ياريت ياجماعه نقارن بين الفيكترا موديل 99 واليجانزاموديل 99 مع العلم ان السيارتين اوتوماتيك
عرض للطباعة
ياريت ياجماعه نقارن بين الفيكترا موديل 99 واليجانزاموديل 99 مع العلم ان السيارتين اوتوماتيك
وياريت محدش يقولي دي الماني ودي كوري بغض النظر عن ذلك
انا هختار الفكترا بكل تاكيد
وانا كمان بعشق الفيكترا
اليجانزا اوسع وتقفيلها ممتاز جدا واريح من الفيكترا..
طبعا فيكترا
هو حضرتك ما بدك حدا يقولك هاي الماني و هاي كوري
بس للاسف الفتيس الاوتوماتيك اكيييييد راح يكون افضل لو الماني
الكوري الاوتوماتيك بتاعه عمره الافتراضي مش طويل و مشاكله كتير عكس الالماني طبعا
بس بالتاكيد قطع غيار الفيكترا غاليه جدا بالنسبة لليجانزا
بس ككل اكيد الفيكترا افضل من جميع النواحي
شوف حضرتك شو اولوياتكـ في الاختيار و اختار علي هالاساس
ربنا يوفقكـ
ياجماعه انا شايف ان اليجانزا زي ما احمد قال تقفيلها ممتاز انما الفيكتر ا مكنه فقط لاغير وشكرا علي ردودكم
ياباشا بتقارن فى ايه
الفيكترا مش محتاجة مقارنة
لو شيلنا علامة الماركه من على العربيتين ...كل الناس هتقول الليجانزا احسن ...انما لمجرد ان دي دايو ودي اوبل خلاص يبقى الاوبل احسن .... (لان علامة دايو في مصر تعني انها ماركه شعبيه درجه تانيه )..... انا عن نفسي افضل الليجانزا عن الاوبل ...الليجانزا عربيه في منتهى الفخامه والراحه من ناحية الصالون ...واظن انها تشترك مع الاوبل في مكونات زي ( الفتيس الاوتوماتيك ) ...ده غير كماليات العربيه زي مثبت السرعه-كراسي كهرباء- (تكييف تاتش متوفر في بعض الموديلات ) -abs ebd -airbag ...ووممكن تكون الحاجات دي موجوده في الاوبل برده ... ولو من ناحيه السرعه والاداء فالليجانزا يعيبها انها تقيله في طلعتها (زي معظم عربيات الدايو ) ولكن سرعتها القصوى الرسميه ( في الكاتلوج ) 200 كم ...والله اعلم هي ممكن تجيب كام بعد كده ... والليجانزا كان ليها سمعه جامده في امريكا واوروبا ايام نزولها (99-2002)
هو ده الكلام المظبوط بس ياريت يا استاذ تجبلي الكتالوج وشكرا علي الكلام الجميل ده
Leganza
من انضف عربيات دايو
تصميم ايطالى تعليق لوتس جيربوكس المانى ...............
كفاية انها طلعت فى فيلم واحد من الناس ههههههههههههههههههه
طبعا الفكترا لان الدايوا اساسا امتياز او تقليد للاوبل لايجب المقارنة بين كوري والماني الاوبل يقارن مع اللكزس او التويوتا فقط
طيب يا جماعه انا مجرب العربيتين لانهم مع ابن خالتي
كان معه اوبل فيترا 97 كامله اتوماتيك فول اوبشن فتحه سقف وعمل حادثه بيها وجاب ليجانزا 99 كامله اتماتيك برده
مش عشان ليجانزا كوري واوبل الماني بس فعلا مفيش مقارنه
الاوبل عملت حادثه وغيرت نص امامي وكان التابلوه مليان لمبات منوره وانت ماشي وعفشتها كانت ضايعه وكانت تجيب 200 ولا الهوا
ليجانزا بتجيب 170 اخرها و عامله عمره ؟!!!!!!!! ده الغير الفتيس اللي كل شويه يعطللللللل وطرمبه البنزين اللي بتعلق والموتور اللي عامل زي ميكون موتور 504 بجد مفيش مقااااااااارنه
غير ان الليجانزا اوسع من الداخل وكراسي كهربه مفيش فيها ايرباج فيها abs بس بجد عربيه مقرفه
وقطع غيارها غاليه ومش متوفره يمكن االاوبل احسن منها في قطع الغيار
بجد الاوبل لو نضيفه ما تتقارنش بليجانزا ولا الكلام الفاضي ده ده كفايه زنه الموتور اللي في الاوبل اصل انا راكب الاوبل دي لما كانت زيروووو وعارفها بتبقي عامله ازاي سيبك بقه من انها اتبهدلت في بلدنا ومع صنايعيه بلدنا الفتايين
يبقي من الاخر الاوبل تتفوق في القوه والثبات والمتانه والشكل (الشكل ازواق طبعا) اعطالها رخمه شويه
الليجانزا اوسع واكثر راحه اعطالها سهله مش زي الاوبل
ايز اقول حاجه الاوبل اقسم بالله كنا بنخمس بيها ودريفتااااات علي الرمل زي ال4*4 وعمرها ما غرست ولا قالت لاء
يبقي لازم نرجع للبدايه الماني لا يقارن بالكوري
اليجنزا مش بحبها وديما ماشية كتير
الفيكترا أفضل و أعتقد أنك كمان ممكن تلاقى صعوبة فى قطع غيار ليجانزا و دة هتكون مشكلة لحضرتك
الليجانزا كركوبة وراحة احلى من الفيكترا لانها اوسع واكبر
لكن نقط ضعفها كتير قوى اول حاجة ماتور الليجانزا 2000 سى سى بيخرج 133 حصان يعنى المفروض توصل لسرعة 220 كيلو مستريح لكن مابيتحققش بسبب حجمها الكبير
2:قطع غيارها نادرة ولو لقيتها هتلاقيها غالية اوى ,ومش معمرة
3:العربية بتاكل بنزين عشان ماتورها دة غير الضرايب بتاعتها
4:العربية نزلت بس لمدة سنتين واتوقف تصنيعها نهائى لانها مانجحتش خالص
5:اكتر اعطال فى العربية دية بتيجى من الفتيس والكبالن بيبوظوا بسرعة جدا وخاصة الفتيس
الاوبل طبعا حلوة بس عيبها انها تقيلة وعشان تجيبها بتجرى لازم تركبها ال2000 بس الماتور دة بيتفوق على الليجانزا طبعا
الالمان ياباشا ,لكن هية كعربية جميلة طبعا مافيش كلام بس من اول موديل 98 شكلها بقى افضل
'اولا احب اقول ان صاحب الموضوع له الحريه فى نوع العربيه الى هيشتريها ..
بس انا لقيت جمله غريبه الراجل قالها ...
بيقول "الفيكترا مكنه و بس"........
ازاى ؟؟؟
مفيش صاج قوى ؟؟
ثبات ؟
شكل ؟
كماليات ؟
اسم؟
توافر قطع غيار ؟
توكيل ؟
جوده ؟
حاجات كتيييييييييييير
المكنه حاجه من بينهم ....
و بالنسبه لليجانزا ....
العربيه كويسه مقلناش حاجه ..
بس لازم احدد ..
هى كويسه مقارنة بالفيكترا ولا لا ؟؟
هل الكوبلن الكورى هيعيش زى الالمانى ؟؟؟
هل الفانوس ده زى ده ؟؟
غير ده كله ..
اسم الشركه مش معناه المنظره ...
يعنى مثلا احنا مش بنركب غير اوبل ...
ليه ؟؟
عشان دى اوبل ..
يعنى ايه اوبل يعنى ؟؟؟
يعنى شركه عندها خبره كويسه فى مجال السيارات لانها من اقدم الشركات ...
اعتقد دايو تعبانه فى النقطه دى ....
و ده واضح على باقى موديلات الشركه .. الى مينفعش تتقارن برده بالاوبل ....
انا من رأيى الفيكترا افضل ..........
يجماعه الليجانزا عربيه اصيله جدا ... انا كان معايا فكترا من اول خبطه العربيه عمرها مترجع مظبوطه و قطع غيار غاليه , انما "اليجا" الله يمسيها بالخير :rfds:عريبه واسعه جدا و ثابته جدا انا جبت بيها اكتر من 210 والعريبه ماشاء الله ثابته جدا و فعلا الفتيس الاوتماتك الماني وعلى فكره قطع الغيار رخيصه جدا جدا ,انا جبت فتيس و مكنه 2000 استيراد بعد العربيه معملت 343000 كيلو وبعتها عمله 410000 ... ايوه ربعميه و عشره الف كيلو ..
الليجانزا عربيه مظلومه فى مصر الناس بتخاف تجبها يقولك عشان قطع الغيار و الترخيص .. اينعم انا كنت بايع الفكترا 97 عمله 384000 برضه بس انا شايف ان اليجا كانت اجمد و افضل .
و دلوقتى مش عارف اركب ايه :fdsa:
تفتكروا اجيب سيراتو ولا كورولا ولا اييييييييه
خلاصه الكلام العربيتن حلوين اللى تلاقى فيهم حاله ممتازه وموديل احدث و ماشيه كم قليل اتوكل على الله
شكرا يارجاله علي المناقشه الجميله دي بس انا بقول طالما الواحد مهتم بالعربيه العربيه هتبقي مريحه