الحمد لله .. استلمت الجميلة 2

**cobco** · 06-06-2009 10:16 PM

الف مبروك يا دودى على العربيه وربنا يباركلك فيها ومتنساش تسجل فى النادى

**amir** · 06-06-2009 10:20 PM

شكرا ليك
لكن الكيك داون ده عباره انك تدوس بنزين جامد مره واحده فالعربيه بتنزل نقله لتحت و تفضل تحرق عليها و الار بي ام يعلا الي ان يدخل قرب المنطقه الحمرا و بعد كده ينقل النقله الاعلي ده لو لسه دايس بنزين جامد
و سبب اقتناعي انك لازم تكون عملت كده ان العربيه مغريه بشكل فظيع لكل انواع التسارع
قدر الله و ما شاء فعل و يمكن اكون اول واحد يجيب موديل 2011 اللي في كلام علي تغيير حاجات فيه
ربنا يكرم
اه بالمناسبه انا دكتور سنان يعني مش هنغلب بقي اننا نخلعك منها و نصادرها

**MuhammedSoliman** · 06-06-2009 10:29 PM

المشاركة الأصلية كتبت بواسطة amir

شكرا ليك
لكن الكيك داون ده عباره انك تدوس بنزين جامد مره واحده فالعربيه بتنزل نقله لتحت و تفضل تحرق عليها و الار بي ام يعلا الي ان يدخل قرب المنطقه الحمرا و بعد كده ينقل النقله الاعلي ده لو لسه دايس بنزين جامد
و سبب اقتناعي انك لازم تكون عملت كده ان العربيه مغريه بشكل فظيع لكل انواع التسارع
قدر الله و ما شاء فعل و يمكن اكون اول واحد يجيب موديل 2011 اللي في كلام علي تغيير حاجات فيه
ربنا يكرم
اه بالمناسبه انا دكتور سنان يعني مش هنغلب بقي اننا نخلعك منها و نصادرها

+111111111111111111

والكبلن اقصد الكوبري عندك غالي زي التوكيل

تحياتى

**DR_EMAD** · 06-06-2009 10:31 PM

المشاركة الأصلية كتبت بواسطة ayman_52

اولا .... الف الف الف مبروووووووووووووووووووووك

بجد انا فرحت لحضرتك جدا

--------------------------

بس مضايق باردوا .... لان ليه حضرتك استعجلت وماخدتش الخصم ...طب ليه ؟؟؟؟؟؟

طب لما كان ا/محسن قالك انو اتلغى كنت ابعتلى وقولى ... مش توافق على طول

على فكره يوم ماحضرتك كنت جاى تستلم .. كنت انا فى التوكيل ...

وا/محسن قالى ان فى شخص جه من طرف الجروب ... وانو قالك ان مافيش اى خصم وحضرتك وفقت ...

والصراحه اضايقت منو جدا ... وخليته ينزل لحضرتك مبلغ بسيط كده ..(اوعى يكون مانزلوش فعلا ؟؟؟؟)

انا الصراحه من ساعة ماعرفت وكنت مضايق جدا ... لانك ماخدتش الخصم ... بس مادام حضرتك مش مضايق يبقى تمام

وشوف بقى لو حد ضايقك فى التوكيل ... ابقى قولى بس ... مش كفايه ماخدتش الخصم

-----------------------------

صحيح نسيت اباركلك

الف الف مبروووووووووووك .... وربنا يباركلك فيها يارب ويحفظهالك من كل شر ويكفيك شر الطريق

---------------------------

وبخصوص سؤال حضرتك .... هو فعلا يوصى بان فى فترة التليين السرعه ماتزيدش عن 100

ماتشغلش التكييف .... ماتمشيش على سرعه ثابته ... يفضل ماتحملش كتير عالعربيه ..

الخلاصه .... عيش حياتك بس ماتقساش عالعربيه

واهلا بحضرتك عضو بروتونى اصيـــل

واسئل براحتك .... وانا تحت امرك فى اى استفســـار

تحيــــــــــاتــــــــــ ــــــــى

أولا الله يبارك فيك .. وألف شكر لحضرتك على الجهد اللى بذلته واللى بتبذله .. جزاك الله كل خير

ثانيا .. متقلقش .. الخصم البسيط اللى بتسأل عليه .. انا أخدته .. والحمد لله

ثالثا .. انا لما قالى ان مفيش الخصم .. معرفتش أتصل بيك .. علشان مش معايا وسيلة اتصال بحضرتك .. بس على العموم أنا مش متضايق والله .. والحمد لله على كل شئ . أولا العربية تستاهل والحمد لله .. ثانيا تعامل الأستاذ محسن معايا كان فوق الوصف .. ربنا يبارك له.

وان شاء الله هقوم بتنفيذ كافة التعليمات .. علشان لو معملتش كده .. الدكتور أمير هينتزعها منى

**DR_EMAD** · 06-06-2009 10:35 PM

الأستاذ المحترم MuhammedSoliman

الكيكات فى العربيات الأوتو انك تدوس على دوسة البنزين بشكل فجائي وتجيب اخرها عسان التسارع يزيد بشكل ملحوظ اكنك فى المانيوال بتأرص على النقله

ألف شكر لحضرتك على الافادة والمعلومة

وبالنسبة للموضوع ده .. هحاول أمشى باتزان .. خصوصا فى الفترة الأولى .. وربنا يستر من لعب الشيطان فى الدماغ

**DR_EMAD** · 06-06-2009 10:47 PM

الأستاذ المحترم cobco

الف مبروك يا دودى على العربيه وربنا يباركلك فيها ومتنساش تسجل فى النادى

الله يبارك فى حضرتك .. وبالفعل أنا سجلت فى النادى النهاردة .. وحجزت رقم 100 .. وربنا يسهل
==========================
الدكتور المحترم amir

شكرا ليك
لكن الكيك داون ده عباره انك تدوس بنزين جامد مره واحده فالعربيه بتنزل نقله لتحت و تفضل تحرق عليها و الار بي ام يعلا الي ان يدخل قرب المنطقه الحمرا و بعد كده ينقل النقله الاعلي ده لو لسه دايس بنزين جامد
و سبب اقتناعي انك لازم تكون عملت كده ان العربيه مغريه بشكل فظيع لكل انواع التسارع
قدر الله و ما شاء فعل و يمكن اكون اول واحد يجيب موديل 2011 اللي في كلام علي تغيير حاجات فيه
ربنا يكرم
اه بالمناسبه انا دكتور سنان يعني مش هنغلب بقي اننا نخلعك منها و نصادرها

من ناحية مغرية .. فهى مغرية جدا جدا .. كنت مرة سمعت اللى بيركبوا البيجو 504 القديمة .. بيقولوا ان العربية عايزة تجرى لوحدها.
أنا بقول .. ان الجين تو .. عايزة تطير لوحدها.

وزى ما بقول .. ربنا يبعد زن الشيطان عن ودانى

تحياتى لحضرتك يا دكتور
===============================
الأستاذ المحترم khpopo

مبرووووك الف مبروو ك ربنا يديك خيرها ويكفيك شرها وتفضل مبسوط بيها

حصل خير بس حاول تكمل الالف حسب الكتالوج

ربنا يوفق

الله يبارك فى حضرتك .. وان شاء الله .. هتبع التعليمات كما هى فى الكتالوج

تحياتى لحضرتك

**momenhamdy** · 06-06-2009 11:18 PM

الاخ الفاضل و العزيز الدكتور عماد

الف مبروووووووووووووووووووك علي العربيه
وربنا يديك خيرها ويكفيك شرها

طبعاً انا معنديش اي حاجة اقدر اقولها زياده لان الاخوه الافاضل وضحوا كل حاجة انا ممكن اقولها

بالنسبه للعربيه انا عايز اقولك علي حاجة العربيه مغريه و حتحسسك دائماً بأحساس " هل من المزيد " و طبعاً المزيد هنا هو السرعة و الجري و الحرق و الكيك داون و كل هذه الاشياء
ولكن حضرتك لسه في فتره التلين و هي ال 1000 كم الاولي و يفضل
1-عدم تجاوز ال 100 كم /ساعة
2-عدم تشغيل التكيف
3-عدم استخدام الكيك داون
4-وصول ال rpm اعلي من 3

ملاحظات
حتلاقي حضرتك استهلاك البنزين زياده في الالف كيلو الاولي
و مش حينتظم غير لما توصل لل 5000 كم
و احسن اداء حتوصله العربيه و افضل اداء عند الوصول الي 10.000 كم

و اي استفسار انا تحت امرك

وتقبل تحياتي اخي الفاضل
والف مبرووووووووووووووووك

**bmw323** · 06-06-2009 11:37 PM

أولا ألف ألف مبروك على السيارة ربنا يعطيك خيرها ويحفظك من شرها
بس اية الحاجات البسيطة ألى حضرتك لاحظتها ألى عاوزة تتعمل فى صيانة الألف لحسن الموضوع دا مهم جدااا
تحياااتى ومبروك مرة ثانية