ناوي اشتري سيراتو وتجربة زي الزفت مع الوكيل

**aromr** · 06-06-2009 03:48 PM

السلام عليكم

اولا احب اقدم خالص الشكر للمنتدي الممتاز.

انا ان شاء الله ناوي اشتري نيو سيراتوا SX
دي هاتكون اول عربية ليا.

انا جربت قبل كده كذا عريبة جيتز ولانسر وكمان ياريس بس حسيت ان النيو سيراتوا هاتكون افضل.

طبعا كلنا عارفين ان معرض اتوماك اليوم شغال في الفترة الحالية.
وكنت عايز اعرف ان كان فيه تخفيضات على العربية ولا لا

ومن يوم الخميس اللي فات وانا عمال اتصل بخدمة العملاء في كيا وكل ما اسأل حد يقولي الاجابة عن بتوع الـSales

طيب ياعم : ممكن من فضلك تحولني بحد بيهم.

الباشا يلطعنى على الانتظار وانا بكلمه من موبايلي وفي الاخر يقولي اصلهم مشغولين.

كلمتهم مرة تانية وطلبت اكلم مشرف خدمة العملاء, وطبعا الراجل قعد يعتذر سبع تلاف مرة

وان قلت له اني انا مش عايز اعتذار انا عاوز حد يرد على سؤالي البسيط

الباشا وعدني شخصيا انه هايحل الموضوع بنفسه ووعدني ان حد هايكلمني الجمعة بعد الصلاة

وطبعا تنفيض مستمر

اتصلت تاني ووعدوني انهم هايتصرفوا

وطبعا التنفيض بقي على مستوى اعلى

بصراحة انا مش عارف هايعملوا فيا ايه لما اشتري العربية اذا كان ده حالهم لما لسة بفكر اشتري

على العموم انا بعت ايميل ليهم ومش متوقع الرد وكمان بعت ايميل للشركة الام في كيا

بصراحة حاجة تفور الدم

**ghabbour** · 06-06-2009 03:56 PM

بص يا باباشا اولا اختيار موفق
انا حاجز واحدة من 2 مايو و انشاء الله على كلمهم هستلم فى اخر يوليو
انا اشتريت من فرع روكسى و معايا كارت الموظف الى اتفقت معاه
ت / فرع روكسى 24500292 --- 24551545 -- 01227400497 مسئول مبيعات / عمرو الجندى
و طمنى لو فى خصم فى المعرض
مع العلم انا حجزت خلاص بس اهو من باب العلم با الشى

**aromr** · 06-06-2009 04:00 PM

شكرا يا باشا على الرقم.
هو طبعا رقم فرع روكسي مشغول على طول

انا حاول اكلم الراجل بتاع المبيعات

**TeMoON** · 06-06-2009 04:01 PM

والله ياباشا انا مش عارف اقولك اية
فى حاجات كدا بتحصل مع الواحد
يعنى لو الموضوع دا لو سالك معاك من الاول كانت مشيت وكلمت المبيعات وخلص الحوار انما هى متعقدة ويقولولك هنعمل ونرد على حضرتك والكلام دا كلة وطبعا احنا فى فترة معرض فا الضغط على ودنو وغير كدا انت بالمنظر دا لو حجزت النيو سيراتو من الوكيل هتستنى كتير عشان تستلم فا انت شوف ظروفك بس بصراحة هى افضل اختيار فى العربيات الى انت حاطتها وربنا يقدملك الى فية الخير ولو هتخلص فى واحدة يكون من موزع او معرض وممكن تكلم ناشيونال موتورز 0224040471 او 0224040472 وشوف جرنال يوم الجمعة الاهرام للسيارات وشوف التخفيضات الى كاتنبين عنها لان هما كاتبين على السيراتو خصم يصل الى 8000 جنية والعرض دا طول فترة المعرض وربنا يقدملك الى فية الخير وحاول تانى مع الوكيل ومش هتخسر حاجة وربنا يوفئك لاختيارك

**Sherif Sharaf** · 06-06-2009 04:04 PM

ربنا يوفقك للخير إن شاء الله
أنا ناوى على الكارينز إن شاء الله
معايا تليفون واحد من مبيعات فرع الدقى أسمه محمود سعيد
رقم موبايله : 0166602383
ممكن تكلمه وتستفسر منه عن أى حاجة ..
وأنصحك بكثرة الاستخارة حتى ترزق الخير إن شاء الله

**ghabbour** · 06-06-2009 04:05 PM

معلش كنت عايز اعرف هو اية الفرق بين الوكيل و بين الخليجى المستوردة و هل فى فرق فى السعر

**TeMoON** · 06-06-2009 04:06 PM

على فكرة الخصم بتاع السيراتو الى يصل ل 8000 جنية دا على السيراتو الشكل القديم مش الجديد

**mexxxxxx** · 06-06-2009 04:39 PM

و الله و عن تجربه الكول سنتر بتاع كيا ممتاز و عن تجربة لكن لازم نلتمس لهم العذر عشان يومين المعرض دول

**aromr** · 06-06-2009 05:37 PM

المشاركة الأصلية كتبت بواسطة mexxxxxx

و الله و عن تجربه الكول سنتر بتاع كيا ممتاز و عن تجربة لكن لازم نلتمس لهم العذر عشان يومين المعرض دول

والله انا ملتمس ليهم العذر اكيد

لكن انا كل اللي طلبته رد على سؤال

انا اللي مزعلني هو عدم الاهتمام

يا جماعة احنا في ازمة مالية
والمفروض ان قرار الشراء مش بالساهل علشان كده اكيد لازم التوكيل يعمل كل اللي يقدر عليه علشان يجيب عملاء جداد

احنا في شركتنا وهي مش شركة سيارات اهم حاجة عندنا العميل حتى لو مابيفهمش وكمان مش هايشتري

على فكرة انا رحت معرض روكسي مرتين وفي كل مرة مالقتيش الموديل اللي انا عاوزه sx

ولما سألت قالوا تعالى في اول شهر 7 هتلاقيها

بالذمة ده كلام ؟؟؟؟

يعني الوكيل مش عارف يحط 4 عربيات (واحدة من كل فئة)؟؟؟

المفروض اني اتفرج على موديل تاني واتخيل بقي الحاجات اللي هاتكون في الموديل بتاعي

ياجماعة لو مش هلاقي الاهتمام وانا هادفع 116 الف يبقي هلاقيه امتى؟؟؟؟

انا بشكر كل اللي ادوني ارقام المبيعات لان ده فعلا معنى الاهتمام اللي بنلاقيه هنا في المنتدى

انا بحاول اتصل بيهم ولو وصلت لحاجة هاقولكم

شكرا

**aromr** · 06-06-2009 05:47 PM

انا كلمت الاستاذ محمود من فرع الدقي

وهو تبع موزع القصراوي

قال ان العرض اللي عنده هو العربية بتمن الوكيل 116 الف
والاستلام في اخر شهر 7

انا برضه هاشوف باقي العروض
and I will keep update u