-
بنزين الانوس
[gdwl]
نداء عاجل لكل محترفى السيارة الانوس2
يا جماعة مش لاقى حل لبنزين عربيتى والله بتسكر بية
عربيتى لانوس 2 وموديل 2000 كاملة اوتوماتيك عاملة كيلو متر 120000
الموتور بحالة ممتازة لم يفتح تماما المشكلة الوحيدة فى العربية البنزين
العربية بتعمل فى الصفيحة 120 كم بدون تكيف داخل البلد فى الروقان وعلى السريع بتعمل 170 كم
المشكلة دة معايا من وقت ماشتريت العربية من سنتين
روحت بيها على ميكانيكى معرفة ودة كانت البداية
غيرت الرشاشات لهيونداى جديدة وغيرت حساس الاكسجين وحساس الايديل كونترول وحساس المنفول
غيرت الشكمان بالكامل اصلى بعلبة البيئة
تم حل كرتيرة الموتور والفتيس وتنظيف المصافى وتغير زيوت وفلاتر جديدة
تم الكشف على عمود الكامة وتنظيفة و مراجعة التكيهات وظبطها
تم تغير طقم سيرفيس كامل وسلك بوجيهات
كل دة على مدار سنتين وعند كذاء ميكانيكى
العربية حطتها على الجهاز ثلاث مرات وكل مرة الدنيا تمام والمشكلة لسة موجودة
ارجو اللى عندو حل او فكرة يقولى اعمل اية فى مشكلة البنزين دة
لاحسن انا قربت اقطع شراينى
وربنا يكفيكم ما انا فية
[/gdwl]:shyy:
-
طالما العربية اتحطت على الجهاز و مبينش اى عيوب يبقى الحساسات تمام (بفرض ان الفنى اللى بيستعمل الجهاز فاهم هو بيعمل ايه)
و طالما العربية مبتغيبش معاك فى الدوارة يبقى الرشاشات مش بتسيل
يفضل عندنا احتمالين:
1- عندك تسريب من تنك البنزين او خطوط البنزين بين التنك و الموتور
2- رجلك تقيلة شويتين فى السواقة و بتكبس جامد + ان العربية اوتوماتك
MMamdouh
-
ايه أخبار زيت الفتيس والفلتر وحرارة الزيت بتاع الفتيس (السربنتينه بتاعة الزيت كويسه ومسار الميه فيها سالك وهل بتستعمل ماء تبريد عادى مثلا ).........وهل عملت أسكانر على الفتيس أيضا......وأنت ألم تلاحظ صوت المكنه بيعلى بدون سحب كويس ............وغيردا كله ............حاول تقيم الأستهلاك بالأعتماد على تفويلتين متتابعتين ( مش على مؤشر البنزين برضه ....لأن ممكن يكون الأستهلاك عادى والمؤشر بيخرف مثلا بسبب عيب فى حساس طلمبة البنزين )
-
شوف يا أستاذ هانى
قبل اى حاجه انا عجبنى طريقة حلك للمشكله وان كانت مكلفه جدا
مع احترامى لأساتذة المنتدى حاول تفكر بره الصندوق........... بمعنى
فكر فى الحاجات التافهه اللى الناس بتطنشها
اولا راجع على باب تانك البنزين هاتلاقى جوه باب صغير لونه اسود بيفتح ويقفل اتأكد انه موجود وشغال
ثانيا اتأكد من غطاء التانك انه مش مكسور
ثالثا فول العربية ويا ريت لو عندك جراج او مكان مغلق وهز العربية من كل الاتجاهات وحاول تشم ريحة بنزين
رابعا افتح شنطة العربية وهز العربية كويس وانت مفول وحاول تشم ريحة بنزين
خامسا افتح الكبوت تحت البوابة هتلاقى خرطوم مكتوب عليه Fuel أتأكد انه راكب كويس
سادسا والعربية بارده دور العربية وانت فاتح الكبوت للحظات واقفل تانى وشم فى الكبوت على رائحة بنزين
فى واحد صاحبى قال لى قبل كده ان فيه ماده زمان كان بيحطه على البنزين علشان تلونه ولو فيه اى خرم فى اى حته بيبان
حاول انك تعمل كل الاختبارات ديه بعد ما تغسل العربية غسله محترمة من بره ومن جوه من غير اى معطرات
احب اقول لحضرتك ان كلنا فى انتظار تجربتك
انا بكرر كلام استاذ محمد ممدوح اننا واثقين ان الشغل اللى انت عملته فى العربية قبل كده اتعمل صح ومفيش فيه اى مشاكل
-
السلام عليكم ورحمه الله وبركاته
على فكره قلبى معاك يا اخى بس أكيد انت عندك حاجة غلط لان الأستهلاكات دى لا يمكن انها تكون طبيعية
معايا لانوس كاملة صيانة وكيل بتعمل جوه البلد 220 بالتكييف وعلى الطريق المفتوح 270 بالتكيف سواقة متغيرة ومتوسطةأكيد
عندك فى حاجة غلط ويارب أخوانا فى المنتدى يدلوك عليها
-
متابع باهتمام جدا جدا جدا
Content Relevant URLs by
vBSEO 3.6.0 PL2