الموضوع: يجماعة دخول المعرض بأه ببلاش

يعنى فى اخر يوم ممكن يدفعوا للناس علشان يدخلوا ؟

انا كنت فى المعرض يوم الجمعه , بالنسبالى رأيى الشخصى المعرض كان جيد جدا و كان فى تنوع فى العربيات المعروضه و كان فى موديلات كتير جديده اول مره تنزل. و الاقبال عموما كان كبير

حتى بالنسبه للعربيات الصينى لاحظت انها اتطورت كتير عن اربع سنين فاتو .و كانو نازلين حرب و تكسير عظام " التوكيلات الصينى بينها و بين بعضها " بعروض و تخفيضات و فترات الضمان الى وصلت ل100,000 كيلو !!!!!.

و كان فى صالتين ل قطع الغيار و المعدات و اكسسوارات و تعديلات تركى و صينى و مصرى ... كان فيهم عروض مميزه " مثلا شوفت زينون عالى بس او واطى بس ب 167 جنيه و زينون تكتين ب 230 جنيه !!!!!!!!!!!!!!!!!!!!!! و كان فى سيكتور ل مصنع اوتوباص و كان منزل اجهزة dvd مع GPS و تيونر .....استاندرد لعربيات زى السيفك و الكورولا و الجيتا و غيرهم .

انا قعدت فى المعرض تقريبا 4 ساعات و نص محستش بالملل ابدا ! و محستش انه سئ بالعكس .

و معظم العربيات كانت مفتوحه للجمهور ... فيما عادا البى ام و الاودى و الجاجوار بطبيعه الحال و بعض الموديلات الاخرى من ماركات مختلفه .

و استمتعت جدا بجناح فيات و فورد على وجه الخصوص و جناح بيجو كان مميز .....

و فى مندوب من شركه هيونداى عمل معايا استطلاع رأى عن الI 30 الجديده و ال I 20 و قعدت اتكلم معاه تقريبا ربع ساعه و اتصل بيا امبارح مندوب للتأكد من ان المندوب عمل الاستطلاع فعلا " اهتمام يحترم جدا "

و طبعا الدخول كان بدعوات خاصه او تذاكر و كان فى تشديد على الموضوع دهو مكانش فى دول بدون تذاكر