بص يا باشا دلوقتي لازم نتفق علي حاجه ان اي عربيه غربي افضل من اي عربية شرقي مع احترامي التام و الكامل لكل شركات السيارات بس التجربة اثبتت ان العربيات الاوروبيةوالامريكية المنشأ افضل من باقي بلدان المنشأ الاخري
ننتقل الي النقطة التانية اللي لازم نبقي متفقين عليها برضه ان اي سيارة هي package فيها مميزات و عيوب و انت قرارك لما تاخده هتاخده من هذا المنطلق
النقطه التالته اللي لازم نتفق عليها و ان فورد عربياتها اه مش اعظم عربيات في التاريخ بس العربية الفورد اي كان نوعها زي مراتك تماما مش اجمل انسانه في الدنيا بس هي الوحيدة اللي هتعرف تريحك ازاي
النقطة الرابعة و الاخيرة انت لما تيجي بتشتري عربية بتخضع لقاعدة ال 2\3 وهي انك لازم هتاخد ميزتين من 3 فقط مينفعش تاخد ال3 و هما
تمن العربيةوجودتها
تمن قطع الغيار
سعر اعادة البيع