الفيس بوك....اروع اختراع على الإطلاق

**ziko666** · 06-06-2009 09:42 PM

ان الفيس بوك Facebook.com قد اوجد ملاذا حرا للتعبير علن الرأي و التنفيس عن كل ما نريد التعبير عنه بلا قيود تذكر و بدون اي حدود

لقد اعطى لحياتي ملاذا آخيرا لحرية الإطلاع و التعبير عن الرأي ارجو ان تشاركوني رأيكم في هذا الموقع و كيف أثر على حياتكم

**El.Hossieny** · 06-06-2009 10:09 PM

الصراحة اني من مدمني ال facebook لدرجة اني اقوم بفتحة اكثر من الاميل الشخصي .. اصبح الفيس بوك منتدي عالمي و مساحة واسعة لمقابلة جميع الاصدقاء القدامي و وسيلة للربط بين الزملاء ....

**aboelnagah** · 06-06-2009 11:14 PM

انا من اكتر الناس اللى مش بتحب الفيس بوك ده ولا هو ولا الهاى فايف لانى مشفتش حد عليه الا مش لاقى حاجة يعملها فبيضيع وقته وبيلاقى شخصيته عليه والفيس بوك كان سبب انى اسيب بنت كان فاضل يومين واخطبها

مع احترامى لكل الناس اللى بيحبوا الفيس بوك ولكن اعذرونى ده راى الخاص مع احترمى الشيديد جداااااااااا لاخواتى فى المنتدى

**نور القمر** · 06-06-2009 11:40 PM

بالرغم ان فيس بوك مش بيستهويني خالص
لكن مش فاهمة ايه ذنب الفيس بوك ان حضرتك متكملش مشروع خطوبتك
اكيد المشكلة مش في الفيس بوك

**ziko666** · 07-06-2009 02:00 AM

الفيس بوك اداة نشر لصغار الكتاب و لعرض الافكار و الآراء و الدفاع عن فكر معين او محاجمة فكر آخر بالنسبة لي

**mahmoud_magdy** · 07-06-2009 03:27 AM

في الاول شدني جداااا
وملقتش نفسي فيه خالص
بالرغم ان فيه حاجات كتير حلوه
بس بعد كدا بقى عادي ومبدخلش عليه اصلا

**abzoabzo** · 07-06-2009 09:55 AM

انا من المؤيدين للفيس بوك

**aboelnagah** · 07-06-2009 02:56 PM

المشاركة الأصلية كتبت بواسطة نور القمر

بالرغم ان فيس بوك مش بيستهويني خالص

المشاركة الأصلية كتبت بواسطة نور القمر

لكن مش فاهمة ايه ذنب الفيس بوك ان حضرتك متكملش مشروع خطوبتك
اكيد المشكلة مش في الفيس بوك

لانى لقيت ان الفيس بوك واخد كل وقتها ومسلمه نفسها للفيس بوك وبتقضى عليها ساعات كتير زى ناس كتير

واكتر حاجة بتخنقنى فى الفيس بوك الكومينت اللى بيقوله الشباب للبنات فى لو كويز ولا حاجة
(( انتى جامدة يابت _ انتى جميلة يا عسل _ وحاجات تانية غريبة ))

يعنى ايه الجمال فى كده هو ده الفيس بوك ونشر الوعى والفكر والثقافة

فى مواقع كتير احسن منالفيس بوك وبرده تقضى عليها وقت لذيذ وهتستفاد

والفيس بوك ده عامل زى الشات , كله بيحور على كله

ده من وجهة نظرى الشخصية

ممكن فى ناس تقول ايه الرخم ده ولا اللى عامل نفسه مثالى مثلا , وانا مش كده والله بالعكس انا شاب عادى جدا وبحب الضحك وكل حاجة وكنت بدخل اعمل شات من اول ما قالوا ياهو وهوت ميل من حوالى 8 سنين واكتر فعرفت فى النت ايه الحلو وايه الوحش

**M.Osman** · 07-06-2009 04:30 PM

الفيس بوك ممتاز لمن يتسخدمه بطريقة صحيحة و ينتفع بيه

شئ جميل جداً حصل معايا من إسبوعين يوم عيد ميلادي لما وصلتني التهاني من جميع أتحاء الكرة الأرضية ... بجد شعور جامد

**NaderNabil** · 07-06-2009 04:38 PM

المشاركة الأصلية كتبت بواسطة successcre8or

الفيس بوك ممتاز لمن يتسخدمه بطريقة صحيحة و ينتفع بيه

شئ جميل جداً حصل معايا من إسبوعين يوم عيد ميلادي لما وصلتني التهاني من جميع أتحاء الكرة الأرضية ... بجد شعور جامد

+1
يكفي إنك بترجع تقابل أصدقائك القدامي تاني...و تعرف عنهم أخبارهم...اللي إتجوز و اللي عمل حادثة و اللي إتخرج....و بسببه مابقتش أتحط في مواقف وحشة عشان نسيت عيد ميلاد أو مناسبة مهمة المفروض أفتكرها...
بس بأحاول أخليه فقط وسيلة للتذكير و ماستخدموش عشان أرسل التهاني...علشان مايتحولش لشئ روتيني و قضاء و اجب و خلاص...و عشان مايبقاش الكومبيوتر و الإنترنت هما كل حياتي الإجتماعية

انا معاكم إن فيه ناس بتدمنه و إن الإدمان ده بيوصل لحاجات مش ظريفة...بس في النهاية أهم حاجة الإستخدام المعتدل لأي حاجة في عصرنا...لأن كل شئ و له أضراره و ممكن جداً تكون الأضرار أكثر من المنافع