يعنى نظبط الهوا العادى على 32 ولا كام ؟؟؟
يعنى نظبط الهوا العادى على 32 ولا كام ؟؟؟
شكـــــــــــــــــــــــ ـــــــــــــــــــــــــ ــــــــــــــــــرا يا باشا ؟؟
السلام عليكم
العداد دة كان من راديو شاك
و كان ثمنة من سنتين 99 جنية و كان فيه منه موديللين و كانوا بنفس الثمن تقريبا
سيدى الفاضل
مع إحترامى لجميع الآراء
درسنا زمان فى علم الفيزياء (مع إنى ما كنتش بحبة) حاجه إسمها " القانون العام للغازات"
معادلته كالتالى:
P*V= m*R*T
P = ضغط الغاز
V=حجم الغاز
m= كتله الغاز
R=رقم ثابت لكل غاز على حده
T= درجة حرارة الغاز
و بما أن الـm و الـ R ثوابت و كذلك الحجم داخل الإطار V برضة ثابت
يبقى أمامنا علاقه طردية بين الضغط و درجة الحرارة كالتالى
P=(m*R/V)*T
و دة معنا أنة كلما زادت درجة حرارة حجم ثابت من أى غاز (حتى لو كان نيتروجين) فإن ضغطة سيزيد بالتبعية
أيه رأيكم فى الكلام دة
حد يثبتلى إنه مش علمى أو منطقى
جميل ... معقول كل ده من النيتروجين ... واو
اول ما اركب جنوط هانفخ الاطارات نيتروجين والاستبن لاء (بخل بقه) :U_thin1[1]:
على فكرة لما عملت زيك كده حسيت ان الفرده منفوخة أكتر و كبيرة
بس لاقيت ان أكيد ده تهيؤات و لكن فى المطبات حسيت انها فرقت
لكن لما الكاوتش بيدخل فى فردتين مسمارين ولاد حلال و يا مكترهم عندنا بضطر أزود هوا عادى و بكده تحول النيترو إلى هواء عادى و
على فكرة النيترو مدته 3 شهور و بعدين يتحول عادى
المهم نيجى بعد كده و نعيد الكرة مرة تانية و كل فرده 5 جنية يبقى حرررررررررررام لأن بلدنل كلها مسامير
السادة المحترمين: خدعوك فقالو نيتروجين:
النيتروجين غاز زيه زي الهوا و بالتالي تمدده و انكماشه هيحصل هيحصل لان الغازات تتمدد و تنكمش..
الهواء العادي به نسبة 70% نيتروجين يعني الراجل ما عملش حاجة غير أنه زود كمية النيتروجين من أجل لا شئ..
كل اللي حصل إنك زودت ضغط العجل و هوا ده اللي عمل لك تأثير..
تحياتي ليك و نصيحة : راجع دروس العلوم و الكيميا الخاصة بسلوك الغازات
واضح انك مبصتش على القسم التعليمى اساسا... روح الاول بص على الموضيع اللى بتتناول موضوع النيتروجين و ساعتها حتعرف مين اللى عايز يرجع يذاكر
MMamdouh
السلام عليكم ,
بعد تجربة النيتروجين , فعلا فى فرق جامد : أولا فى نعومة فى أداء العربية , ثانيا : ثبات الضغط انا سافرت اسكندرية مرتين و بعدها قست الضغط فى بريدجستون كان ثابت .
السلام عليكم
أولاً ألف شكر على التجربة والعرض
ثانياً لابد أن أقول أن أمر النيتروجين شديد الغرابة
فشركات الدعاية له تتحدث عن مميزات
ومن يستخدمونه يتحدثون عن مميزات وتجارب أخرى وإكتشافات
والبحث العلمي له وجهة نظر أخرى
وتجربتي السابقة للنيتروجين في سيارتي جعلتني أعود للهواء مرة أخرى
عموماً أنا سمعت إن الهيليوم وصل مصر وفيه محطات بتزود الكوتش هيليوم
مش عارف إيه ميزته هو التاني
واللي يعيش ياما يشوف ويسمع
أستاذ سامر
إسمحلي بتعقيب
جميع الغازات التي خلقها الله تتمدد في جميع درجات الحرارة
والفرق هو في معامل التمدد
فهناك غازات تتمدد أكثر من غازات أخرى
وحيث أن نسبة النيتروجين في الهواء الطلق هي 78 %
فمعنى ذلك أن الهواء (78 % نيتروجين والباقي أكسوجين ونسبة بسيطة من بخار الماء) إذا تمدد في درجة حرارة من 28 إلى 32
فإن النيتروجين الخالص سيتمدد من 28 إلى 31.999999999
وهذا أمر لا خلاف فيه لأنه من خواص الغازات
والكلام عنه بإستفاضه في الرابط التالي:
http://www.nilemotors.net/Nile/showthread.php?t=49376
انا ليا التجربة العملية و نتائجها... حاجات كتير بتبقى نظريا بتسوى الهوايل و فى العملى متلاقيش حاجة
انا حاطت نيتروجين من زمان و ضغط العجل ثابت و العربية انعم فى المطبات و ناس كتير اوى اكدوا على الكلام دة فا انا مش بالف كلام من دماغى ولا عندى محل كاوتش و بنفخ نيتروجين بالفلوس عشان اشجعة
MMamdouh
أولاً:
مسألة تمدد الغازات وخاصةً النيتروجين مع الحرارة وما يخصه من كلام علمي ليس نظرية علمية فقط
بل هو تجربة عملية ومعملية
بمعنى أنه من المسلمات التي لا يقال عليها نظرية فقط
لأن بعض النظريات غير مجربة
لكن هنا نتحدث عن تجارب مسجلة ومجربة
ثانياً:
مسألة التجربة العملية للنيتروجين أنا لا أنكرها على أحد
ومن قال أنني أنكرها على أحد فهو كاذب فيما يقول
والعجيب أنها متعددة ومتباينة
فنجد من يقول إن سحب سيارته قد زاد
أو أن ثباتها في المنحنيات قد تحسن
ومن يقول أن سيارته إرتفعت عن الأرض
ومن يقول أن الكوتش أكثر نعومة على المطبات ... إلخ
وليس لأحد الحق في أن يكذب تجربة زميله
بل نشكره على توضيح تجربته
وأكيد كل ملاحظة من تلك الملاحظات لها ما يبررها أو ما كان سبباً في الشعور بها سواء كان له علاقة بالغاز أو بغيره
لكن أن يقول قائل إن النيتروجين لا يتمدد !!!
فهنا لابد أن نرد عليه ونوضح خطأه منعاً لإنتشار الخرافات في أوساط المتعلمين وإحقاقاً للحق
شكرا للتوضيح يا استاذ احمد ولكن المشاركه الأولى كتبتها فى اليوم التالى لوضع النيتروجين و لم اجربه سوى مشوار واحد فقط و هذا ما وضحته فى المشاركه و ما كتبته حول النعومه فى المشاركه الأخيره كان بعد تجربه السياره اكثر من مره و اختبارها على المطبات و الحفر لفترات اطول وهذا هو سبب الأختلاف
فيه فعلا اختلاف كبير و ملحوظ بعد وضع النيتروجين
انا لا ادافع عن النيتروجين لآنى معنديش دافع لكده
انا فقط اردت ذكر التجربه و توضيح نتائجها
و الموضوع فى الأخر بسيط و مش مكلف على الأطلاق يعنى من يريد ان يحكم بنفسه فعليه بالتجريب
كلام عظيم... طيب ليه مع النيتروجين و سخونة العجل ضغط الاطارات مش بيزيد؟؟
انا طبعا مقيستش العجل بمقاس قبل و بعد اى مشوار لكن ارتفاع الضغط فى العجل سهل اوى اوى تحس بية لان مع الهوا و مشوار فى الحر بتحس فعلا ان الكاوتش بقى ناشف جدا كما لو كان الكاوتش مصنوع من الاسمنت و دة على ضغط 30 فقط... اما مع النيتروجين و ضغط 32 و الحر اللى احنا فيه الايام دى عمرى ما حسيت ان العجل ضغطة زاد او ان العجل بقى ناشف
مع قوانين الغازات اللى تحدثنا عنها و مع التجربة العملية... هل عندك تفسير للموضوع دة؟؟؟ انا بصراحة مشلاقى تفسير و مش عارف ازاى دى تركب على دى
MMamdouh
اللى اقدر ااكد عليه فى التجارب دى هو النعومة فى المطبات و ان الكاوتش مبيحتجش تزويد بشكل متكرر زى الهوا و الكاوتش مبيدبش مع ارتفاع الحرارة (اللى هى الجزيئة اللى بنتناقش فيها بخصوص ارتفاع الضغط مع الحرارة)... الباقى ممكن يكون عوامل نفسية او بسبب ان ضغط الاطارات بقى صح فى الكاوتش و بالتالى متعتبرش تاثيرات مباشرة لاستخدام النيتروجين
و كدة برضة نرجع الى نقطة البحث عن تفسير عدم نشوفية الكاوتش المملوء نيتروجين بع ارتفاع الحرارة زى ما بيحصل للعجل المليان هوا عادى
MMamdouh
باركولى اول مرة يدخل الهيدروجين محافظة المنيا ومن متابعتى معكم ملينى الهدروجين بعد ما شفطنا الهواء من الكوتيشات طبعا وزى ما قال اخونا محمد ممدوح نعومة كامله فى المطبات يعنى الواحد حاسس بشئ غريب عن الاول طبعا الى الاحسن وشكرا لكم
خليت الراجل يا جماعة واستاذ محمد يظبط على 32 زى ما مكتوب على درج التابلوه امامى وخلفى زى ما بيقولوا زى الكتاب والحمد لله نعومة فى المطبات كانى مركب مساعدين جداد فوق المساعدين فى كل شئ بس فى واحد زميل ليا خوفنى وقالى اناه الهيدروجين قابل لللاشتعال هل مع حرارة المشى والجو خطر يا جماعة افيدونا باللله عليكم مش ناقصة وجزاكم الله كل خير
الهيدروجين فعلا قابل للاشتعال لاكن مين قلك تحط هيدروجين الناس بتحط نيتروجين وليس هيدروجين فى فرق بين الاتنين