+1111111111111111111
الله ينور عليك يا باشا
عرض للطباعة
لا على فكرة هى فعلا الهيونداى النترا الجديدة وانا اتاكدت وعلى فكرة هية كمان نازلة من فترة ط
وغالبا هيونداى هتلغى كل سياراتها وهتخليهم تحت اسم فئة i وماتور الهيونداى الجديد ال1600 اللى بيخرج 124 حصان
انا بصراحة مش مقتنع بالماتور اللى يطلع 2 حصان زيادة عن ماتور الانترا العادى حاسس انة تأليف لانة تقريبا على فكرة نفس الماتور
معلش قبل مادخل على السيارات الصينى انا نسيت شركتين مهمين جدا :
شركة هوندا:
1:هوندا سيفيك:سيارة خرافية بجد جميلة جدا وضعية ممتازة خامات نظيفة تقفيل حلو شكل التابلوة جامد واسعة قدام بس ورا مش واسعة اوى مافيش فى فيها اختلاف بين وضعية القيادة والركوب فى اى من موديلاتها السابقة ودة عشان السقف المنخفض حتى لما صغروا حجم الكبوت ماستفادوش منة غير انهم كبروا التابلوة وبردة فضلت مساحة قاعدة العجلات اكبر بحاجات بسيطة جدا عن الموديلات السابقة,السيارة عيبها اللى مضايقنى اوى اوى ان دة مش ماتور هوندا للاسف اللى هو 1600 سى سى كل بس اللى موجود اسم ماتور هوندا على هيكل الماتور ,1600 سى سى بكامة واحدة بس حرام دة يبقى ماتور هوندا ,طبعا انخفاض مستوى السيارة عن الارض وغالبا اوطى من سيارتى كمان فدة ممكن يسبب مشاكل فى الشوارع الجميلة بتاعتنا ,غير كدة العربية تحفة بكل المقايس ,كان نفسى العربية تكون متصنعة ومتقفلة كمان فى اليابان كان هيفرق كتير اوى وكانت فعلا هاتكون احسن عربية على مستوى اليابان كلها ,بالنسبة للهوندا سيفيك vti شكلها احسن من العادية خصوصا شكل الشبكة الامامية وفتحة السقف والجنوط الجميلة وعلى فكرة انا شوفت العربيتين الماتور واحد مش عارف بقى الاختلاف فين بس اللى اعرفة ان برة بينزل ماتور هوندا 2 كامة مش كامة واحد لان مابقاش فية كامة واحدة دية خلاص
2:هوندا سيتى:سيارة جميلة جدا شكلها حلو من قدام وحش من ورا مش عجبانى خالص ,استغربت جدا من خاماتها العربية كلها بلاستيك ودة اللى زعلنى اوى بجد لان كدة تعتبر هوندا سيتى 2008 احسن فى التقفيل وفى الخامات ,وكمان وسع العربية اضيق شوية من الموديل السابق,تقفيل الى حد ما حلو,ربنا يكون فى عون الميكانيكى اللى هايشتغل فى العربية بعد الضمان مايخلص الماتور مافيهوش حتة فاضية وضيق جدا جدا,زى الكورولا بالظبط ,طبعا عارفين انها تقفيل تايلاندى
شركة بيجو :
1:بيجو 206 سيدان:اخر عربية ممكن افكر اشتريها بجد,شكلها وحش جدا ,غير منسق ,ولا تابلوة ولا شكل خارجى,ضيقة جدا سيارة غريية اوى البيجو 206 هاتشباك احلى منها بكتير
2:بيجو 308:بيجو جميلة جدا شكلها حلو اوى وعاجبنى جدا وخاماتها جميلة ومنسقة وشبابية, مش واسعة اوى بس مساحات معقولة بالنسبة للهاتشباك
3:بيجو 407 كوبية:مش هاقول غير عربية شكلها جامد اوى طويلة جدا وعلى بابين بس تحسسك انك راكب عربية متفردة فعلا خاماتها جامدة جدا وتكيفها قوى اوى وصوت ماتورها هادى ودة ميزة الفرنساوى عموما
4:بيجو 207:شكل جميل مقارب جدا لل308 بس عيبها انها صغيرة اوى ومكبرين فى حجم الكبوت مع ان كان المفروض يعوضوا شوية فى المقصورة بس دية سياسة الفرنساوى دلوقتى كبوت وفوانيس كبيرة جدا عشان الشكل عندهم نمرو واحد بس هى عربية جميلة وخاماتها جميلة بس سعرها غالى شوية كانت المفروض تنزل أقل من كدة
انا ركبت عربيات كتير في المعرض, و اروع صالون شفته بتاع البلوبيرد من حيث الوسع قدام و ورا. و خاماتها ممتازة. و قبل ما حد يتشد على دي وجهة نظري. العربية دي هايلة و ليها مستقبل علشان واضح ان نيسان مصر ما بتهزرش. و انا فعلا و قعت في غرامها من ساعة ما شفتها. يا ترى حد اشتراها من الأخوة او ركبها على الطريق و يدينا خبرته نكون شاكرين. د. عيد
متأكد تماماً لأنى هشتريها إن شاء الله
بالنسبة للموديل اللى بينزل مصر فسعره 100 ألف جنيه ومواصفاته كالتالى:
1600 CC مانيوال
تكيف / باور / سنتر لوك (بدون ريموت)
4 زجاج كهرباء / المرايات كهرباء
راديو / CD / MP3 ماركة LG
جنوط سبور 15 بوصة
أعتاب على السقف
صف واحد من الكراسى (5 أفراد فقط وليس 7)
2 مخرج كهرباء غير الخاص بالولاعة (الإجمالى 3 مخارج)
2 لمبة صالون أمامى + واحدة خلفى
حامل نظارة
أماكن تخزين كثيرة جداً بالأبواب والشنطة الخلفية
لا يوجد بها:
ABS (وهو غير متوفر حتى فى النسخة الأوربية 2000 CC) ويستعاض عنها بفرامل خلفية ديسكات
Airbags
fog light
ينتظر تقديم النسخة الأوتوماتيك من هذه السيارة للسوق المصرى مع بداية شهر يوليو 2009 بنفس المواصفات ويزيد عيها فقط الفوج لايت وبسعر يزيد بحوالى 10 ألاف جنيه عن المانيوال
أبعاد السيارة بالمليمتر:
الطول الكلى 4545
العرض 1800
الارتفاع 1650
قاعدة العجلات 2700
الارتفاع عن الأرض 156
نصف قطر الدوران 5.3 متر
سعة خزان الوقود 55 لتر
وزن السيارة فارغة 1581 - 1597 كغ (ده وزن السيارة ال 2000 أعتقد ال 1600 هيكون أقل من كده شوية)
أتمنى أن أكون قد أفدتك.
أنا درست العربية كويس جداً لأنى ناوى أجيبها إن شاء الله بس محتار بين المانيول والأتوماتيك (بصراحة خايف من الأوتوماتك) وكمان مستنيها تنزل وأشوفها الأول (يمكن ينزلوا فيها شوية كماليات زيادة والا حاجة )