عموما بلا ذكر اسباب دلوقت لانى مقبل على مرحله انتقاليه عموما
عايز ابيع العربيه
:fdsa:
عرض للطباعة
عموما بلا ذكر اسباب دلوقت لانى مقبل على مرحله انتقاليه عموما
عايز ابيع العربيه
:fdsa:
1-ماركة السيارة اوبل
2-الموديل/السنة استرا مو 2000 - 1200 سي سي
3-عدد الكيلومترات 55 الف
4-الكماليات (كاسيت-تكييف-زجاج كهرباء-باور) ( فيها كل دا )
5-حالة الصاج او الخوارج (رشة مناطق كذاوكذا او فابريكة او فابريكة ورشة وش نضافة) هو كله فبريكا ماعادا الرفرف الامامى اتخبط واترد واترش والاكصدامات طبعا فى بلد تملئها التكاتك لازم تتباس وهى واقفة
6-حالة الدواخل (رشة مناطق كذاوكذا او فابريكة) ولا غلطه
7-حالة الصالون (معقول-جيد-جيد جدا - ممتاز- حالة نادرة) ممتازه
8-الحالة العامة او التقييم العام للسيارة (معقول-جيد-جيد جدا - ممتاز- حالة نادرة) جيد جدا
9-حالة الكاوتش (جديد او مستعمل كام كم؟) عايز يتغير الصراحه لانه قلب على شنابر فى 3 فرد بالاستبن
10-حالة البطارية لسه جديده معملتش شهرين ونص جافه
11-مكان المعاينة محافظه الشرقيه منيا القمح
12-السعر المبد ئي كام (هل قابل للتفاوض او نهائي) دى اسيبها ليكم انتم علشان محرجش ولا اتحرج من حد
13-اسم صاحب الاعلان ورقم هاتفة احمد الشيخ ( 0107830191)
14-تاريخ انتهاء الرخصة؟ 9/2009
15-اول يد او ثاني او ثالث الخ الخ هى لو اتسجلت بأسمنا هتبقى 3 يد ودا عن كلام التوكيل
16-امكانية البيع بتوكيل او اشتراط التسجيل احنا اخدناها بتوكيل وهنبيعها بتوكيل علشان مفيش عند وقت اسجل
17-حالة الموتور زي الفل بس الصوت علي وهو سوفت هيتعمل فى التوكيل وكمان هنضف قربه الميه علشان الصيف دا فى حاله انها للبيع او ان البيع مش هيتم وهتتقنى
انا عموما محافظ عليها جدا بس ظروف البلد متسمحش بالعربيه دى لان من اول الشارع عندى لحد ما بخرج بيها بره الشارع منظوره :shyy:
هى عموما العربيه لونها نبيتي دم غزال والى هيجي يقول العداد قليل على سنه صنعها دا لانها كانت مرفوعه 5 سنين قبل ما اشتريها :star1:
ألف مبروك على المرحلة الانتقالية.
تحياتي.
ماششالله
الرقم التانى الى شغال 0142000256
العربية الحالة الندرة هتتباع هتتباع بس انت اظبر شوية لغايت ميجيلك فيها سعر العربيات الالمانى وقعة اوى اليومين دول على بدايت شهر 7 هتبص هتلقى رواج وربنا يحسنلك بعها
ياريت يا تموره وعلى اقل القليل لو حد من معانا ياخدها علشان محسش انها راحت بعيد مننا لان العربيه بعشقها بس انا وهى نصيبنا انتها لحد هنا :ma
up !!!!!
والله العظيم خسارة إنك تبيعها!. أنا بعت عربية كورسا قبل كده وكانت عاملة 11000 كيلو ، والله بأندم عليها لغاية دلوقتي لأن خلاص جودة التصنيع اللى إتعملت بيها العربيات دي مش حتتكرر!
فكر كويس لأنك مش حتلاقي زيها إلا لو كنت حتشتري زيرو ، بس شكلك عامل زيي وبتخاف من الحسد فمش حتعملها!. عموما عندك حق ده فيه ناس عينها والعياذ بالله!!!!. فكر كويس.
تحياتي.
الواحد حس انه المفروض كان يفكر مليون مره قبل ما يجيب حاجه محترمه زي كده
ولله العظيم لحد هذا الوقت بفتخر بيها
انا الى معزبنى انها محدش راحمها
كان الواحد احسله يجيب حاجه حقيره وخلاص وهو كنت انا بدلت الاماكن مع الناس دى :shyy:
يدوقو من الى بيعملوه فى الناس:khd:
انا اخر ما هزهق هاجيب جديد واجيب علبتين شحم واردم بيهم العربيه بتاع سنه سنتين وهو منها اى توك توك نفسه يسلم اهو يتزحلق بدل ما يعورها
ولو حسيت ان الجديد هيبقى عبأ عليا هاقوم جايب حاجه حقيره او اجيب حاجه فى نفس متوسط العربيات فى الشارع علشان لو حصل ووحده من الى فى الشارع من النسوان اياهم تقوم ملخبطه ويمكن تصيب عربيه تانيه راكنه جنبها :36_3_10[1]:
وهو بكده اكون ريحت نفسى:star1:
يا اخى دا الى كايدنى انها تطلع من ترميمه رفرف تدخل فى ترميمه اكصدام
دنا بقيت حافظ رقم لون العربيه من كتر ما عمال اجيب الدرجه من بتاع الدوكو
( خرابيش بس على فكره مش مرمه كامله يعنى لحد يتلكك بالكلمه دى:mad2:
فعلا والله. العربيات فى مصر بتتبهدل بهدلة!!!! خاصة وهي واقفة! عيل مالوش لازمة يشدهالك مسمار من الجنب وللا يرسملك على الكابوت!!! ده غير العالم اللى (بتريح) عليها!!!. مرة إكصدام ومرة رفرف. طب تصدق بالله . .. أنا جبت عربية إبيزا - وكانت زيرو- سنة 1995 وكانت أيامها فى عزها... المهم العربية كنت راكنها جنب مطعم كنت بأتغدي فيه أنا وناس معرفة - وكانت راكنه مظبوط ومش صف تاني- المهم طلعت بعد الغداء لقيت واحد - الظاهر بعربية نقل- واخدلى الجنب الشمال كله!!!! وكانت العربية أيامها عاملة بتاع 5000 كيلو والله! والعربية اللى وراها سليمة واللى قدامها سليمة ومحدش شاف حاجة!!!!!!!!!!! وكانت عربية منحوسة كل شوية تتحك أو تتخبط على الرغم من إني كنت حاططها فى جراج كمان!!!!!!!!! ياراجل إسكت ده أنا عمرى ما حاشتري زيرو أبدا ... ده الناس حاسداني على اللى معايا دلوقتي - عربية عدى عليها 10 سنين - وسعرها واقع فى السوق!!!!!!!! ياراجل صلى على النبي ده فيه ناس مايعلم بيها الا ربنا وخللى بالك ممكن يكونوا من أقرب الناس إليك وانت مش عارف!!!!!!!!!!
تحياتي وربنا يوفقك.
يامعلم دا الى يغيظك انها تبقى واقفه فى بارك عاملينه قدام البيت (حته وسعايه فيها عربيات الشارع كله يعنى) ويقوم معدى من جنبها توك توك ال ايه لسه هيلف للشارع الى بعده ( مابالك بقى بالتخييش الى شافته العربيه وتخيل ...!!!!) :T_thum1[1]:
والى يغيظك اكتر العيال تبقى ميحللهاش غير اللعب بالكوره الا وهما عاملين عربيتين عارضه يشوطو على بعض فيها:36_7_7[1]:
واكمن فيه عمارات حواليينا كتير طويله وكده كان موسم البومه فى وقتها مشعشع
الناس الى متضايقه من البوم تعمل ايه بزمتك - اقل حاجه هش يا بومه او يقفل على نفسه الشباك ويبعد صوتهم الرخم عن جوه بيته
لا فيه ناس من الى فى الشارع جالهم فرصه للتدريب على النيشان بقوالب الطوب ومن الشارع الى ورانا
ولجل حظى الهباب قالب طوب يصيب ازاز عربيتي الى ورا بكل دقه وتمعن:khd:
طب يا اخى دا انا كنت مره خارج فى فرح بتاع ناس جيرانى فى الشارع وماشى بأحترامى فى الزفه وخارج من شارع فرعى علشان اطلع على الشارع العمومى وطالع صح وماشى فى الحاره اليمين عادى ولسه مطلعتش على الرصيف ودونا عن عربيات الشارع كله وانا خارج من الشارع ميكروباص ماشى على 60 قام شايطنى من الرفرف الامامى
وعينك ماتشوف الا النور :shyy:
بعد كده هاخدها فى الاوضه بتاعتى تنام هى وانام انا فى الصاله:fdsa:
ربنا يوفقك فى بيعها
انا امبارح كنت هاموت اخويا لما بيقولى عربية اخت عربيتى ب 28 و عربية مو 2000 ب 43 قلتله اخدها و يمكن اشوفها اليومين الجايين