حد يعرف الخرطوم ده وظيفته ايه

**abdelaziz-waleed** · 07-06-2009 01:20 AM

السلام عليكم يا اجمل عصابة
عندي سؤال
حد يعرف الخرطوم الاحمر اللي في الصورة اللي بيشير اليه السهم ده
ايه وظيفته
وجاي منين ورايح فين
وايه الاعراض اللي المفروض تظهر لو اتخلع من مكانه
انا عندي الخرطوم ده مفصول من ناحية ومافيش ادني تأثير على العربية لا في السحب ولا استهلاك البنزين ولا الحرارة

على فكرة الصورة ديه لموتور عربية فادي باشا Hellboy

**tamertamer** · 07-06-2009 01:35 AM

الصور مش عارف مبتظهرش عندى لية بس لو قلى انا متوقعة يبقا ياباشا دة فايز الهواء ملوش تاثير بالمرة

**abdelaziz-waleed** · 07-06-2009 01:43 AM

الف شكر يا تامورا باشا
انا هاحاول ارفع الصورة بطريقة تانية يمكن تظهر عندك ان شاء الله
هو الخرطوم جاي من العمة وماشي جنب علبة فلتر الهواء وبعد كدة نازل تحت علبة فلتر الهواء
لونه احمر ورفيع جدا وبلاستيك

**samirayad** · 07-06-2009 01:48 AM

وبعد كدة نازل تحت علبة فلتر الهواء
لونه احمر ورفيع جدا وبلاستيك

طيب من عند فلتر الهواء مش واصل بحاجه ( يعنى منه للهواء اللى فى الغرفه )......لأن لو كده حتكون وظيفته التخلص من تصافى أبخرة الزيوت اللى رايحه للعمه من خط الفائظ بتاع المكنه اللى رايح للعمه وبيكون خط الفائظ محمل بأبخرة زيوت خفيفه ويتتجمع فى قعر العمه مثلا ..........بدل ماتدخل المكنه............

**abdelaziz-waleed** · 07-06-2009 01:58 AM

المشاركة الأصلية كتبت بواسطة samirayad

طيب من عند فلتر الهواء مش واصل بحاجه ( يعنى منه للهواء اللى فى الغرفه )......لأن لو كده حتكون وظيفته التخلص من تصافى أبخرة الزيوت اللى رايحه للعمه من خط الفائظ بتاع المكنه اللى رايح للعمه وبيكون خط الفائظ محمل بأبخرة زيوت خفيفه ويتتجمع فى قعر العمه مثلا ..........بدل ماتدخل المكنه............

شرف كبير ليا انك ترد عليا يا استاذ سمير
هو الخرطوم طالع من العمة ولكن صعب جدا تتبعه رايح فين تحت علبة فلتر الهواء
انا عندي مفصول من الجزء اللي تحت فلتر الهواء وبفكر اروح التوكيل اخليهم يركبوه بس كنت عاوز اعرف ايه وظيفته

**samirayad** · 07-06-2009 02:05 AM

عاوزين ننتظر لما نشوف أخونا فادى .....حيقولنا أيه على مكانه بالظبط ....أصل لو كان زى ما أنا تخيلت ......يبقى ملوش لزمه عندك ...........طالما المكنه كويسه .....ويمكن عاملينه كده .....علشان يأخذ أبخرة الزيوت المتجمعه فى قعر العمه بعيد عن المكونات اللى تحت العمه أو قريبه من تحتها (زى الدينامو مثلا ...........علشان يتم التخلص من بخار الزيت بعيد عن الدينامو وهكذا ..........بدل ما البخار يدخل جوه الدينامو )...........وبالذات لما تكون المكنه بتنفخ زيت من الشنابر والزيت بيروح لتحت العمه من خط الفائظ...........لأن بخار الزيت بيبقى كتير فى الأحوال دى ..............عموما المفتاح مع أخونا شادى................وهو حيحدد بداية ونهاية الخرطوم بالظبط

**tamertamer** · 07-06-2009 03:16 AM

ايوة عرفتة طبعا وهو فايز زى مقلتلك ملوش لزمة خالص متشغلش بالك انا شيلة خالص متخفش من حاجة خالص

**abdelaziz-waleed** · 07-06-2009 03:44 AM

الف شكر يا تامر. طمنتني. انا كنت قلقان منه جدا

**M.Osama** · 07-06-2009 06:31 AM

المشاركة الأصلية كتبت بواسطة tamertamer

الصور مش عارف مبتظهرش عندى لية بس لو قلى انا متوقعة يبقا ياباشا دة فايز الهواء ملوش تاثير بالمرة

نفس المشكله برده

انت بترفعها علي موقع ايه ؟

**tananybasha** · 07-06-2009 10:43 AM

يا باشا ده خرطوم فايظ ناحية من عند الموتور و التانية راكبه تحت فلتر الهواء و من تحت عليه بوابه صغيرة مسئوله عن تصريف هواء زياده من الخرطوم ده و لو اتشال العربية تبرجل و خلى بالك قواعد العمة ضعيفة قوى و ممكن تتقطع بسهولة

الموضوع: حد يعرف الخرطوم ده وظيفته ايه

LinkBack

أدوات الموضوع

عرض

حد يعرف الخرطوم ده وظيفته ايه - انشر الموضوع فى :

-

-

-

-

-

-

المواضيع المتشابهه

حد يعرف الخرطوم المفصول ده بتاع ايه ؟؟

منقول: المشدد 30 عاما لبطرس غالي وعزله من وظيفته وإلزامه برد المبالغ

كتاوت الدينمو وظيفته ايه

ما هو الكربراتير؟ وما هو وظيفته؟وما الأعراض الذي تظهر على السيارة إذا تعطل؟

ما هو الرداخ وما وظيفته؟

الكلمات الدلالية لهذا الموضوع

المفضلات

المفضلات

ضوابط المشاركة