده غلط وانا كنت لما احرق ممكن اوصل بالثالث ل 140 كم/ساعة بس مقولكش الموتور بحس انه يطلع من الشكمان ؟؟؟؟؟والسيفيا برده حكاية وربنا يوفقك