الموضوع: الى كل من زار المعرض اتوماك 2009

ياريت كل واحد فيكوا يقول راية بالنسبة للسيارات اللى ركبها فى المعرض بس يكون ركب وجرب وانا اول واحد هاقول رائى عن اهم السيارات اللى كانت موجودة فى داخل المعرض

شركة رينو :
1:رينو لوجان:سيارة واسعة من جوة ,خامات فقيرة جدا ,اكتر حاجة ضايقتنى بجد مفاتيح الازاز الكهرباء بتاعة الازاز الخلفى موجودة تحت خالص فى الارض مابين الكرسيين الاماميين تعذيب يعنى

2:رينو ميجان:الى حد ما سيارة مقبولة ,لكن حرام فيها فلوسها ,ضيقة مش واسعة خامات تعبانة

3:رينو سيمبول:تحس انك راكب ميجان بس اضيق عربية تعبانة اوى وعزلها عادى جدا زى اى عربية


شركة جولف:

1:جولف:عربية جميلة جدا قعدتها حلوة من قدام عيبها حاجة واحدة مسند الظهر كان خابط فى ظهرى فى الكنبة الخلفية بس بجد كماليات وفخامة وست وسائد هوائية وكمان وسائد عند الركبة من تحت وخامات نظيفة وتابلوة شيك عربية بجد حلوة

2:تيجوان:حلوة وواسعة وخامتها جميلة ومعمولة باتقان فعلا بس شكلها مش عاجبنى فية حاجة غلط بس كخامات وفخامة جامدة


شركة فورد:

1:فورد مونديو:سيارة جامد جدا جدا جدا رحابة وخامات مش موجودة غير فى عربيات تمنها مايقلش عن 400 الف جنية ,تابلوة جميل جدا, وفرش صالون وجلد جميل جدا للكراسى رحابة غير عادية اوسع من الفئة الثالثة والc class وتمنها 190,000 جنية بس وماتورها 2000 c.c وفيها كمية كماليات تعتبر كاملة بجد العربية الوحيدة اللى عجبتنى من فورد

2:فورد فوكس:سيارة غالية على تمنها بجد, البلاستيك منتشر جدا فى السيارة حاولوا يقلدوا المونديو فى التابلوة بس ماعرفوش خالص وطلع شكلة مش قد كدة,السيارة تقدر تقول كدة معمولة على مقاس الواحد يعنى يدوبك,بجد ماعجبتنيش نهائى وان كانت احسن من حاجات تانية كتير

3:فورد فوكس الجديدة:سيارة شكلها جامد جدا وعاجبنى اوى بس للاسف ضيقة جدا جدا بس خامتها الى حد ما معقولة وفيها اماكن تخزين قليلة مش كتير



شركة تويوتا :

1:تويوتا كورولا :انضف سيارة ركبتها من حيث الخامات والتقفيل وفيها اماكن تخزين كتير وسيارة جميلة صراحة ,عيوبها بقى اللى لاحظتها كرسى السائق وطريقة القيادة غير مريحة ,مش واسعة ومش ضيقة ماعدا بس مساحة الرأس يعنى راسى خبطت فى السقف ومتعبة فى الخروج من السيارة

ودية العربية اللى جربتها بس من تويوتا ,وحبيت اركب اليارس 2009 ضيقة جدا وتعبانة حرام فيها الفلوس مع اعتذارى التام لمالكى اليارس بس كل واحد ولية وجهة نظرة


شركة كيا:

1:نيو سيراتو:سيارة الجدل الكبير واللى ناس كتير شكروا فيها ودة رائى ورائى اصحابى
1:سيارة كلها بلاستيك فى بلاستيك ونوع رديء جدا
2:تقفيل تعبان ولو حد فيكوا ركب العربية وفتح درج التخزين اللى فى التابلوة كانة بتاع عربية من ايام السبعينات تحس انة مش راكب فى مكانة او راكب غلط ومش بيتفتح لحد الاخر ,العربية قعدتها من قدام حلوة بس مش هتشوف نهائى الكابوت ,
بالنسبة للكنبة الخلفية :معقولة لمسافة الارجل ,غير مريحة للمسافة مابين الراس والسقف لازم تنزل شوية وطبعا هاتطلع لقدام برجلك فلازم تخلى اللى قدامك يطلع الكرسى شوية ,المسافة العرضية اتنين كويس اوى تلاتة هيبقوا مزنقوين جدا
2:صوت الماتور عالى ,شكلها حلو ,بس بجد خامات غير متوقعة فعلا يبان هنا الفرق بين الكورى واليابانى والالمانى واللى يقول غير كدة يبقى بيضحك على نفسة وعلى فكرة دة رائى كل اللى شافو العربية وكانت معظم اراء الناس اللى راكبة العربية معايا ومكنتش اعرفهم على فكرة

2:كيار ريو :مش هقول غير ضيقة جدااااااااااااااااااااااا اااااااااا


شركة شيفرولية:

1:شيفرولية كروز:حرام فيها فلوسها او بمعنى اصح شكلها اللى يوهمك انك راكب عربية ليموزين ,بجد شكلها يشدك ,بس كعربية ولا قعدة وضيقة جدا وعلى فكرة انا طويل يعنى طولى 190 واحد صاحبى ركب طولة 182 قالى ضيقة جدا بردة يعنى مش لوحدى ,وخاماتها رديئة جدا وتقفيل تعبان دة غير حاجة بجد مستفزة اوى لما ركبت فى كرسى السائق صعب انك تسوق مستريح ابدا ابدا حتى لو قصير بجد حرا فيها الفلوس ,انا ركبت الاوبترا بعديها والله اوسع منها بمراحل


to be continue
[info] [/info][info]

ممنوع الكتابه باللون الاحمر حيث انه مخصص لمداخلات الاداره فقط لا غير
تم تعديل اللون وتكبير الخط
مشرف القسم 3
[/info]